Fríða og Dýrið

Netid dágóda

2006-07-26T04:21:00.000-07:00

Erum í vandrædum med netid heima thessa dagana og thví eru engin skrif í bili.

Samantekt:

Vorum í Svíthjód, rosalega gaman.

Einar og Sjöfn og Pálmi eru ad koma í heimsókn, 2. - 6. ágúst

Förum í heimsókn heim á klakann 18. ágúst.

Óver end Át.

Gestagangur

2006-07-12T15:01:00.000-07:00

Við erum búin að hafa marga góða gesti undanfarna daga. Bjarný og Hörður komu til Köben í nokkra daga til að versla húsgögn fyrir nýju búðina sína sem heitir Gallerí húsgögn og er í Kópavogi. Við fórum út að borða með þeim á Spiseloppen á fimmtudagskvöldið og þökkum þeim kærlega fyrir okkur.
Stóra Grænuhlíðagengið kom síðan á föstudaginn og erum við búin að gera margt skemmtilegt með þeim t.d. fara í Tívolí, í dýragarðinn, á ströndina og grilla í stóra húsinu þeirra. Veðrið er búið að vera mjög gott og spáin er enn betri :) Sól sól sól.
Við áttum líka góða stund með skemmtilegu fólki á Íslands bryggju á mánudagskvöldið. Þar hlustuðum við á Eivöru Pálsdóttir syngja á meðan við sleiktum sólina og borðuðum góðan mat.
Lengri pistill verður skrifaður seinna.......

En þangað til vil ég benda á að myndir eru komnar inn í myndir 1 og að ég er búinn að mastera að setja video á netið þannig að nú verður það nýjasta nýtt.

Byrjum hér að spennuhrollvekjunni Í klóm Dauðans, sem fjallar um hungraða ófreskju og vammlausan dreng.

Þar til næst............

I had the time of my life

2006-07-04T13:24:00.000-07:00

Það var svo ótrúlega gaman á hróaskeldu. Nú skil ég loksins hvað fólk hefur verið að tala um og ég segi eins og aðrir: Allir ættu að prófa Hróaskeldu allavega einu sinni.
Skipulagningin og allt í kring um hátíðina eru til fyrirmyndar! Það sem kom mér á óvart er allur lúxusinn á hátíðinni, þarna getur maður keypt sér thailenskan, indverskan, gillmat, pizzur, hamborgara, hakk, grænmetisrétti og já nánast allt. Hægt er að kaupa ískaldan bjór, margarítur og aðra kokteila. Já þetta er lúxus. (Týbískt ég að tala um matinn á undan músíkinni).

Tónlistin var náttúrulega frábær á hátíðinni og hlustaði ég á margar skemmtilegar hljómsveitir, sumar þeirra var ég að sjá í fyrsta skiptið, aðrar hafði ég séð áður.
Ég ætlaði að fjalla lítillega um hverja hljómsveit fyrir sig en eftir að hafa skrifað komment undir allar 100 myndirnar sem þið getið skoðað í myndaalbúminu undir myndir 3 þá ætla ég að láta það duga að telja hljómsveitirnar upp.

Fimmtudagurinn:
Deus
Guns´N Roses

Föstudagurinn:
Eivör Pálsdóttir
Death Cab for cutie
Morrissey
Bob Dylan
Scissor Sisters

Laugardagurinn:
Deftones (rokk)
Tool (rokk)
Kanye West (rappari með meiru)
George Clinton Parliament/funkadelic (frábær stuð fönk hljómsveit)

Sunnudagurinn:
Norsk söngdíva
Wolfmother
The Strokes
Placebo
Franz Ferdinand
Roger Waters performing The Dark Side Of The Moon

Þetta var allt saman magnaðir tónleikar, ólýsanlegt.

Fyrir utan það að hlusta á góða tónlist var spjallað við skemmtilegt fólk, legið í sólbaði, borðað góðan mat og drukkið kaldan öl, kvartað yfir hita á daginn og kulda á næturna, dansað, hlegið en sem betur fer ekki grátið.

Ef þið farið í gegnum ævina án þess að fara á Hróa þá vorkenni ég ykkur. Já þetta eru stór orð. Þetta er bara svo ljúf hátið án slagsmála, vandræða og áberandi drykkjuláta. Það var meira að segja fullt af fjölskyldufólki þarna á sunnudeginum.
Það sem pirraði mig mest á hátíðinni var pissulyktin en einhversstaðar þarf fólk sem innbyrðir svona mikin bjór að pissa.... :)

Takk fyrir mig Hróaskelda!

Klukkan er sjö, nú verða lesnar fréttir

2006-06-26T07:39:00.000-07:00

Heilir og sælir góðir landsmenn, það er Páll Guðbrandsson sem talar í misbeinni útsendingu frá Kaupmannahöfn. Í fréttum er þetta helst:

Ungur maður að nafni Þórsteinn Sigurðsson heimsótti Guðnýju og Pál í vikunni. Heimsóknin var ekki óvænt og hafði hennar verið beðið með óþreyju í þónokkurn tíma. Doddi er systursonur Guðnýjar og kom til Kaupmannahafnar á þriðjudaginn og gisti hjá heimilsfólkinu á Brydes Allé áður en hann hélt til Hróarskeldu til að vera viðstaddur mikla tónlistarhátíð sem þar fer fram einu sinni á ári hverju. Guðný og Palli fylgdu Dodda um miðbæ Kaupmannahafnar og sýndi frænka hans honum nokkrar flottustu búðirnar við mikla hrifningu unga mannsins. Farið var út að borða á víetnömskum veitingastað þar sem var haft eftir Dodda: "Eruð þið viss um að það sé í lagi meða þetta, að þetta séu ekki kettir?" síðan var kíkt í Tívolí og farið í partý í hin nýju húsakynni Cosmógroupforstöðukvenna á Vesterbro. Aðspurð hafði Guðný þetta um málið að segja: "Já hann kom hérna út og við gerðum fullt af skemmtilegum hlutum saman, þetta var bara ógó fínt." Palli kaus að tjá sig ekki um málið að svo stöddu en hefur lofað fjölmiðlum yfirlýsingu innan 48 tíma.

Eins fram kom fyrr í fréttatímanum verður Hróarskelduhátíðin haldin um helgina og í raun alla þessa viku, því tjaldstæðið opnaði á sunnudaginn. Eftir því sem við komumst næst keyptu Palli og Guðný sér tjald á góðu verði hér úti og voru svo heppin að Bragi Brunavörður er einn þeirra sem halda á tjaldsvæði hátíðarinnar á sunnudeginum og bauðst hann til að tjalda þessu nýja tjaldi þeirra ásamt öðru samskonar tjaldi sem hann og Inga höfðu fengið hjá sama heildsala. En í þann mund sem Bragi hóf tjöldun reið ógæfan yfir. Tjöldin sem miðað við verð höfðu virst lítil og ómerkileg reyndust risastór og illviðráðanleg. Sjónarvottar segja að á tjaldsvæði Hróarskeldu hafi tvö sirkustjöld skyndilega skotið niður rótum. Eftir að tjöldun var lokið og sjónarvottar hættu sér að tjöldunum fannst Bragi í öðru tjaldinu en þangað hafði hann komist við illan leik. Var hann hrakinn og nokkuð dregið af honum og dvelur hann nú á tjaldhremmingardeild Hróarskelduspítala og er líðan hans með atvikum. Jan Ole Skedbanegaard (sjá mynd) varð vitni af tjölduninni: "Ég sá hann leggja frá sér tvo poka og allt virtist með felldu en er hann opnaði pokana spruttu út þessu risatjöld og fyrr en varði var hann horfinn í tjaldskýi. Ég var búinn að fylgjast með honum tjalda nokkrum tjöldum fyrr um daginn og hann virtist mjög vanur en þegar um tjöld af þessari stærðargráðu er að ræða geta jafnvel reyndustu tjaldarar orðið undir." Þess má geta að Jan Ole er sjálfur með 20 ára tjöldunarreynslu og segist aldrei hafa séð annað eins. Við verðum með frekari fréttir af líðan Braga þegar þær berast.

Að lokum skulum við huga að veðri en það er góð spá framundan, einhverjir skúrir gætu orðið á fimmtudag en ekki eru miklar líkur á því, á föstudag, laugardag og sunnudag er síðan spá heiðskýru og 20-25 stiga hita.

Fleira er ekki í fréttum að sinni, veriði sæl.

17.júní fagnaður og bara almenn gleði

2006-06-18T10:07:00.000-07:00

Við héldum 17.júní hátíðlegan með að fara niður á Amager-Strand í Íslendingafögnuð. Þar voru fjölmargir Íslendingar samankomnir til að hlusta á íslenska þjóðsönginn og ýmsar ræður, sjá samba og magadanssýningu, sýna sig og sjá aðra.
Veðrið lék við okkur og var algjör steik við ströndina. Dagurinn var mjög skemmtilegur, skemmtilegasti 17.júní síðan að ég var lítil stúlka. Eini svarti bletturinn á deginum var að allt íslenska nammið var búið þegar við mættum á svæðið...hverslags bissness er það...fullt af Íslendingum en nammið var uppselt á 15 mínútum.ARG. Ég tók samt fljótlega gleði mína á ný vegna þess að liðið hans Palla vann blakkeppnina. Palli var mjög ánægður með að vera næstum tveir metrar á hæð þegar hann rakaði inn blakstigunum :)

Eftir að við vorum búin að sóla okkur í næstum 5 tíma var haldið heim til Bjarna sem var með mér í MS. Ég varð alveg svakalega glöð þegar að hann dró fram fulla skál af íslensku nammi híhí. Þar var spilaður smá póker og síðan fórum ég og Palli að hitta systurnar þrjár, Júlíu, Ingu og Guðrúnu en þær voru á íslensku kvöldi á Salonen. Eins og þið sjáið hérna á myndinni til hliðar þá gengur mikið á hjá stúlkunum. Þessi mynd var tekin til heiðurs Ingibjörgu sem er væntanleg til Köben eftir 9 daga og hlakkar okkur öllum til :)

Hafið þið smakkað hollenskan mat? Það hef ég og veit að þeir nota mjög mikið krydd í matargerðina :) Við fórum á hollenskan veitingarstað á föstudagskvöldið ásamt Júlíu, Ara, Rut og Stebba. Þau pöntuðu sér sérréttinn sem var lamabakjöt í súpu, með hrísgrjónum og alskyns meðlæti t.d. melónum, banana, gúrku. Það fylgdi líka bakki með 10 mismunandi kryddjurtum, kókos, ristuðum kókos og fleira. Við vissum nú ekki almenninlega hvað við áttum að gera við allt þetta krydd og sturtuðum því yfir hrísgrjónin...mælum með ristuðum kókos með hrísgrjónum og banana :) Eftir matinn var farið á stað þar sem tilboð voru á barnum (auðvitað) og skellt í sér Mojito áður en við héldum heim á leið.

Í dag, sunnudag, fór ég og hitti Elísabetu og vin hennar sem heitir Varði í H.C.Örested garðinum. Dagurinn var mjög fínn og afslappandi. Þá er vinnudagurinn á morgun en á þriðjudaginn kemur Doddi frændi í heimsókn. Vei vei vei. Þá verður gert eitthvað skemmtilegt :)

Nýjar myndir undir Myndir 1.

Í sól og sumaryl ég samdi þennan póst.......

2006-06-15T12:03:00.000-07:00

Já sælt veri fólkið, það er Páll Guðbrandsson fréttaritari sem skrifar frá Kaupmannahöfn. Á þriðjudaginn kláraði ég síðasta prófið mitt og var það mikill léttir enda er maður vanur að vera búinn minnst mánuði fyrr. Ekki bætti úr skák að síðustu tvær vikurnar er búið að hlýna jafnt og þétt hér úti og fer hitinn rétt niðrí 13-15 gráður um næturnar en er annars mill 20 og 30. Þetta er farið að verða eins og á Mallorca, sængurnar eru komnar uppí skáp og maður sefur í svitabaði með lak yfir sér.

Á laugardaginn seinasta var eins og venjulega fótboltaleikur hjá FC Island og að venju vaktaði Gíraffinn miðjuna árvökull en jafnframt grimmur. Guðný kom að horfa á leikinn ásamt Gulla og Laufey og fleiri aðstandendum leikmanna. Ástæða þess var að eftir leikinn grilluðu allir leikmenn og aðstandendur saman á Solbakken kollegíinu. Eftir grillið var horft á Argentínu sigra Fílabeinsströndina. Eftir það var svo spilað pool og léttur póker tekinn áður en menn héldu heim á leið.

HM er í fullum gangi og er ég búinn að horfa á nokkra leiki og er þetta mjög skemmtilegt mót enn sem komið er. Þau lið sem hafa heillað mig mest eru Holland, Portúgal og Króatía og náttúrulega Ekvador sem hafa heldur betur komið öllum nema sjálfum sér á óvart. Áfram Ekvador!!! Ha? Max? Brasilía eru vonbrigðin hingað til og það að þeir leikir sem ég sá í fyrstu umferð voru litaðir af meiri leikaraskap en ég hef séð á nokkru HM. Mér finnst að eins og með gróf brot megi eftirá dæma menn í bann ef þeir sýna af sér leikaraskap, annars hafa þessir menn enga hvatningu til að hætta þessu. Ef ég fengi að ráða öllu þá yrðu þessir menn settir í gapastokk á einhverju torgi með beran bossan og ég myndi útdeila rotnum ávöxtum fyrir framendann og krikkettkylfum fyrir afturendann.

Í gær fórum við síðan yfir til Svíðþjóðar og vorum viðstödd útskrift Theodórs frænda frá menntaskóla. Theodór er sonur Ellu systur hennar mömmu sem býr í Staffanstorp í Svíþjóð. Ella og Bjarni maður hennar héldu frábæra veislu og buðu uppá frábærar veitingar, m.a. hangikjöt. Útskriftin sjálf var alveg frábær en allir ættingjarnir söfnuðust saman fyrir utan skólann og fögnuðu gríðarlega þegar einn bekkur í einu stökk út um dyr skólans öskrandi og blásandi í dómaraflautur. Hver fjölskylda var með skilti með nafni síns nema á barna mynd af viðkomandi. Eftir að krakkarnir komu út og fundu fjölskylduna sína settu þau á sig plast svuntur til að vernda fínu fötin fyrir öllum blómunum sem voru síðan hengd um hálsinn á þeim. Síðan voru krakkarnir keyrðir heim í alls kyns mismunandi farartækjum sem fjölskyldan hafði útvegað. Theodór og nágranni hans voru keyrðir heim í svaka flottum gömlum blæju cadillac. Þetta var svaka skemmtilegur dagur og gaman að sjá Ingibjörgu dóttur Ellu og Bjarna og Markus mann hennar og Kasper son þeirra.

Uppselt er á Hróarskeldu og erum við hamingjusamir eigendur tveggja miða á festivalið. Dettur ekkert meira í hug núna, nema að ekki gefast upp í baráttunni gegn Bandarískum heimsyfirráðum.

Rokk og ról!!! og Áfram Ekvador!!! og Áfram Ég!!!

Íslensk Kaupmannahöfn

2006-06-08T13:48:00.000-07:00

Já það er margt sem kallað er íslenskt í Köben jafnvel þó að það sé ekki alveg ,,ekta íslenskt,,.
Skyrið okkar er komið til Köben eins og þið kannski vitið. Það er selt í búðum sem heita Irma sem eru með dýrustu (og flottustu) matvörubúðum hérna í Danmörku. Skyrið er næstum því í eins umbúðum og heima en það stendur hinsvegar framan á dönsku umbúðunum: Skyr er tilvalið til hádegisverðar eða sem eftirréttur (sé fyrir mér að bjóða Íslendingum upp á skyr sem eftirrétt hehe).
Ég fór auðvitað valhoppandi út í Irma til að kaupa mér skyr......VONBRIGÐI!!! Danska skyrið er mun þynnra en íslenska skyrið og alveg dísætt. Ég kann best við skyr.is en danska skyrið er með svona jarðaberjakögglum í...kann ekki við það... En danska skyrið er samt mun mun betra heldur en danska jógúrtið :)

Fórum á Da Vinci code í kvöld í boði Indiska (vinnan hans Palla). Hún var bara alveg ágæt, skil ekki allar þessar óánægjuraddir. Góðir leikarar og góð samtöl í myndinni.

Í gær fór ég í bæinn með Camillu vinkonu minni (en hún er alveg óð í ,,íslenska,,skyrið. Hún er á stærri myndinni hérna fyrir ofan, mér gekk eitthvað illa að setja myndirnar á réttan stað hehe). Við lágum allan daginn í garði í miðbænum og sóluðum okkar og borðuðum ís. Hérna er veðurspáin mjög góð fyrir næstu daga, þannig að ef einhver var að spá í að fara í helgarferð til Köben, þá er þetta rétta helgin. 25 gráður næstu vikuna og heiðskýrt. Helgin fer líklega í grillveislur og útiveru :)

Við erum búin að festa kaup á miðum á Hróaskeldu, vei vei. Það verður fjör.

Hvítasunnuhelgin í Köben

2006-06-05T05:35:00.000-07:00

Það er svo gott að fá extra langa helgi...en svo erfitt að fara í vinnuna aftur!

Annars erum við búin að hafa það mjög gott hérna um helgina.

Á föstudaginn var mjög gott veður hérna í Köben og eftir vinnu löbbuðum við aðeins um í bænum en fórum frekar snemma heim enda var vinna daginn eftir.
Eftir smá viðkomu í Det Bla Pakhus á laugardeginum eftir vinnu fórum við til Laufeyjar og Gulla, horfðum á American Idol og elduðum saman svínakótilettur, nautakjöt og ribs. Allt saman mjög gott.

Þegar við vöknuðum á sunnudeginum var þessi svakalega veðurblíða og drifum við okkur með Júlíu, Ingu, Braga, Laufey og Gulla út á Amager strönd í sólbað og huggulegheit. Við fórum í lítinn garð sem kallast fimmeyringurinn en hann er alveg við ströndina. Hvítasunnudagsmáltíðin var síðan snædd á Jensens Bofhus í góðum félagsskap.

Samkvæmt veðurspánni á hitastigið að hækka í Köben með hverjum deginum og um næstu helgi á að vera yfir 20 stig og sólskin :) Vona að það gangi nú eftir. Danir eru orðnir heldur óþreyjufullir eftir sól og sumaryl þótt að ekki væri hægt að kvarta yfir veðrinu um helgina.

Mæli eindregið með víetnamska staðnum Le Le á Vesterbrogade. Þegar ég fór þangað í síðustu viku í tilefni af afmæli Arkar þá fékk ég mér sterka súpu með eggjanúðlum og andarkjöti. Maturinn var svo ferskur og góður og á góðu verði! Áætluð er önnur hópferð á þennan stað í nánustu framtíð :)

Palli er annars á fullu að læra undir próf...og ég tala næstum því bara um veðrið..þannig að þið sjáið að við höfum engar stórkostlegar fréttir :)

Hafið það gott í vikunni...hægt er að hugsa til þess að vinnuvikan er aðeins 4 dagar :)

Myndir af helginni og þegar við fórum á ljósmyndasýningu á Kongens Nytorv í Myndir 2

matur...og meiri matur...

2006-06-01T09:08:00.000-07:00

Við fórum á alveg geggjaðan tapas stað á föstudagskvöldið, staðurinn liggur á Nansensgade. Við fengum okkur m.a. kolkrabba, risarækjur í hvítlaukssósu, góða kartöfluréttinn (bravas eitthvað), grillspjót með kálfakjöti og lambakjöti. Þetta var allt mjög gott og stemmingin var frábær á staðnum. Á sumrin er hægt að sitja úti í bakgarði og eigum við áreiðanlega eftir að fara aftur á þennan stað og sitja úti í sólinni.
Talandi um sólina þá er hún byrjuð að láta sjá sig aftur þessi elska :) Hálfskýjað fram á sunnudag og þá 20 stiga hiti og sól :)

Það kom mjög skemmtilegur eldri danskur maður í vinnuna til mín um daginn og þegar hann frétti að ég væri íslensk þá byrjaði hann að þylja upp setningar úr Hávamálum! Þetta var nokkuð gott hjá honum miðað við að hann lærði þessar setningar árið 1930 :) Hann ætlaði varla að fara út úr búðinni eftir þetta allt saman en það er önnur saga :)

Á mánudagskvöldið fórum við heim til Guðbjargar og Magga og Heklu og borðuðum með þeim en þau fóru í gær aftur heim til Íslands. Þeirra verður saknað. Hekla er orðin svo ótrúlega stór og myndaleg, með mikið dökkt hár og hún verður áreiðanlega búin að breytast mikið þegar við sjáum hana næst...í ágúst. Óskum Guðbjörgu einnig til hamingju með að hafa náð prófinu í verkfræðinni þrátt fyrir að vera nýbúin að eignast barn. Það er nú meiri dugnaðurinn.

Gulli og Laufey eru svo rosalega dugleg í eldamennskunni og vorum við boðin í enn aðra veisluna til þeirra á sunnudagskvöldið. Laufey snaraði fram svínasteik, brúnuðum kartöflum og heitri brúnni sósu. Í eftirrétt var svo heit eplakaka og rjómi. Takk fyrir okkur :)

Annars var helgin bara ljúf, kaffihús með Ingu, Guðbjörgu og Magga, Hildi og Ágústi. Fór í Det bla pakhus með Laufey, í ræktina og horfði á sjónvarpið. Palli greyið var bara að læra um helgina og svo fór hann auðvitað að keppa í fótbolta.

Næsti gestur er Doddi frændi en hann kemur til Köben þann 20 júní og hann verður til 6 júlí. Hann ætlar líka að skella sér á Hróaskeldu. Síðan kemur Svanhildur, Deddi, Guðrún Jóna og Hlynur þann 7.júlí og dvelja í íbúð í Kaupmannahöfn í 2 vikur. Einar og Sjöfn koma til Köben um verslunarmannahelgina. Okkur hlakkar mikið til að fá þessa gesti :)

Í kvöld er ég að fara að borða á víetnömskum stað með Önnu, Örk og Elísabetu.Slíkan mat hef ég aldrei prufað og verður það spennandi.

Palli kláraði sitt fyrsta próf í dag og gekk honum bara vel.

Lærdómsgleði og markasúld

2006-05-26T14:55:00.000-07:00

Jæja sit hér nidrí skóla og tek mér smá frí frá ritgerdarskrifum til ad heilsa uppá mannskapinn. Já thad er ekki margt af manni ad frétta nema ad madur skólast og spilar fótbolta. Spiludum í gær, unnum 5-1 og ég skoradi mitt fyrsta mark fyrir klúbbinn eftir ad markvördur andstædingana gerdi thau grundvallarmistök ad vanmeta lengd lappa minna.

Annars hefur ekkert merkilegt gerst sídan ég villtist af leid í skólanum um daginn, fór innum vitlausar dyr og gekk inná Gwyneth Paltrow thar sem hún var ad maka lúkvolgum mysingi undir handakrikana á fremur tætingslegum órangútan apa. Sem betur fer var ég með myndavélina á mér og náði að smella af, núna bíð ég bara eftir gagntilboði frá Ekstrabladet fyrir myndina.

Hvort kom á undan eggid eda hænan?

The resluts are in! It's official!

Júróvisíon, Nilfisk og Dragor

2006-05-21T09:15:00.000-07:00

Þetta er búin að vera viðburðarík og skemmtileg helgi. Eins og flest allir Íslendingar horfðum við á undankeppni Júróvisíon á fimmtudagskvöldið. Tugir Íslendinga í Köben söfnuðust saman á barnum O´Learys með einn öl í hönd og vonarglætu í brjósti sér. En allt kom fyrir ekki, Silvía Nótt komst ekki áfram þrátt fyrir góða framistöðu á sviðinu. Mér fannst þvílíkur dónaskapur af liðinu þarna úti að púa á Silvíu, varð bara hálfmóðguð yfir þessu öllu saman. Annars eru Svíar alveg brjálaðir yfir því sem Silvía sagði um sænsku söngkonuna :) Þar fór hún kannski smá yfir strikið ...?

Á föstudaginn fórum við skötuhjúin út að borða að hætti Dana. Við fórum á Jensens Bofhus vopnuð stimpilkortum en við vorum einmitt komin með nógu marga stimpla til þess að fá fríar máltíðir (eftir alla gestaflóruna sem kom í vor). Þegar það kom af eftirréttinum dró ég fram skafmiða, en um páskana hafði ég unnið frían ís hjá Jensens Bofhus í páskahappadrættinu þeirra. Okkur leið nú samt dálítið kjánalega en maturinn smakkaðist mjög vel :)

Um helgina hélt hljómsveitin Nilfisk sína fyrstu tónleika fyrir utan Ísland. Strákarnir voru bara mjög skemmtilegir og lagavalið hjá þeim var frábært en þeir spiluðu sína tónlist og tökulög í bland. Þeir tóku m.a. lög með Bítlunum (ekki þótti mér það slæmt), David Bowie og Pixies. Þeir voru með rokkarataktana í lagi og voru algjör krútt (þótt að orðið krútt sé kannski ekki það fyrsta sem rokkarar vilja heyra, en þeir eru nú bara 17 ára gamlir).
Stemmingin á tónleikunum var mjög góð og undir það síðasta voru allir byrjaðir að dansa. Inga stóð sig líka vel sem DJ kvöldsins. Gott kvöld!

Laugardagurinn fór í vinnu og kaffihúsahangs. Guðbjörg systir hans Palla kom til okkar á laugardeginum og gisti í eina nótt. Ég og Guðbjörg horfðum á Júró og spáðum fyrir um úrslit kvöldsins. Hún varð alveg forviða þegar ég sagðist spá Finnum góðu gengi en hún sá hinsvegar fyrir gott gengi Bosniu-Hersegóvínu. Á meðan að við höfðum huggulegt kvöld heima við þá fór Palli á uppskeruhátíð hjá körfuboltanum. Líklega hafði hann huggulegt kvöld líka....bara öðruvísi huggulegt :) Hann fékk annars viðurkenningu fyrir besti leikmaður tímabilsins,(vei vei) tæknivillu tímabilsins og grófasti leikmaður tímabilsins (spurning hvort að það sé heiður :))og svo blokk tímabilsins.

Í dag þá fórum við í sveitarferð til Dragor, þar var mjög fallegt og við löbbuðum um sveitirnar og skoðuðum sveitarvillurnar. Þarna er ótrúlega fallegt og allt svo rólegt og afslappað. Við mættum ófáum hestum og hundum á leið okkar :) Mér tókst samt í sveitarsælunni að finna flotta húsgagnabúð...á eftir að fara þangað aftur hehe

Har det godt!

Nýtt í Myndir 1

Stuð stuð stuð

2006-05-17T12:42:00.000-07:00

Góður dagur í dag!
Byrjaði daginn á því að fara í fótsnyrtingu og litun og plokkun. Ég var að nota gjafabréfið sem ég fékk frá Palla í afmælisgjöf. Ég á ekki orð yfir það hvað fótsnyrtingin var þægileg, það var stjanað við mig í einn og hálfan tíma á flottustu snyrtistofu sem ég hef á ævinni komið inn á! Þvílíkur lúxus! Mér varð hugsað til vissrar manneskju þegar ég var á snyrtistofunni...til hennar Berglindar...hún veit af hverju :)
Eftir dekrið fór ég og hitti Camillu á kaffihúsi og síðan löbbuðum við um Nansensgade, kíktum í allar flottu búðirnar og létum okkur dreyma um hönnunarkjóla :)

Palli og Laufey komu síðan og hittu okkur Camillu og við fórum inn í ,,delicatessen,, búð á Nansensgade sem heitir Stigs oliven.Þar var sjálfur Stig að vinna og hann var ferlega hress gaur sem vildi stanslaust vera að bjóða okkur að smakka t.d. sveppi, ferskt pestó, ólífur og fleira góðgæti sem hann hafði upp á að bjóða. Mælum með að labba inn og kíkja á hann Stig :) Hann er fyndinn :)

Las í blöðunum í dag að rúmlega 200 þús ísl krónum hafi verið stolið af fermingarbarni...í sjálfri fermingarveislunni! Hvernig er þetta hægt? Þessir ættingjar mega skammast sín!

Áfram Silvía Nótt :) stuð stuð stuð

SS-pylsupartý og dönsk sveitarsæla

2006-05-14T09:36:00.000-07:00

Okkur var boðið í SS-pylsupartý sl föstudag í tilefni af afmæli Rutar. Afmælið var haldið í einum fallegasta garði Kaupmannahafnar sem heitir Orestadgarðurinn (að ég held). Ég hef aldrei smakkað eins góðar pylsur og það besta er að pylsubrauðin voru líka flutt að heiman. Ég held að það hafi verið grillað yfir hundrað pylsur, allavega borðaði ég fleiri pylsur en ég hef nokkuð tímann gert :) Það var mjög huggulegt í garðinum enda félagsskapurinn góður og sólin skein. Takk kærlega fyrir okkur Rut og Stebbi.

Eins og allir hafa frétt vann Liverpool enska FA bikarinn á laugardaginn eftir magnaða vítaspyrnukeppni við West Ham. Palli fagnaði ógurlega eftir leikinn og kom rámur heim stuttu eftir miðnætti, það var víst fjölmennt á stærsta Liverpool barinn eftir fótboltaleikinn. Ég hélt mig hinsvegar heima við og horfði á stórgóða mynd sem heitir Ondskab. Myndin er sænsk og var tilnefnd til óskarsverðlaunana fyrir nokkrum árum. Mæli með henni. Að vísu hafði ég séð hana áður þegar að Maj-britt kom í heimsókn til okkar en hún var bara betri í annað skiptir og ekki skemmdi fyrir að hafa danskan texta (sænskan getur verið svo illskiljanleg). Aðalleikarinn er líka ferlega myndarlegur :)

Í dag, sunnudag fórum ég og Örk í smá ,,sveitarferð,, Leið okkar lá til Bellerup þar sem við fórum á Loppemarkað. Þetta var að vísu mjög óspennandi markaður en gaman að skoða ný svæði. Eftir sveitarferðina fórum við svo á kaffihús á Istegade ásamt Elísabetu og Palla.

Nú höfum við ákveðið að flytja heim til Íslands í sumarlok. Palli ætlar að klára sálfræðina næsta vetur. Það er ekki komið í ljós nákvæmlega hvað ég tek mér fyrir hendur.
Ef einhver vill leigja okkur íbúðina sína eða veit um einhvern sem vantar leigjendur, endilega látið okkur vita :)
Núna þurfum við aldeilis að nota sumarið í Köben vel, ég efast ekki um að þetta verður skemmtilegt sumar :)

Ætla að lokum að auglýsa tónleika í Kaupmannahöfn næstkomandi föstudag með íslensku hljómsveitinni Nilfisk. Tónleikarnir verða haldnir á skemmtistaðnum Skarv á Pilestræde (alveg niðrí miðbæ). Dj kvöldsins verður enginn annar en Inga Rún :) Þetta verður áreiðanlega skemmtilegt Íslendinga partý!

Nýjar myndir í Myndir 1

Af auka frídegi, sól og grilli.

2006-05-10T13:14:00.000-07:00

Tíminn er svo fljótur að líða! Ég var að kaupa mér mánaðarkort í lestarnar og það gildir til 7 júní....já júní er á næsta leyti...alveg hreint og beint ótrúlegt.

Herdís, Ýr, Bríet og Þórir eru farin heim til Íslands og söknum við þeirra mikið. Það var mjög gott að hafa þau hjá okkur og börnin alveg yndisleg. Við fengum þvílíka sendingu af íslensku sælgæti og fleira góðgæti frá þeim og þökkum við þeim fyrir.
Þau voru svo heppin að það var heiðskírt og yfir 20 stiga hiti allan tímann á meðan þau voru hér. Síðustu 2 dagana þeirra vorum við bara að dúlla okkur, lágum í görðum, kíktum í búðir og vorum á kaffihúsum. Við fórum einnig í barnaafmæli en sonur Bjarka og Hildar, hann Tómas varð 7 ára sl, sunnudag. Í afmælinu fengum við m.a.flatkökur og hangikjöt nammi namm.
Á sunnudagskvöldið fórum við út að borða á indverskan stað. Þórir og Bríet sátu við borðið á upphækkuðum stólum og voru ferlega krúttleg. Massímó var síðan heimsóttur síðasta kvöldið og stóð hann eins og ávallt undir væntingum.

Eftir vinnu í gær fórum við og heimsóttum Guðbjörgu, Magga og litlu Heklu. Við ákváðum að grilla á svölunum hjá þeim ásamt Júlíu, Ingu og Braga. Við sátum út á svölum til klukkan 22 og enn var þvílíkur hiti í loftinu...ah svo ljúft :)

Frændi minn hann Jens er farinn til Barcelona að vinna yfir sumarið. Á leiðinni á flugvöllinn bilaði lestin sem hann var í (í London)og hann missti af fluginu. Ekki nóg með það...síðan í lestinni frá flugvöllinum í Barcelona að hótelinu var hann rændur og hann nýkominn úr hraðbanka. Hversu óheppinn er hægt að vera? Greyið litli frændi minn :(

Á föstudaginn er helgidagur í Danmörku, dagurinn heitir Den store bededag og er sameiginlegur frídagur fyrir öll trúarbrögð. Sweet að fá frí í vinnunni á föstudegi :) Þið hin heima: Har god arbejdslyst pa fredag híhí.

Nýjar myndir undir Myndir 1

Lítil börn og rólegheit

2006-05-06T11:37:00.000-07:00

Við höldum áfram að hafa það gott hérna í Köben. Herdís systir, Bríet dóttir hennar, Ýr vinkona Herdísar og Þórir sonur Ýrar mættu á svæðið í gærdag, beint í hitabylgjuna í Köben :)
Í gær röltuðum við um í bænum, mæðurnar fengu að skreppa inn í H&M á meðan ég og Palli röltuðum um með barnavagnana, það er nefninlega ekki hollt fyrir geðheilsuna að bíða of lengi með að fara í H&M hehe.
Veðrið var svo yndislegt í gær að við tímdum ekki að vera mikið inn í búðunum, við sátum í staðinn á útikaffihúsunum og höfðum það gott.

Í dag var dagurinn tekinn snemma, við fórum á útimarkað þar sem gerð voru góð kaup eins og vanalega :) Ég fór heim, tveimur stólum ríkari hehe.
Við fórum inn í eina búð í dag (svo gott var veðrið) en löbbuðum í staðinn út um allt!
Núna er Palli að sækja fyrir okkur Thai mat og mömmurnar eru að svæfa krakkana. Börnin eru annars búin að vera mjög góð alla ferðina, algjörir englar.
Dagurinn á morgun verður einnig tekinn snemma, enda sunnudagsopnun í Fields :) Alvöru konur láta það ekki fram hjá sér fara :)

Nýjar myndir í myndir 1

Ljúfir dagar

2006-05-02T12:31:00.000-07:00

Síðustu dagar eru búnir að vera ljúfir. Það er gott að hafa mömmu og pabba í Köben og við erum búin að hafa það mjög gott. Gönguferðir, matur og vín, já þannig er hægt að lýsa síðustu dögum.

Á sunnudaginn komu mamma og pabbi í brunch til okkar í Amagerhöllina. Við borðuðum í nokkra klukkutíma og kjöftuðum :) Við ákváðum síðan að fara í langan göngutúr og löbbuðum upp á Norrebro og fórum inn á barinn hans Frikka og fengum okkur einn kaldan. Um kvöldið borðuðum við síðan á Jensens Bofhus, nammi namm, nautalundir með bernaise sósu og bökuðum kartöflum, ekki slæmt :) Eftir að við vorum búin að skila gömlu hjónunum til baka upp á hótel fórum við og hittum Bjarna sem er vinur hans Palla. Hann og samstarfsfélagar hans í Ársseli voru á Jazzklúbbinum La Fontaine á Strædenu. Þar var sko aldeilis stuð og það var gaman að hitta Bjarna aftur.
Í gær, mándudag, átti ég frí í vinnunni. Ég og mamma kíktum í bæinn á meðan að pabbi var á viðskiptafundi. Við löbbuðum um Illums bolighus og létum okkur dreyma :) Um kvöldið fengum við okkur ítalskan mat með Sigurjóni og Hönnu (Sigurjón vinnur með pabba og Hanna er konan hans). Í dag, þriðjudag, var haldið aftur í bæinn, skoðað í búðir og síðan borðuðum við á góðu kaffihúsi :) Núna er ég 5 kílóum þyngri en þakka samt mömmu og pabba kærlega fyrir mig :) Það er aldeilis ljúft að fá þau í heimsókn og það er ekki laust við að það hafi fallið tár niður vangann á járnkonunni þegar hún kvaddi elskulega foreldra sína.

Fleiri myndir frá heimsókninni og partýinu á Öresundskolleginu komnar í myndir 1.

Næsta heimsókn er hinsvegar rétt handan við hornið. Herdís, Ýr, Bríet og sonur hennar Ýrar koma á föstudaginn. 3 dagar í þær :)

Mammsa og pabbsi

2006-04-29T13:34:00.000-07:00

Já núna eru mamma og pabbi komin í heimsókn :) Í dag fórum við í smá bæjarrölt og fengum okkur síðan ekta danskan mat í kvöldmat. Við hliðina á okkur sátu bandarísk hjón sem þrá að fara til Íslands og sjá norðurljósin. Við létum þau hafa netslóðina hjá fyrirtækinu sem pabbi hans Palla rekur, en hann sér m.a. um ferðir upp á Vatnajökul. Þau létu okkur hafa nafnspjaldið sitt og samkvæmt því eiga þau fjárfestingafyrirtæki í USA. Ég og Palli erum að pæla í að fljúga til Houston og hringja síðan í þau og segja: Við erum komin í heimsókn, stöndum við aðalinganginn á flugvellinum og bíðum eftir að verða sótt :)

Í gærkvöldi fórum ég og Palli í grillpartý á Öresundskolleginu, alltaf gaman að hitta krakkana á gamla ganginum okkar aftur. Are og Anna voru líka með smá teiti og kíkti ég líka yfir til þeirra..
Einn danskur strákur á gamla ganginum okkar sagðist ætla á Hróaskeldu en sagðist alls ekki hafa efni á því að borga 1300 danskar krónur fyrir miðann! Heilar 1300 krónur, nei það er of mikið. Hann ætlar í staðinn (líkt og margir Danir) að vinna á Hróaskeldu, hann þarf að vinna þrjár 8 tíma vaktir til þess að fá frítt inn á svæðið....gott tímakaup...eða þannig.
Talandi um peninga (eða skort á þeim) þá minntist ég á við krakkana í vinnunni að ég hafi komið nokkrum sinnum til Dublin og London...en að vísu hafði ég verið í verslunarferðum í öll skiptin og þess vegna ekki skoðað eins mikið og ég hefði viljað. Þau spurðu mig forviða: Hvað meinar þú með verslunarferðum? Þá sagði ég að áður fyrr (fyrir svona 5 árum) þá fór hinn venjulegi Íslendingur bara einu sinni á ári til útlanda og verslaði því mikið þegar hann fór erlendis. Ég hefði t.d. eytt tugum þúsunda í föt í slíkum ferðum.....
Þetta hefði ég ekki átt að segja...ég vissi ekki hvert Danirnir ætluðu...tugum þúsunda í föt. Ég reyndi nú eitthvað að afsaka mig með því að þá hefði ég ekki keypt mér föt í marga mánuði á eftir...en það þýddi nú lítið :) Hef ákveðið að halda framvegis þessum upplýsingum út af fyrir mig :)

Kannski geta Íslendingar tekið Dani sér til fyrirmyndar í peningarmálum og öfugt. Millivegurinn er bestur :)

Jesú: "Og sælir eru fátækir því........Jah, nei, þeir hafa svo sem ekkert til að vera sælir yfir"

2006-04-27T15:42:00.000-07:00

Þessir tveir menn eiga það sameiginlegt að:

fyrirskipa árásir sem kosta þúsundir saklausra borgara lífið
ráðast með valdi inní önnur lönd á höttunum eftir olíu
leyfa/hvetja til pyntinga á föngum
handtaka fólk og stinga því í dýflissu án þess að ákæra það eða hafa nokkur sönnunargögn gegn þeim
gera það sem þeir vilja án þess að hlusta á sameinuðu þjóðirnir eða alþjóðasamfélagið í heild sinni
margt, margt fleira

...........samt er bara annar þeirra sóttur til saka fyrir þessa hluti, skrýtið, pæling

Eftir samtal okkar Guðnýjar og Júlíu um broskalla, kúlur og það hve velmenntað (ætti heldur að vera réttmenntað) fólk græðir mikla peninga fór ég nú að hugsa minn gang. Þetta er allt spurning um að vilja þetta nógu mikið. Því hef ég ákveðið að tileinka mér nýjan kapítalista þenkjandi lífstíl og/eða hugsunarhátt. Maður verður víst ekki hamingjusamur án peninga, einnig verður maður að eiga peninga til að geta stundað þau áhugamál sem gera mann hamingjusaman og vinsælan. Þetta rann upp fyrir mér þegar ég horfði á Frasier um daginn og Niles bróðir hans mælti þessu fleygu orð sem verða mitt helgispjall héðan í frá:

"Frasier! We must get tickets to that play! Everybody who's somebody is gonna see that play! And do you know what you are if you're not somebody?................You're nobody!!!"

Ekki gengur nú að vera enginn, vanvera ætti það að kallast til að hjúpa hugtakið viðbjóði, láta það hljóma jafn illa og það er í raun.

Að þessum vangaveltum loknum vil ég deila með ykkur nokkrum af þeim lögum sem hafa mest hreyft við mér seinustu daga:

Hope there's someone - Antony and the Johnsons, ótrúlega fallegt og einlægt lag með allsérstökum en jafnframt mögnuðum listamanni
Don't think twice it's alright - Bob Dylan, mjög flott lag, textinn flottur, svona það sem þú segir við einhvern sem hefur gert þér eitthvað en þér er skítsama um
The Ship Song - Nick Cave and the Bad Seeds, seiðandi lag með einum þeim alflottasta
The Professor - Damien Rice, skemmtilegt lag þar sem hann tekur létta sjálfs-analysu
Come fly with me - Frank Sinatra, náði í fullt af lögum með kallinum um daginn, það er eitthvað mjög afslappandi og sveiflukennt við þetta
Bat Country - Avenged Sevenfold, Hér er ekkert verið að flækja málið, bara gamaldags graðhestarokk og svona gítarsólóa heyrir maður bara ekki lengur
Lateralus - Tool, Bohemian Rhapsody okkar tíma, djúpt tekið í árinni en það er eitthvað epískt við þetta
Holy Mountains - System of a Down, búinn að renna þónokkrum sinnum í gegnum Hypnotize/Mesmerize upp á síðkastið og þetta lag er eitt af fjölmörgum frábærum. Sú hljómsveit í heiminum sem mig langar mest að sjá live, auk þess sem þeir deila með mér Bush-hatrinu

Jæja þetta er orðið gott í bili, skil við ykkur með textabroti frá 300 kílóa rapparanum Big Punisher (látinn, hjartaáfall) sem undirstrikar mikilvægi peninga en hann orti svo:

"Far from ugly, but they used to say I'm too chubby, but since the money, the honeys got nothing but love for me"

Afmælisbarn dagsins!

2006-04-24T11:37:00.000-07:00

Afmælisbarn dagsins er Ingibjörg. Ég vona að þú hafir átt góðan afmælisdag. Vildi að ég hefði verið með í afmælispartýinu sl. laugardag. Kossar og knús frá Köben

Þarna sjáið þið afmælisbarnið og Júlíu.

Norsk partý og fótbolti

2006-04-23T05:05:00.000-07:00

Spurningin sem er búin að brenna á vörum Íslendinga í hunduði ára:

Eru afmælispartý hjá Norðmönnum ólík íslenskum afmælis
partýjum?

...................hefur verið svarað

Í gærkvöldi fórum við í afmælispartý hjá Ingríd, norskri vinkonu Palla sem er með honum í sálfræði.Afmælið var í stórum dráttum svona:
-allar stelpurnar drukku léttvín
-boðið var upp á súkkulaðiköku, heitar bollur,nammi og frostpinna og púns
-enginn dansaði á miðnætti og enginn dansaði yfirhöfuð
-ekki einn afmælisgestur var valtur
-ekki einn afmælisgestur ældi
-allir voru súper kurteisir og sýndu okkur útlendingunum mikinn áhuga, stóðu upp, spurðu okkur um nafn og mundu síðan nafnið okkar út kvöldið sem okkur fannst magnað hehe
-þegar gestgjafinn sagði: Jæja núna eru þrjár mínútur þangað til við förum í bæinn, stóðu allir upp og klæddu sig í yfirhafnirnar.

Já, það er því óhætt að segja að norsk afmælispartý (ef þetta er normið) eru ólík íslenskum afmælispartýjum. Afmælið var hinsvegar stórskemmtilegt og gaman að hitta alla norsarana sem eru með Palla í skólanum.

Gærdagurinn byrjaði hinsvegar á því að eftir vinnu í gær fór ég, Gulli og Palli niður í miðbæ. Veðrið var yndislegt, þvílík sól og allir happy. Þar hittum við Elísabetu sem er systir hennar Arkar og sóluðum okkur með henni.
Klukkan sex var síðan stórleikur í enska boltanum en Chelsea og Liverpool áttust við og Liverpool vann 2-1. Vei vei.
Inga, Bragi, Maggi og Styrmir komu og horfðu með okkur á leikinn og í hálfleik fórum ég og Inga að sækja Thai mat sem við snæddum síðan öll saman. Þeir sem fóru síðan í afmælið til Ingrídar voru ég og Palli, Bragi og Elísabet sem kom að lokum og hitti okkur við Amager station eftir að hafa týnst upp á Amager í leit sinni að kolleginu okkar :)

Föstudagurinn var bara rólegur hjá okkur, horfðum á American Idol undir teppi sem var þvílíkt ljúft.

Við sóttum Ingu, Braga og Júlíu heim á fimmtudagskvöldið en þau eru höfðingjar heim að sækja. Þau voru búin að hnoða í rice-krispís kökur og skera niður grænmeti af mikillri list. Þessu var síðan skolað niður með óhóflega miklu magni af léttvíni...hmm. Ég var sko í fríi á föstudeginum en þau hin höfðu ekkert sér til málsbóta.
En á föstudeginum var náttúrulega hringt í mig frá Ecco og þar var þvílíkt neyðarástand á ferðinni og ég kölluð út....ég hugsaði því ekki hlýlega til léttvínsins þegar ég afgreiddi viðskiptavin númer 100.

Fín helgi þarna á ferðinn sem endranær. Núna styttist í næstu gesti sem koma á sunnudaginn næsta. Þar á ferðinni eru ægteparet Elsa og Þórsteinn. Núna er ég ekki búin að sjá þau síðan um jólin og hlakka til að knúsa þau :)

Har god arbejdslyst i næste uge!

p.s. nýjar myndir undir Myndir 2.

Það eina sem skiptir máli í lífinu

2006-04-22T16:47:00.000-07:00

2-1

Labbitúr

2006-04-19T13:08:00.000-07:00

Já við skötuhjúin fórum í labbitúr á annan í páskum, löbbuðum hér heiman frá okkur og yfir til Guðbjargar og Magga. Við tókum léttan hring eftir síkjunum í Christianshavn og löbbuðum yfir brúnna og að bókasafninu. Bak við Svarta Demantinn er inngangurinn að gamla bókasafninu og það er ekkert smá flott. Einnig sáum við framhliðina á Kristjánsborg sem er mjög flottur kastali.

Síðan löbbuðum við yfir á Nansensgade til Magga og Guðbjargar og kíktum á litlu stelpuna þeirra sem þau eignuðust fyrir tveimur vikum. Allt gekk vel og hún er algjör dúlla og ekkert smá góð. Þetta var rosa skemmtilegur og afslappaður dagur og rosalega gaman að sjá lilluna á Nansensgade.

Meira á morgun

Myndir hér.

Gleðilega páska

2006-04-16T08:46:00.000-07:00

Já það er sko aldeilis búið að vera gott hjá okkur um páskana. Tengdamóðir mín og Óli komu til Köben og svoleiðis dekruðu við okkur í mat og góðgæti.
Þau mættu á svæðið á þriðjudaginn með Nóa páskaegg, lakkrískonfekt og harðfisk. Haldið var í bæinn, skoðað sig um og kíkt á kaffihús. Um kvöldið fórum við á indverska hverfisstaðinn okkar og maturinn var vægast sagt stórfenglegur.
Á miðvikudaginn tókum við daginn snemma, fórum í bæinn og Óli og Benna náðu að versla smá í HogM enda ekki seinna að vænna vegna þess að verslanirnar voru lokaðar yfir páskana. Um kvöldið borðuðum við á Jensens Bofhus og Jensen klikkaði ekki líkt og fyrri daginn!

Skírdagur rann síðan upp og þetta árið var skírdagurinn afmælidagur Páls. Við byrjuðum því daginn á því að henda pakka í afmælisbarnið og fórum síðan í ljúffengan brunch. Eftir morgunmatinn fórum við á Thorvaldsen safnið og vorum þar í 2-3 tíma. Stytturnar voru mjög fallegar eins og allir vita og mjög gaman að sjá hvernig slíkar styttur eru búnar til. Það kom mér á óvart öll stærðfræðin á bak við gerð slíkra styttna. Ég held að ég yrði ekki góður styttugerðamaður. Thorvaldsen átti líka stórfenglegt einkasafn fornmynja og antikhúsgagna sem gaman var að skoða.
Eftir safnið röltum við í bænum, fórum á kaffihús og fengum okkur hvítvínsglas og höfðum það huggulegt.
Afmæliskvöldverðurinn var síðan haldinn á Spiseloppen. Við fengum okkur þriggja rétta máltíð, ég fékk mér risarækjur á núðlubeði í forrétt. Namm. Í aðallrétt fékk ég mér hjartarfille með ferskum berjum, brúnni sósu og kartöflum.Namm.Namm.Í eftirrétt fékk ég mér súkkulaðiköku.
Takk fyrir okkur Benna og Óli!
Eftir matinn fórum við niður á tónleikarstaðinn Loppen en þar var bresk hljómsveit að spila:Holly Golightly. Það var nú aldeilis skemmtileg hljómsveit og við dilluðum okkur í takt við músíkina langt fram eftir nóttu.

Við ákváðum síðan að bregða okkur út fyrir landsteinana á föstudaginn langa. Við fórum í heimsókn til Ellu móðursystur hans Palla en hún og fjölskyldan hennar býr í litlum bæ, Staffanstorp, á milli Malmö og Lundar. Það var tekið mjög vel á móti okkur og þau búa í æðislegu einbýlishúsi og umhverfið er stórfenglegt. Þar borðuðum við mjög góðan mat, fórum í göngutúr og slöppuðum virkilega af. Við förum án efa að heimsækja þau aftur í sumar auk þess sem maður gæti alveg hugsað sér að enda þarna með 4 krakka og hund, þetta er ekkert smá huggulegt.

Á laugardaginn var verslað það sem átti eftir að versla. Við fórum síðan á æðislegt kaffihús sem heitir kaffi Retro. Allir sem vinna á þessu kaffihúsi eru sjálfboðaliðar og allur hagnaður fer í hjálparstarf í þriðja heiminum. Öll húsgögnin eru notuð og yfirbragðið er mjög Retro. Á þessu kaffihúsi sátum við (og lágum) og skoðuðum blöð og spiluðum fram eftir degi. Þvínæst fórum við í Tívolí sem var opnað á miðvikudaginn, þar röltu Palli og foreldrar um meðan Guðný hitti Heru úr Bústöðum. Síðan var Jensen og Buffhúsið hans aftur heimsótt áður en haldið var heim.

Benna og Óli fóru síðan heim í dag á hádegi og við viljum þakka þeim kærlega fyrir komuna og fyrir okkur. Verið velkomin fljótt aftur.

Núna er Palli að sækja páskamatinn sem er Thai kjúklingur en við erum búin að borða svo mikið af rauðu kjöti undanfarið að við ákváðum að þetta yrði páskamaturinn í ár.

Hafið það gott í kvöld og njótið morgundagsins. Ég get varla hugsað til þess að fara aftur í vinnuna á þriðjudaginn...líklega eru það fleiri sem hugsa eins og ég.

Það eru komnar inn myndir frá systraheimsókninni og heimsókn Bennu og Óla í Myndir 1.

Afmælisbarn dagsins!

2006-04-12T16:25:00.000-07:00

Afmælisbarn dagsins, 13.apríl 2006 er enginn annar en Páll Guðbrandsson.

Palli minn er yndislegastur og ljúfastur af öllum afmælisbörnum í heiminum.

Húrra húrra húrra fyrir honum.

Hann er svo heppinn að hafa mömmu sína og stjúpa í heimsókn og við ætlum að gera margt skemmtilegt í tilefni dagsins t.d. fara í Tívolí og út að borða á Spiseloppen.

Af brjáluðum dansi og góðum veitingum

2006-04-09T09:00:00.000-07:00

Já innflutningspartýið hjá Ingu, Júlíu og Braga varð ,,aðeins,, stærra en það átti að vera í upphafi. Það var rosa stuð, fólk frá mörgum löndum Evrópu var á staðnum, mjög góð blanda af íslensku, ítölsku, spænsku, dönsku og ensku fólki. Þegar ég og Palli fórum heim rétt fyrir 3 þá var partýið í fullu fjöri :) Takk fyrir okkur.
Eftir frekar þreyttan vinnudag á laugardeginum fór ég með Camillu vinkonu minni á kaffihúsið Hoppes niðrí bæ. Við fengum okkur geggjaðan pastarétt...hmmm mæli með matnum á þessu kaffihúsi, kaffihúsið er á Stræd-inu ef þið þekkið það ekki.
Eftir rúmlega þriggja tíma spjall á kaffihúsinu fórum við aðeins í Magasín (25 afsláttur af öllu um síðustu helgi), danirnir gengu gjörsamlega amok og versluðu frá sér allt vit í Magasín um helgina. Þessar afsláttarhelgar eru svona 2x á ári og það borgar sig virkilega að bíða eftir þeim.Ég keypti ekki neitt (nema varalit) vegna þess að það virðist hafa komið gat á budduna mína eftir heimsókn systrana (haha) en í staðinn spóka ég mig um í nýja rykfrakkanum mínum, sátt við mitt :)
Á laugardagskvöldið fór ég síðan í afmælispartý til Þórarins (Tóró) www.thorarinn.com . Hann á einnig heima hér á Scandis og því var stutt að fara en afmælið var í sal hérna í kjallaranum. Þar var farið í skemmtilega samkvæmisleiki en það sem sló í gegn var dans (með mjög frjálsi aðferð)Huldar og Sigga (held að ég fari rétt með nöfnin). Vá hvað þau voru fyndin :) Takk fyrir mig Tóró, ljómandi huggulegt afmæli með góðum veitingum.
Palli fór í gærkvöldi á spilakvöld með bekkjarfélögum hans Gulla....við skulum ekkert tala um hvernig úrslit fóru :)

Í dag er ég búin að vera að vinna í motivations bréfinu sem þarf að skila með umóknum í danska skóla. Það gengur hægt en gengur :)

Jæja núna nálgast páskafríið eins og óð fluga, hlakka til að fá frí úr vinnunni og gera eitthvað huggulegt með tengdarforeldrum mínum.

Har det godt alle sammen

Góða veðrið loksins komið

2006-04-07T10:27:00.000-07:00

Já lesendur góðir, góða veðrið er komið til Köben! Í dag var margmenni í miðbæ Kaupmannahafnar, sólin skein og fólk sat ÚTI á kaffihúsum án þess að hírast undir tveimur þykkum teppum :)
Ég var svo heppin að eiga minn vikulega frídag í dag :) og gat því gengið um götur bæjarins (að vísu að drepast úr hita í vetrarjakkanum mínum). Það var þvílík stemming og mikið stuð. Ég og Palli hittum Ingu, Júlíu, Höllu og Braga á kaffihúsi og drukkum einn kaffibolla með þeim. Ég, Palli og Júlía áttum síðan heimspekilegar umræður um hvað sé mikilvægt í heiminum og hvað það er að vera sáttur við sjálfan sig. Mjög djúpar umræður þar á ferð :)Ég og Palli röltum síðan um bæinn til að verða 19 og enn var bjart og hlýtt :) Ég er svo ánægð með veðrið eins og þið sjáið :)

Í gærkvöldi fórum við í heimsókn til Júlíu, Ingu og Braga og skoðuðum nýju íbúðina þeirra. Hún er mjög nálægt Forum metró station og er risastór. Skemmtilegast við íbúðina er eldhúsið en út frá eldhúsinu er sérstök spisestue, mjög danskt og skemmtilegt. Kvöldið var mjög huggulegt með góðum félagsskap, góðu rauðvíni og auðvitað góðum nachos rétti.

Í kvöld förum við síðan aftur í Forumvilluna vegna þess að þar verður haldið örlítið innflutningsteiti. Hlakka til :)

p.s. ég spyrði Palla hvort að hann vildi að eitthvað ákveðið kæmi fram í pistlinum, þá sagði hann: Bara að ég sé himinlifandi að sjá Keflvíkinga falla úr leik í körfunni heima. Áfram Skallagrímur. Þar hafið þið það!

Góða helgi.

Smá ábending

2006-04-05T11:33:00.000-07:00

Þetta er enginn pistill heldur vil ég bara benda öllum áhugamönnum um geðheilsu og því hvernig fer þegar ekki er hlúð að veiku fólki, að kíkja á heimasíðu Garons og lesa þar spampistilinn. Þetta er með því ótrúlegasta sem ég hef séð!

ps. Garon er ekki sá geðveiki.

Versla, versla, drekka og borða, versla...

2006-04-04T09:21:00.000-07:00

Varúð: Þeir sem ekki hafa áhuga á búðum og góðum mat, ekki lesa þennan pistil.

Svona var helgin í hnotskurn: Drekka gott vín, versla föt og húsbúnað, borða góðan mat og versla síðan smá meira. Haldið að það sé ekki góð blanda :) og það með systrum sínum...já þetta var sko aldeilis skemmtileg helgi.
Svanhildur og Valý komu á hádegi á fimmtudaginn (með Cherrios og skyr og flatkökur: takk stelpur) og við fórum strax í bæinn og þær náðu að versla slatta vegna þess að það var klúbbakvöld hjá H&M á fimmtudagskvöldið og þær komu inn sem gestir mínir hehe. Við töldum langt framan að, að það væri 25% af öllum peysum, bolum, jökkum og toppum....en áttuðum okkur síðan á því að það var aðeins verið að tala um yfirhafnir heheh, smá tungumálamisskilningur...en það var bara of seint, við vorum búnar að finna okkur slatta af dóti og þá er ekkert aftur snúið. Það var líka bara fínt að ná að afgreiða HogM (næstum því) á tveimur tímum og það voru ekkert svo margir á þessu klúbbakvöldi þannig að við höfðum röð mátunarklefa út af fyrir okkur :)
Eftir að við vorum búnar að versla (klukkan 21.00) fórum við á barinn hans Frikka á Norrebro og fengum okkur þar góðan hamborgara. Síðan fórum við á Mexí og fengum okkur nokkra ískalda kokteila.
Á föstudeginum var síðan haldið snemma í bæinn, verslað smá meira og þá sérstaklega í second hand búðum Kaupmannahafnar og þar gerðum við sko góð kaup og vorum rosalega ánægðar með okkur :) Á föstudagskvöldið borðum við síðan í boði mömmu og pabba á indverskum veitingarstað: Bombay. Við fengum okkur þrírétta máltíð og namm, þetta var svo gott, kjúklingur, grænmetisréttur, kóngarækjur og lambakjöt...mangóís í eftirrétt og hvítvínið var ekki ónýtt :) Takk fyrir okkur mamma og pabbi :) Við drifum okkur snemma heim enda var ákveðið að taka laugardeginn snemma.
Við drifum okkur í bæinn snemma á laugardaginn og eyddum aftur deginum í hliðargötunum, í hönnunarbúðunum og second hand búðunum. Vá hvað það er mikið af flottum búðum sem ég hef aldrei farið inn í á ævinni. Ég held að það þurfi nokkra mánuði til að komast yfir þetta allt saman. Við fórum þó snemma heim á laugardeginn til að taka okkur til fyrir kvöldið, við vorum nefninlega með pantað borð á Spiseloppen klukkan 19.00. Maturinn þarna var alveg geggjaður eins og fyrri daginn. Svanhildur og Palli fengu sér hjartarkjöt, Valý fékk sér túnfisk og ég fékk mér nautalundir. Hjartakjötið var víst það besta, það gjörsamlega bráðnaði upp í okkur. Ég mæli með þessum stað og um að gera að panta borð í tíma!
Eftir matinn fórum við í teiti heim til Arkar og Ellu, þar var dansað og síðan kíktum við á Jazzhouse þar sem við dilluðum okkur í takt við músíkina. Ánægðar með kvöldið komum við, við á Burger King á leiðinni heim og kjöftuðum aðeins fyrir háttinn.
Sunnudagurinn var einnig tekinn snemma og skelltum við okkur á markað í Bella Center. Það var nú aldeilis gaman og mikið var keypt. Valý keypti sérstaklega mikið og ég keypti mér æðislega flottan stól á spottprís :) Valý og Svanhildur voru hálf kjökrandi yfir því að geta ekki keypt sér húsgögn og flutt með sér heim :) Við fórum síðan niður í bæ og fengum okkur bragðlaustar núðlur á kaffihúsi sem heitir Stella...ekki nógu spes matur þar á ferðinni...
Ég held að Svanhildur og Valý hafi farið sáttar heim eftir þessa helgi :) og vona bara að þær komi fljótlega aftur í heimsókn. Ég vil þakka þeim fyrir mig, Svanhildur splæsti á Palla peysu og ég fékk tösku og skó. Þær buðu mér líka upp á snæðinga, takk kærlega fyrir okkur :)

Næstu gestir eru mamma hans Palla og Óli sem koma á þriðjudaginn eftir viku. Erum spennt að fá þau til Köben og vonum að það verði hætt að rigna en það er búið að rigna núna í næstum því viku :(

hafið það gott öllsömul

Óboðin gestur

2006-03-30T03:25:00.000-08:00

Nú sit ég og bíð eftir Svanhildi og Valýju. Búin að gera allt sem gera þarf og þær eru lentar og kannski hálftími í þær...hlakka til að sjá þessar elskur :)

Í gærkvöldi fórum við og skáluðum fyrir Júlíu á Salónen. Inga Rún var að dj-a með Braga og hún stóð sig mjög vel stúlkan...og tók sig líka vel út við settið. Afmælisbarnið geislaði í nýjum kjól og með þvílíkt flotta hárgreiðslu en hún er snillingur í að gera greiðslur (meira að segja í sjálfan sig...öfund). Þetta var stórfínt kvöld í alla staði!

Þið eruð kannski að velta því fyrir ykkur hver þessi óboðni gestur var....en fyrir rúmlega þremur þá var ég að vaska upp heima og sá þessa risa risa konguló við vaskinn, ég náði henni ekki og hún flúði á bak við eldavélina. Nú fór ég að hugsa allt hið versta...hún mun spinna þarna vefi...geta lítil kongulóabörn hægri vinstri og verða algjör plága....ég dó samt ekki ráðalaus og ákvað að kveikja á bakaraofninum til þess að reyna að hræða hana til að koma fram í dagsljósið. Viti menn...það tókst og greyið kom fram og ég náði henni undir glas og Palli sendi hana síðan á vit örlagana þegar hann kom heim. Vonandi hefur þetta frést út til hinna skordýrana vegna þess að ég hef ekki séð annað kvikindi eftir þetta.

Góða helgi

Góðir dagar

2006-03-28T23:15:00.000-08:00

Langt síðan maður hefur skrifað síðast...sorry
Síðasta helgi:
Rólegheit
Idol
Matarboð hjá Laufey og Gulla
Brunch með Júlíu, Guðrúnu, Ingu og Braga
Kaffiboð hjá Önnu og Are, súkkulaðikaka og læti
Meiri rólegheit

Í gær átti Ella afmæli, til hamingju með daginn. Hún bauð 13 stelpum í mat í gærkvöldi og þvílíkar veitingar...hvítvín og bjór flæðandi allt kvöldið, íslenskt nammi í skálum, piparostapasta með kjúlla og grænmeti, súkkulaðikaka og jarðaber í eftirrétt. Svo var skálað hægri vinstri í kampavíni :) Það er ekki laust við að ég finni fyrir drykkju kvöldsins núna þegar ég er að staulast í vinnuna :)

Í dag á síðan Júlía afmæli og óskum við henni til hamingju með daginn. Það verður síðan skálað fyrir henni í kvöld :)

Á morgun koma síðan Svanhildur og Valý, vei vei :) Veðrið fer batnandi og ég held að núna sé heiðskírt og um 10 gráður.

Jæja núna verð ég að drífa mig í vinnuna.
Eigið góðan dag.

Vorið

2006-03-24T10:22:00.000-08:00

Já ég held að vorið sé komið til Köben. Í dag var hitastigið heilar 5 gráður, já heilar 5 gráður. Danirnir voru ekki lengi að henda frá sér úlpunum og ég skellti mér í pils í tilefni dagsins :) Ef það kemur frost aftur veit ég ekki hvað ég geri... Á leiðinni í vinnuna sá ég risa fiðrildi, appelsínugult og svart og þá vissi ég það: Vorið er komið....og ég valhoppaði í vinnuna.
Í gærkvöldi bakaði ég súkkulaðiköku og rice krispís kökur í tilefni þess að ég varð 26 ára í mánuðinum. Samstarfsfélagar mínir voru ekki lítið ánægðir, held að það tíðkist ekki í þessu fyrirtæki að koma með afmælisköku hehe. Þeim líkaði vel við rice krispís kökurnar en slíkt góðgæti höfðuð þeir aldrei smakkað áður. Það var brjálað að gera í vinnunni í dag, allir að kaupa sandala!
Þetta er búið að vera hin fínasta vika. Síðasta þriðjudagskvöld fórum við á kaffihús með Braga og Ingu, Maggi og Guðbjörg kíktu við. Á miðvikudaginn kom Guðbjörg systir hans Palla í heimsókn. Við eyddum deginum niðrí bæ, röltandi á milli kaffihúsa enda hitti það svo vel á að vikulegur frídagur minn er á miðvikudögum.
Helgin verður róleg enda vinnudagur á morgun og það verður bara sparað sig fyrir næstu gesti :)

Laufey á afmæli í dag, stúlkan er 27 ára :) Til lykke.

Góða helgi allir saman

Af helginni, Patrick Swayze og hvað má og má ekki sleikja

2006-03-19T09:00:00.000-08:00

Jæja nú er aldeilis kominn tími á að gamli jarpur bloggi lítillega.

Það er ekki laust við að örlítil þreyta sitji í manni eftir að hafa farið á æfingu á föstudaginn, spilað leiki í gær sem vannst með 30 stigum og annan kl. 09.00 á sunnudagsmorgun, en sá vannst með þremur stigum og bjargaði okkur sjálfsagt frá falli. Vorum að spila á móti þvílíkum wannabe ganster pimp ass players að svarti maðurinn í liðinu þeirra var mesti redneckinn af þeim. Þvílíkum street ballerum hef ég aldrei spilað á móti, þetta var bandaríska aðferðin, "look good first, win second", þeir voru reyndar í fantaformi þannig að við tókum austur-evrópska iðnaðar taktík á þá, spiluðum hægt, tókum fast á þeim og kenndum þeim að spila árangursríkan körfubolta enda unnum við með hinni virðulegu stigatölu 46-43, ekki ónýtt það! Verða að minnast líka á það að ég náði mínu career-besta blocki þar sem ég varði skot frá gaur undir minni körfu og bolti lenti fyrst í gólfinu á hinum vallarhelmingnum, Hrikalegt! En núna er körfutímabilinu lokið og það var mjög gaman, ég spilaði mitt besta tímabil á ævinni en nú byrjar maður í fótboltanum sem verður fínt anda er ég farinn að sakna þess að mega sparka í fólk en það er víst fremur illa séð í körfunni.

Á föstudagskvöldið þegar ég kom heim af æfingu urðu tímamót í mínu lífi þar sem Guðnýju tókst að véla mig í að horfa á Dirty Dancing, sem ég gaf henni í afmælisgjöf. Frá því að við kynntumst hefur Guðný reglulega viðrað hneykslun sína á að ég hafi aldrei séð þá eðla mynd. Eftir að hafa skotist undan í rúm 3 ár var komið að skuldadögum og nú skyldi ég öðlast nýja sýn á kvikmyndaheiminn og horfa á myndina sem að Guðnýjar mati setti ný viðmið fyrir kvikmyndagerðarmenn um allan heim. Já það er engin furða að Jennifer Gray og Patrick Swayze hafi þurft að berja af sér tilboðin í kjölfar þessarar myndar og séu af mörgum talin tveir fremstu leikara heims á sviði óhreinindadans mynda sem gerast á sumarafdrepum upp til sveita í Norður-Ameríku, það er enginn vafi. Að fá að upplifa snilldarleik þeirra var eins og að Guð liti framan í mann og segði "Þú ert mín allrabesta og dásamlegasta sköpun". Já það er ekki orðum aukið að "Nobody puts Baby in the corner!"

Eftir að hafa dreymt alla nóttina um að Patrick Swayze hæfi mig á loft í vatnsgusum og héldi mér eins og glitrandi kyndli vöknuðum við á laugardaginn og tókum til áður en ég fór og spilaði fyrri leik helgarinnar. Eftir leikinn fórum við til Gulla og Laufeyjar og borðuðum dýrindis hvítlaukssmjörsfylltar kjúklingabringur með tzatziki og bökuðum og öllu tilheyrandi. Laufey bauð uppá forrétt og forrdrykk, kantalópur með parmaskinku og forrdrykk sem var hvítvín með sódavatni með frosnum vínberjum og er óhætt að segja það hafi slegið í gegn og hafa þær stöllur ákveðið að þróa þennan drykk til að hafa með á ströndina í sumar. Maturinn var geðveikur og stóðum við á hinu margumrædda blístri af mat loknum.

Eftir að hafa kvatt þau hjónakornin skunduðum við heim á leið og fórum í sameiginlega eldhúsið á fyrstu hæðinni í blokkinni okkar en þangað hafði nágranni okkar, Þórarinn, boðið okkur ásamt Rut og Stebba í póker. Pókerfésin voru tekin fram meðfram því sem við gæddum okkur á úrvali meðlætis sem Þórarinn hafði keypt. Rólegur endir á rólegum degi enda var ég að fara að vakna kl 07.30 til að spila körfu daginn eftir.

Í dag varð ég svo þeirrar lukku aðnjótandi að horfa á Liverpool vinna Newcastle svo að 3 leikir unnust þessa helgina í Pallalandi og íbúarnir eru sælir og glaðir. Í kvöld erum við svo að fara í mat til Sigga og Sophie á Öresundinu.

Áðan pöntuðum við svo flug til Stokkhólms í júlí þar sem við ætlum að kíkja á Herdísi og Stulla sem verða með familíuna í bústað í tvær vikur og við ætlum að kíkja í eina viku. Einnig ætlum við að fara til Prag í september og hitta þar Herdísi og Stulla og Svanhildi og Dedda í fjóra daga. Það er þvílíkur munur að vera hérna úti og geta keypt flug fyrir margfalt minni pening en heima á frónni. Það verður frábært að fara tvisvar út í sumar og mig persónulega hlakkar rosalega til að fara til Prag sem er ein fegursta borg Evrópu. ´

Mig hefur sjaldan hlakkað jafn mikið til sumarsins og núna. Ég er mikið að spá í það fá bara vinnu við ræstingar hjá gaurnum sem ég vinn hjá á lagernum en hann er með ræstingafyrirtæki, sér bara um þennan lager sem aukavinnu. Ég get vel hugsað mér að vinna í ræstingum þar sem maður fær mun hærri tímalaun og vinnur mun færri tíma en t.d. í byggingarbransanum. Nenni heldur ekki að standa í því að vinna eins og vitleysingur 10. sumarið í röð og vera að koma heim þegar dagurinn er búinn, vil frekar njóta sumarsins hérna úti. Þannig að það verður bara fótbolti, frisbee á ströndinni og almenn yndislegheit með Guðnýjunni í sumar.

Hehe eitt hérna, var að rölta framhjá spítalanum hérna á Amager um daginn og þar sá ég soldið sniðugt. Beint á móti innganginum á skurðlækningadeildina, hinu megin við götuna stendur verslunin Ligkistemagasinet. Talandi um að elta viðskiptin. Skemmtilegt fyrir sjúklinga sem bíða eftir að fara í aðgerð að líta út um gluggann og það eina sem þeir sjá er líkkistuverslun!

Nú hefur fuglainflúensan fundist í Danmörku og verður þetta því líklegast í síðasta sinn sem þið heyrið frá mér. Það var frétt um þetta í sjónvarpinu um daginn og var viðtal tekið við mann nokkurn á Suður-Fjóni sem þarf að læsa hobby hænurnar sínar inni vegna hættunnar á H51N veirunni skæðu. Allt gott og blessað með það, en meðan Hans Ole ræðir við fréttamanninn heldur hann einni hænunni þétt að vanga sér og strýkur henni eins og hann sé með Angelinu Jolie breimandi í örmum sér. Hænan endugald atlotin með því að narta á munúðarfullann hátt í höku og varir eigandans. Það sem ég vil sýna fram á hér er að þessi blessaða flensa væri ekki á nokkurn hátt hættuleg fyrir okkur nema út af því að allstaðar, hvort sem það er á Fjóni eða í Kína er alltaf fólk sem sleikir hænurnar sínar. Ef fólk myndi bara sleppa því að renna tungunni gegnum fiðurféð þá væri enginn að smitast af flensunni ógurlegu. Kannski þarf að gera eins þeir gera í Bandaríkjunum og tattóvera á allar hænur heimsins, "Do not lick hen, may contain H51N! If hen gets in contact with eye or mouth, rinse with water, call doctor and get your IQ checked to make sure you are not friggin' mentally retarded."

Að lokum langar mig að biðja alla að bitchslappa George W. ef þið rekist á hann og fara varlega í umferðinni, það eru menn þarna úti á einhjólum (grínlaust) sem svífast einskis. Verið sæl að sinni.

Austurvöllur og bragðarrefur

2006-03-18T04:37:00.000-08:00

Er hægt að eyða heilu sumri án þess að :

Liggja í grasinu á Austurvelli með einn kaldan
Fá sér bragðarrefs
Fá sér eina eða tvær pylsur á bæjarins bestu
Fá sér einn American Style?
Rúnta niður Laugarveginn?
Sjá öll litlu frændsystkinin mín?
Dansa með stelpunum á ellefunni?
Vera í sólbaði á svölunum hjá mömmu og pabba með einn ískaldan og Geirmund V á fóninum?
Fá grill ala pabbi og kjötbollur ala mamma?
Spila með Lillý og co?
Slúðra með öllum systrum mínum?

Nei það tel ég ekki vera hægt

Þess vegna erum við hjónin búin að panta okkur ferð heim til Íslands
18-29 ágúst 2006. Vorum heppin að sjá ódýrt flug og stukkum á það.
Já ég panta sólskin,grill og gleði. Ég hlakka til.

___________________________________________________

Á fimmtudagskvöldið fórum við að spila póker með gömlu félögum okkar á Öresundskolleginu, það er alltaf hressandi að hitta þau aftur og gaman að spila póker, enda ég bara nokkuð sleip í leiknum...þótt að mér hafi ekki gengið nógu vel á fimmtudaginn...kenni bara einskærri óheppni um :) Þegar ég kem á Öresundskollegið er ég alltaf jafn ánægð að koma aftur í íbúðina mína sem er með sér eldhús :)

___________________________________________________

Í gærkvöldi var bara rólegheit, ég var að horfa á Idol og Palli var á körfuboltaæfingu. Núna er kappinn að keppa í körfu og síðasti leikur tímabilsins er síðan á morgun.
Það er ekki mikið að frétta héðan...eruð þið að gera eitthvað skemmtilegt?

Stuð stuð stuð

2006-03-15T07:33:00.000-08:00

Já það er búið að vera stanslaust stuð í Köben undanfarna daga.
Á fimmtudaginn síðasta komu Fanney og Ingibjörg í heimsókn og eins og flestir vita er bara stuð og gaman í kringum þær stöllur. Þær mættu á hádegi á fimmtudaginn, skelltu töskunum inn, fengu sér bjór og flodebollur og síðan var haldið af stað niður í bæ.
Við hittum Ingu og Júlíu í bænum og skoðuðum smá í búðir. Það var auðvitað farið á kaffihús með vissu millibili, fengið sér bjór og samlokur og svoleiðis :)
Við vorum búin að panta borð á Zirop um kvöldið og Bragi, Guðbjörg og Maggi bættust þá í hópinn...hmm maturinn er bara góður á Zirop. Eftir matinn var síðan haldið á pöbbarölt og kvöldið endaði á Den Glade gris í blússandi hamingju.
Næsti dagur var tekinn með trompi enda afmælispartýdagur Guðnýjar og Önnu runninn upp. Við byrjuðum á því að fara í Fields og stelpurnar náðu að versla sér slatta. Síðan var haldið heim á leið til að gera sig til fyrir partýið. Klukkan 19 vorum við mætt í partýsalinn á Öresundskolleginu, stilltum upp borðum, skreyttum með fánum, blönduðum bollu og borðuðum pizzu. Fyrstu gestirnir komu síðan í hús upp úr klukkan 21. Afmælið heppnaðist líka svona vel og við vorum þvílíkt ánægðar með kvöldið. Það var dansað til klukkan 6 um morguninn! Ég fékk margt fallegt í afmælisgjöf t.d. boli, gestabók, matreislubók fyrir fátæklinga hehe, skartgripi, veski o.fl.
Næsta dag þurftum ég og Anna að vakna eldsnemma til þess að þrífa salinn...úffúffúff...það var bara hressandi. Eftir þrifin fórum við allar á Skjaldbökuna og fengum okkur samloku. Fyrir ykkur sem ekki þekkið til Skjaldbökunar þá er þetta samlokustaður þar sem maður velur sjálfur brauð og álegg og setur síðan allt það grænmeti sem maður vill á sjálfur, rosa gott og kósí staður. Eftir það var auðvitað kíkt í búðir og síðan borðuðum við Thai mat heima hjá Júlíu og Ingu um kvöldið. Eftir matinn var síðan farið á Mexí þar sem smakkað var á nokkrum kokteilum...nammnamm :)
Fanney fór síðan heim á sunnudeginum, þessi elska.
Ég og Ingibjörg fórum hinsvegar á tónleika með sænsku hljómsveitinni Cardigans ásamt Önnu, Ara, Magga og Guðbjörgu á sunnudagskvöldið. Tónleikarnir voru mjög fínir, hún Nína sem er söngkonan er svo mikill töffari, hún syngur eins og engill, spilar á hljómborð og á munnhörpu. Lögin voru flest í rólegri kantinum en við vorum svo heppin að næla okkur í góð sæti :)

Eins og þið áttið ykkur kannski á var frekar erfitt að vakna á mánudagsmorguninn og mæta í vinnuna :)

Ég vil bara þakka Fanney og Ingibjörgu fyrir komuna, afmælisveislan hefði ekki verið eins án ykkar. Knús og kossar.
Þær komu með skyr, flatkökur, hangikjöt, kúlusúkk og nóakropp handa mér og ég er búin að vera að gæða mér á þessu í matartímunum í vinnunni...takk stelpur.

--------------------------------------------------------------------------------------------

Palli er búinn að fá hlutastarf. Hann verður að vinna nokkra tíma á viku á lager Indísku sem er búð á Strikinu. Hann er ljómandi ánægður með það enda vildi hann fá fleiri tækifæri til að tala dönsku.
___________________________________________________

Í kvöld er ég að fara út að borða með vinnufélögunum mínum. Ég sagði að mér væri eiginlega alveg sama hvert ég færi út að borða og þá stakk einn vinnufélaginn minn upp á Ankara....úff....ekki nógu spes staður. Þetta er staður sem er með hlaðborð sem kostar kannski svona 350 kr íslenskar. Þetta fíla danirnir enda fara þeir bara einhvert ódýrt út að borða. Ég ætla nú að reyna að beina okkur á einhvern ögn skárri stað. En hvert sem við förum þá verður örruglega mjög skemmtilegt enda eru þetta allt hressir krakkar á mínum aldri.
Besta vinkonan mín í vinnunni er búin að vera frá vinnu í þrjár vikur. Hún var lögð inn á spítala vegna þess að henni var svo illt í maganum. Nú hafa læknarnir fundið blóðtappa í maganum hjá henni. Ég er frekar áhyggjufull vegna þess að það eru mjög fáir sem fá blóðtappa svona ungir. En vonandi fer þetta allt vel.
__________________________________________________
Næstu gestir eru Valý og Svanhildur en þær koma 30.mars. Hlakka til. Þangað til verða líklega bara rólegheit :)

Komnar eru nokkrar myndir inn í myndir 1. Fleiri væntanlegar.
Hafið það gott.

Sunnudagur til sælu

2006-03-07T12:40:00.000-08:00

Já sunnudagar geta verið ljúfir, sérstaklega þegar maður vaknar hress og kátur og laus við þynnkuþyngslin.
Við ákvaðum því að fara í Jónshús og kíkja á basar hjá íslenska kvennakórnum í Kaupmannahöfn og næla okkur í flatkökur....en það kom síðan í ljós að það er enginn basar hjá þeim í marsmánuði, bara í febrúar og apríl. Nú jæja. Það stoppaði okkur ekki í því að skoða húsíð og safnið um þau hjónin Jón og Ingibjörgu. Þetta er mjög fallegt hús og ég fylltist ást af heimalandi mínu við að ganga þarna um húsakynnin....nei ekki þarf meira til.
Eftir Jónshús var farið á kaffihús með Laufey og Gulla og svo elduðum við öll saman heima hjá okkur. Já aldeilis fínn sunnudagur.

Nú er undirbúningur fyrir afmælið hafin, verið er að útbúa lagalista og búið er að festa kaup á nokkrum fánum, en í Danmörku er ekki hægt að halda afmæli án þess að skreyta með fánum. Gaman gaman gaman :)

Það komu nokkrir Íslendingar til mín í búðina um daginn og ég var svona þvílíkt glöð að fá þá í heimsókn og ég kjaftaði heilmikið við þá. Þegar þeir fóru eftir svona hálftíma stopp spurðu samstarfsfélagar mínir: Voru þetta ættingjar þínir? Þeim fannst við tala saman á svo kammó hátt. Það er kannski skiljanlegt vegna þess að það er svona 3x auðveldara að afgreiða á íslensku en á dönsku og þá getur maður verið maður sjálfur :) Vona að ég fái fleiri Íslendinga í búðina til mín :)

Að lokum: Nú má vorið fara að koma, nóg af frosti og snjó. Þakka ykkur fyrir.

Í gær var ég prinsessa

2006-03-05T03:42:00.000-08:00

Þá er afmælisdagurinn búinn og ég þarf að bíða í ár í viðbót :)
En á meðan get ég hugsað um síðasta afmælisdag sem var svona:

12:00 Vakin með afmælisgjafir í rúmið. Frá mínum heittelskaða fékk ég hálsmen og armband í stíl, Dirty Dancing á DVD, fótsnyrtingu á snyrtistofu og þykka sokka til að vera heima við. Ég er búin að fá pening frá mömmu og pabba og Herdísi og Svanhildi. Ég fékk einnig flotta skyrtu frá Guðbjörgu og Magga. Voða ánægð með þetta allt saman :)
13:00 Brunch á kaffihúsi: pönnukökur, egg, bacon, pylsur, ávextir og allt það, nammi namm.
14:00-17:00 Rölt um í bænum, kíkt í nokkrar búðir og svona. Það var mjög gott veður úti og allt var yndislegt :)
17:00-19:00 Kaffihús og heitt súkkulaði með rjóma. Maggi og Guðbjörg kíktu á okkur.
19:00-20:00 Jensens Bofhus. Nautalundir, bernaise og bakaðar kartöflur. Núna fær maður eins mikið að bökuðum kartöflum og sósu eins og maður getur í sig látið. Ekki ónýtt fyrir kartöflukonu eins og mig. Við mælum með Jensens Bofhus á Kobmagergade, þvílíkt kósí gamalt hús!
20:00-23:00 Salonen. Eins og ég átti Salonen líka afmæli í gær. Það voru Dj-ar að spila allan daginn og allt kvöldið og við fengum frían afmælisbjór. Bragi hennar Ingu var meðal þeirra sem voru að spila í gær, þannig að Inga var á staðnum og bróðir hans Braga, síðan komu Guðbjörg og Maggi og Hallur sem er vinur Ingu.
24:00 Svefn :)
Við fórum nefninlega til Önnu á föstudagskvöldið og dönsuðum við Ellu, Örk og Önnu afmælisbarn á Öresundskolligebarnum fram eftir nóttu. Svefn á miðnætti var því vel þeginn.

Þá hafið þið það.

Í dag, sunnudag, ætlum við að kíkja í Jónshús. Kvenfélag Íslendingafélagsins er með fjáröflunarbasar með flatkökum, pippi og svona!

Vonandi hefur fjölskyldan mín það gott í afmæli hjá Elsu Björg. Óskum henni til hamingju með daginn (sem er að vísu á morgun) en hún heldur upp á það í dag. Vei vei vei.

Næst á dagskrá er andlegur og líkamlegur undirbúningur fyrir komu sprellipésana Ingibjargar og Fanneyjar. Þær mæta á svæðið næsta fimmtudag og verða í nokkra daga. Ég hlakka svo til að sjá þær og þær verður heiðursgestir mínir í afmælinu (ég og Anna ætlum að halda sameiginlegt afmæli ) um næstu helgi.

Valý og Svanhildur eru búnar að staðfesta komu sína þann 30.mars. Hlakka líka til að knúsa þær :)

Eigið góðan sunnudag.

Snjór og afmæli

2006-03-03T11:26:00.000-08:00

Úff hvað ég er fegin að það er komin helgi og ég á frí í vinnunni á morgun :)
Hérna snjóar eins og ekkert sé sjálfsagðara og danirnir tala um að þetta hefur verið mjög slæmur vetur veðurfarslega...já gat það ekki verið..akkúrat þegar maður hefur vetursetu hérna í danaveldi.
Ég er búin að kaupa tvenna sandala í ecco og bíð spennt eftir vorinu....hmmm...
En í kvöld er föstudagskvöld og óþarfi að vera súr út af veðrinu. Anna Dan á afmæli í dag, snótin sú er 26 ára gömul og óskum við henni til hamingju með afmælið.
Vonandi munið þið eftir hver á afmæli á morgun :)
Í kvöld ætlum við að kíkja yfir til Önnu og Ara og knúsa hana til hamingju með daginn.
Morgundagurinn er óráðinn en örruglega verður gert eitthvað skemmtilegt :)

Vikan er búin að vera mjög óspennandi...vinna og síðan TV. Stelpan sem vinnur með mér allan daginn var lögð inn á spítala í vikunni þannig að ég er mikið búin að vera ein á vaktinni en hún kemur aftur í næstu viku. Ég sakna hennar :)

Góða helgi elskurnar.

Undanfarna daga hef ég gert....

2006-02-27T07:12:00.000-08:00

Fía fór aftur heim fimmtudaginn seinasta. Miðvikudeginum eyddum við í miðbæ Kaupmannahafnar í búðum og á kaffihúsum, lovely. Síðasta máltíðin hennar í Köben var pizza og hvítlauksbrauð frá Massímó (annað kvöldið í röð) að hennar mati og okkar eru massímópizzurnar þær bestu í heimi! Það var mjög gaman að hafa Fíu í heimsókn :)

Á föstudaginn fór ég strax eftir vinnu að hitta Örk, Ellu, Önnu, Ara og Elísabetu á Salonen. Við fengum okkur holla samloku og bjór og höfðum notalegt kvöld. Fastagestirnir á Salonen þau Inga og Bragi létu sjá sig ásamt Alexander sem er vinur Önnu og Ara. Palli mætti á svæðið eftir körfuboltaleik og við fórum snemma heim enda ég að vinna daginn eftir.
Strax eftir vinnu á laugardaginn fórum við niður í bæ og hittum Stulla hennar Herdísar sem var í helgarferð/Depeche Mode tónleikaferð með vinum sínum. Hann kom með fullan poka af íslensku nammi frá sér og Herdísi...nammi namm, þristar, nóa kropp og nýja Idol nammið :) Takk takk.
Guðbjörg, systir hans Palla var líka í Kaupmannahöfn um helgina og hún gisti hjá okkur frá laugardegi-sunnudags. Laugardagskvöldinu eyddum við heima að horfa á sex and the city og borða flodebollur og fleira gómsætt. Sunnudeginum var síðan eytt í leti upp í sófa að skoða íslensk blöð sem Guðbjörg kom með!
___________________________________________________
Út í allt annað:
FJÖGUR STÖRF SEM ÞÚ HEFUR UNNIÐ UM ÆVINA:
1.Fiskvinnsla hjá Granda. Úff eruð þið ekki að grínast í mér. Þegar ég var 16 ára vann ég eitt sumar hjá Granda að pikka orma úr fiski og hreinsaði beinagarða. Ég vann frá 08-19 alla daga og var geisilega stolt af mér. Þetta er leiðinlegasta vinna sem ég hef unnið við um ævina en ég átti alltaf nóg af pening :)
2.Kirkjugarðarnir: Byrjaði sem maur (almennur starfsmaður í garðyrkju), síðan varð ég flokkstjóri (þá gat ég kallað hin börnin maura) og síðan á skrifstofunni. Yndislegur vinnustaður og ég virðist alltaf koma þangað aftur og aftur :)
3.Lögmenn Klapparstíg: Í 3 ár hreinsaði ég upp eftir lögfræðinga en sem betur fer voru þeir allir snyrtilegir og borguðu vel.
4.Ecco Amagerbrogade: Hér er ég nú að selja skó fram á sumar. Yndislegt en erfitt að tala dönsku frá 10-18 og ég er alltaf að læra ný orð. Ég er bara nokkuð góður sölumaður!

FJÓRAR BÍOMYNDIR SEM ÞÚ GÆTIR HORFT Á AFTUR OG AFTUR:
1.Dirty Dancing: Sorry PS í dansgallanum er bara að gera það gott og lögin eru yndisleg :) Fór á hana í Háskólabíó fyrir örfáum árum en þá var verið að endurútgefa hana í betri gæðum...yndi yndi.
2.The Note book: Þessi mynd er orðin sígild, svoleiðis er það bara. Einn besti koss kvikmyndasögunar er í myndinni og allir flottu kjólarnir sem hún klæðist! Noa ég elska þig!
3.Pulp Fiction: Góð!
4.Pretty Woman: Ég er ein að þeim fáu sem virðast fíla JR. Mér finnst myndin svo afskaplega rómantísk og ég er örruglega búin að horfa á hana 100 sinnum.

FJÓRIR SJÓNVARPSÞÆTTIR SEM ÞÚ ELSKAR AÐ HORFA Á:
1.Sex and the City: Er að horfa á alla þættina í 10 skiptið. Alltaf góðir! Ég gæfi mikið fyrir að komast í fataskápinn hennar CB.
2.Lost: Spennandi....er að bíða eftir að sería 2 komi út á video...
3.Kronikan: Danskir þættir eru svo góðir og ég bíð spennt eftir loka loka þættinum sem komur út næsta haust. Núna er byrjaður nýr danskur þáttur sem heitir: Kun en pige...byrjar vel...en er samt engin Kronika.
4.Husker du: Gömul tónlist, gömul húsgögn, gömul föt, heimsfréttir..hvað getur maður beðið um meira?

FJÓRIR STAÐIR SEM ÞÚ HEFUR FARIÐ TIL FRÍ:
1.Ítalía í útskriftaferð
2.Mallorca með Palla mínum
3.Bandaríkin Flórida-Texas með elsku fjölskyldunni minni
4.Madríd að heimsækja Valý og Sigga. Yndislegt

FJÓRAR VEFSLÓÐIR SEM ÞÚ HEIMSÆKIR DAGLEGA:
1.mbl.is Maður verður að vita hvað er að gerast á klakanum
2.gudnyogpalli.blogspot.com. Elska að sjá kommentin
3.cosmopolitanklubbur.blogspot.com. Þær eru svo duglegar að blogga þessar elskur
4.visir.is: Verð að sjá hvort að mbl er að klikka á einhverju...og svo er það veftívíið.

FJÓRIR UPPÁHALDS VEITINGARSTAÐIR:
1.Austur Indíafélagið og indverskir staðir yfirleitt.
2.Argentína. Ég elska steikur.
3.Heimilið mitt. Palli eldar alltaf þannig að heimilið mitt er eiginlega veitingarstaður fyrir mig.
4. Dönskukaffihúsin á Strætinu svokallaða.

FJÓRIR SKÓLAR SEM ÞÚ HEFUR SÓTT:
1.Menntaskólinn við Sund. Bara gaman
2.Háskóli Íslands. Ennþá skemmtilegra
3.Viðskiptaskólinn í Kaupmannahöfn. Ekki eins skemmtilegur enda valdi ég ranga námsbraut.
4.Skóla lífsins í Kaupmannahöfn. Margt ólært.

FJÖGUR UPPÁHALDS PIZZUÁLEGGIN ÞÍN:
1.Pepperóní og sveppir
2.Fersk mosarella, parmaskinka og ruccola
3.Skinka, sveppir
4.Piparostur

FJÓRIR UPPÁHALDS DRYKKIR:
1.Vatn
2.Hvítvín
3.Kók
4.Bjór

FJÓRAR UPPÁHALDS LYKTIR:
1.Lyktin heima hjá mömmu og pabba
2.Palli minn
3.matarlykt
4.vanilukertin frá Ikea

FJÓRIR UPPÁHALDS EFTIRRÉTTIR:
1.Heit súkkulaðikaka sem er blaut í miðjunni.
2.Ís með heitri súkkulaði sósu
3.Súkkulaðifrauð
4.Heit eplakaka með ís

FJÓRIR FRÆGIR KARLAR SEM ÞÚ FÍLAR:
1.Brad Pitt. Sígildur.
2.Hilmir Snær. Hvað get ég sagt?
3.Noa í The Notebook. Man ekki hvað leikarinn heitir en elska hann líka :)
4.Chris Martin í Coldplay. Held að hann hafi sungið Yellow til mín.

Eitthvað sem kom á óvart? hmmm

Nýjar Myndir hér!!

Fía!!!

2006-02-21T09:49:00.000-08:00

Fía systir hans Stulla kom á sunnudaginn og er hjá okkur fram á fimmtudaginn. Á sunnudaginn fórum við með henni í mat hjá Magga og Guðbjörgu og borðuðum flottann mexíkanskan mat. Í gær fóru Fía, Guðbjörg og Guðný í bæinn og þræddu búðirnar í miðbænum og skoðuðu aðrar markverðar byggingar, s.s. Amelíuborg og Marmarakirkjuna. Þær borðuðu gríðarlegar samlokur á einhverju gríðarlegu kaffihúsi á Nyhavn. Eftir vinnu hitti Guðný þær og þær fóru með pizzur til Magga og Guðbjargar og höfðu það kósí með snakki og ís.

Í dag fór Guðný í vinnu kl. 10 þannig að Fía var svo heppin að Páll fór með henni í bæinn og jós úr skálum tískuvits síns og er hann ekki auðveldlega þurrausinn sá brunnurinn. Eftir að hafa skoðað bæinn í rólegheitunum og fengið sér að borða á Skjaldbökunni, frábærar samlokur þar sem maður nánast gerir lokuna sjálfur, fórum við og sóttum Guðnýju í vinnuna og nældum okkur síðan í Massimo sem við hlupum með heim í snarheitum og rifum í okkur með bestustu lyst.

Í kvöld ætla stelpurnar í samvinnu við Guðbjörgu og Ingu Rún að skella sér á Mexibar (sem er Hviids Vinstue okkar tíma). Á sama tíma skundar Palli á The Globe til að hvetja Liverpool til dáða í stríðinu gegn Benfica í barátunni um Evrópu. Eina Frozen Strawberry Margharitu takk!

Laugardagur til lukku

2006-02-18T06:21:00.000-08:00

Í dag er ég búin að sitja yfir tölvunni og skoða master nám í Danmörku. Heilinn er gjörsamlega að bræða úr sér enda skrifræðið hérna í Danmörku næstum óyfirstíganlegt og allt gert aðeins flóknara en það þarf að vera. Maður þarf að láta hendur standa fram úr ermum vegna þess að næstum allir umsóknafrestir eru að renna út!
___________________________________________________________________

Við erum búin að hafa það mjög gott í vikunni, á þriðjudaginn var okkur boðið í mat til Laufeyjar og Gulla. Þar fengu við hangikjöt og allt tilheyrandi, meira að segja íslenskar flatkökur. Þau eru algjörar hetjur fyrir að hafa tímt að deila þessari sendingu að heiman með okkur.
Ég var einmitt að segja vinnufélögum mínum frá íslensku sælgæti og þau spurðu hvað væri svona merkilegt við íslenskt nammi. Ég sagði að það væri alveg einstaklega gott vegna þess að við blöndum saman lakkrís og súkkulaði ...(slef slef þristar og kúlusúkk hehe). Þau voru öll alveg svakalega hissa og sögðust aldrei hafa vitað um aðra eins blöndu. Danir eru nú eitthvað skrítnir en þeir borða allavega lakkrís annað en flestar þjóðir heims enda er lakkrís næstum skandínavískt fyrirbæri.
Á fimmtudaginn buðum við Sigga og Sophie í mat. Palli eldaði satay kjúkling og drukkum við rauðvín og hvítvín með. Þetta var mjög huggulegt kvöld.
___________________________________________________________________

Í kvöld er Júróvísion kvöld, Við horfum á herlegheitin heima hjá Ingu og Júlíu með nokkrum öðrum Íslendingum. Við ætlum að kaupa okkur take away á undan og hafa það kósý.
Góða skemmtun í kvöld.
Hverjum spáið þið sigri?

2006-02-14T02:58:00.000-08:00

Það verður alltaf lengra og lengra á milli skrifa á þessari síðu....það er búið að vera svo kalt úti og þá er alltaf gott að kúra upp í sófa og horfa á sjónvarpið og það er ekkert sérstaklega áhugavert að lesa um það :)

Síðastliðin helgi var bara hin fínasta, við fórum í afmæli til Braga sem er kærasti Ingu Rúnar, þar var mjög gaman og margt skemmtilegt fólk. Það var spiluð sérstaklega skemmtileg tónlist, tónlist frá 1950 og upp úr, eitthvað fyrir mig :) Því miður þurfti ég að vinna á laugardaginn þannig að við skötuhjúin fórum ekkert allt of seint heim. Á laugardagskvöldið fórum við í bíó á myndina: Walk the line. Hún var alveg frábær og ótrúlegt hvað leikararnir syngja vel. Bannað að vera fallegur/falleg, syngja vel, leika vel og bara allt :) Þau eru örruglega ógó leiðinleg...haldið þið það ekki :)

Á sunnudeginum fór ég á kaffihús með Önnu, Ellu og Örk og systir hennar Arkar sem heitir Elísabet. Örk var að flytja hingað sl.laugardag og erum við mjög ánægðar að vera búnar að fá hana í hópinn.

Í kvöld erum við að fara í hangikjöt og tilheyrandi hjá Laufey og Gulla, haldið að það sé ekki lúxus!

Veðurvolæði og Hogwarts

2006-02-09T01:15:00.000-08:00

Já það er voðalega íslenskt veður þessa dagana hér í Köben, grátt yfir og slabb. Nú er skólinn byrjaður með því stuði sem honum fylgir og ég fór í skólann á þriðjudaginn, reyndar í prýðisveðri og tók myndir sem ég var búinn að lofa að setja hér inn. Þær eru s.s. í Myndir 1. Þetta er skólinn minn, þ.e.a.s. aðsetur sálfræðideildar Kaupmannahafnarháskóla. Þetta er eldgamall spítali, Kommunehospitalet, sem nú hýsir sálfræðinema og kennara þeirra. Þetta er rosa gömul og flott bygging og manni finnst maður virkilega vera í Háskóla þegar maður er á vappi þarna. Það versta er að ég er aðallega í einhverjum fyrirlestrarsölum út í bæ núna eftir áramót en maður mun koma í Kommunehospitalet til að lesa, er kominn með svona rútínu þar, voða þægilegt. Síðan á sumrin sitja allir úti í garðinum í miðjunni, þar sem styttan er og lesa eða spjalla og aðallega að reykja. En allt í allt mun virðulegri og menntalegri bygging en Oddi og Lögberg og þessi köldu ópraktísku egóflippshús heima. Við skulum nú ekki einu sinni ræða Öskjuna, þá fer ég nú bara að froðufella.

Já nú í vor eru það þrjú fög á döfinni hjá mér. Það eru Persónuleikasálfræði, Vinnu- og skipulags sálfræði og Lovgivning og etik (lagasetning og siðferði innan sálfræðinnar). Þetta eru allt spennandi fög og ég hlakka sérstaklega til að sitja vinnusálfræðina þar sem það er mjög spennandi kostur uppá framhaldsnám að gera.

Í lokin pirr og glaðningalisti Páls:
Pirrandi:
Arjen Robben, væri alveg til í að rétta honum ástæðu til að hrynja í gólfið
Veður, slabb, grámygla, kuldi
Ofbeldi í Múhammeðsdeilunni, hreinn og klár barbarismi, hefur ekkert með boðskap kóransins að gera, skil að fólk verði reitt en god damn
Liverpool, hvað er í gangi?

Glaðningur:
Skólinn, gaman að vera byrjaður aftur
Dallas Mavericks, búnir að vinna 12 í röð og efstir í vesturdeildinni
Vor, með hverjum degi dregur nær sumri (og HM í fótbolta)

Í morgun var snjókoma...núna er rigning

2006-02-06T09:36:00.000-08:00

Já veðurguðirnir eru ekki sérlega hliðhollir okkur í Danaveldi (líkt og næstum allir aðrir í heiminum heyrist manni...). Í morgun þegar ég fór í skólann var snjókoma og þess vegna gat ég ekki farið á hjólinu og í hádeginu þegar ég var á leið í vinnuna keyrði strætó fram hjá mér og skvetti öllu slabbinu á mig þannig að ég varð rennandi blaut...ekki nógu spes.Þegar ég var á leiðinni heim úr vinnunni kl 18 þá var byrjað að rigna! Hvað á þetta að þýða og þið hin bara í einhverju vorveðri þarna heima á Íslandi...ósanngjarnt.
Jæja nóg af biturleikanum :) Helgin var ljúf og róleg (amk hjá mér) ég fór til Önnu og Ara á föstudagskvöldið og kíkti á nýju íbúðina þeirra en þau eru flutt á Öresundskollegið. Á laugardeginum fórum ég og Inga í Forum (risa íþróttahús) en þar voru háskólar landsins að kynna hvað stendur til boða á næsta námsári...maður er svona aðeins byrjaður að kíkja í kringum sig en ekkert er ákveðið enn. Ég og Carrie Bradshaw eyddum síðan kvöldinu saman og var það yndislegt :)

Palli fór að hitta nokkra íslenska stráka sem voru í heimsókn í Köben. Þetta voru gamlir bekkjarbræður hans frá Hornafirði og var gleði og gaumur þegar þeir, Palli og Laufey endurnýjuðu kynni sín og voru meðal annars teknar nýjar bekkjarmyndir og fleira (ætli gammel dansk hafi ekki verið með í för) Þau fóru síðan á karókí bar og slógu víst í gegn....eða ekki hehe

Nú er ég byrjuð að hlakka til að fá það fólk sem er búið að boða komu sína á næstu mánuðum:
Fía-19.febrúar
Ingibjörg- 9.mars (vonandi Fanney líka, lifi enn í voninni að fleiri skelli sér óvænt með hehe)
Guðbjörg, systir Palla - 23.febrúar
Mamma og pabbi- 30.apríl
Herdís, Ýr, Bríet (Svanhildur?) - í byrjun mai
Valý með næsta hopp tilboði
Mamma hans Palla og Óli- þegar byrjar að vora :)
Gaman Gaman Gaman.

Ég verð að láta fylgja með myndir af þessum dúllum heima á Íslandi:

Af handbolta, SprutNu og leyndum hæfileikum Margrétar Danadrottningar

2006-02-01T13:27:00.003-08:00

Já sælt veri fólkið! Hvað hefur verið að gerast? Á föstudaginn sátum við ásamt Gulla límd við sjónvarpið og hvöttum strákana okkar áfram gegn Dönum í handboltanum. Við Gulli sungum hástöfum með þjóðsöngnum og hvöttum vel til að láta nú alla í blokkinni vita að hér væru íslendingar á ferð og Guðný breyttist í taugahrúgu eins og vill gerast þegar hún horfir á spennandi íþróttaleiki. Danir líta á Óla Stefáns sem einhverns konar Guð og það var talað um hann fyrir leikinn, í leiknum, eftir leikinn og í blöðunum daginn eftir, fyndið miðað við að maðurinn spilaði ekki einu sinni.

Á laugardaginn var síðan semester-start fest á Öresundskollegie og við skelltum okkur til krakkanna á ganginum og borðuðum með þeim mexíkanskan/mexkóskan og síðan var heljar ball niðrí Sumpen, sem er festrum/bíósalur. Vantaði ekki stemmninguna það kvöldið, allir dönsuðu og gleðin var við völd.

Toppurinn á kvöldinu var þó sennilega þegar dreginn var fram auglýsingabæklingur frá fyrirtækinu SprutNu. Vantar þig bjór? Vantar þig vín? Vantar þig sígarettur? Við reddum því! Þú pantar þér bara vín og það kemur heimsent til þín innan hálftíma. Algjör snilld, sérstaklega fyrir danina því það er ekkert áfengisvandamál hérna ........nei....... Síðan fékk langi Anders svona líka löngun í Irish coffee að hann dró fram pésann, fór inn í herbergi, pantaði á netinu og 20 mínútum seinna mætti ungur, veltilhafður herramaður með flotta flösku af viskíi og posa. Svo einfalt var nú það og allt þetta fyrir 2100 kr. íslenskar. Þökk sé Guði að áfengislögin heima á Íslandi banna þetta, hér er þetta aftur á móti allt í góðu og verður að kallast sniðugt framtak og sagði sendillinn að bisnessinn væri mjög góður, ég trúi honum því hann var bókstaflega sveittur þegar hann kom, en veitti góða og fagmannlega þjónustu. Við veltum því nú mikið fyrir okkur þegar hann var á leiðinni hvort hann kæmi á bíl sem væri í laginu eins og flaska. Hugsiði ykkur bara, alltaf kl. 22 á föstudagskvöldum heyrist klingja í bjöllum úti fyrir og karlpeningurinn spennist allur upp. Má ég það? Má ég fá pening og fara? Vínbíllinner kominn, gerðu það!?! Dagar ísbílsins eru taldir. Já Danir vilja sitt vín.

Síðan í dag vorum við skötuhjúin mjög menningarleg og skelltum okkur í Statens Museum for Kunst og kíktum á málverkasýningu sem bar heitið Highlights og spannaði sögu evrópskrar myndlistar. Þarna gaf að líta málverk eftir Picasso, Rubens og sjálfa Margréti Danadrottningu sem er jú órjúfanlegur hluti af evrópskri myndlistarsögu. Þvínæst fórum við á kaffihús og enduðum daginn á að fara á kaffihús (já, aftur) með Gulla og Laufeyju þar sem farið var yfir allar hliðar hins svokallaða Múhammeðsmáls sem öllu er tröllríða hér úti. Já ekki er ein beljan stök, jafnvel þó skjöldótt sé! Nýjar myndir komnar í Myndir 2 hér til hægri.

Ég bið áheyrendur vel að lifa og óska landsmönnum öllum velfarnaðar, veriði sæl.

Guð er kominn heim!!!

2006-01-27T12:01:00.000-08:00

Það er ekki hægt að óska sér betri frétta rétt áður en maður fer til Anfield en að hinn eini sanni Anfield Guð, Robbie Fowler, er kominn heim. Ég bæti við þennann póst á eftir vildi bara koma þessu á framfæri sem fyrst!

Já það er vel við hæfi að fagna á þessum hátíðardegi þegar týndi sonurinn snýr heim! Ekki nóg með það að maðurinn sé ótrúlega hæfileikaríkur knattpyrnumaður þá er hann líka snillingur og einhver mesti Poolari sem til er! Hér er flottur Robbie Fowler top 10 list:

1) Scoring five goals on his home debut - in the 5-0 League Cup win over Fulham in 1993. When asked how he celebrated this feat, he said: "After the Fulham game, I went round the chippy with my mates and got a big kiss from my mum when I got home!" Awwwwww!

2) Lifting his shirt to reveal a t-shirt displaying the words ‘Support The 500 Sacked Dockers’ during a UEFA Cup tie – earning the respect of the working classes but the wrath of UEFA with a £1,000 fine. But even they began their letter: ‘It might seem strange and even unfair…’

3) Responding to Evertonian taunts that he "had a friend called Charles" by getting down on all fours to simulate the snorting of the white line marking on the pitch. This was made even more glorious by Gèrard Houllier's explanation that Robert was merely "pretending to be a cow eating grass". The bods at the FA were not quite so naïve and gave him a four-match ban.

4) Cutting up a pair of Neil Ruddock’s £300 Gucci shoes after being told that the hard man had urinated in his shoes. Ruddock punched him in the nose in a crowded airport and Steve Harkness was later revealed to be the peeing prankster.

5) Maturely reacting to a running battle with Graeme Le Saux by leaning over in front of the Chelsea defender and parting his butt cheeks in reference to Le Saux’s alleged homosexuality. His japes cost him a two-match ban.

6) Showing rare sportsmanship for a footballer by pleading with the referee not to punish David Seaman when he was adjudged to have been brought down by the Arsenal keeper in the box at Highbury. Fowler’s pleas were ignored but he made himself a lot of friends by taking a weak penalty that was easily saved. Jason McAteer had no such reservations and banged in the rebound. Fowler got a commendation from FIFA for his actions. McAteer did not.

7) Getting himself arrested just days after joining Leeds when a photographer attempted to take pictures of the drunken, sleeping Fowler clad in military uniform and holding a replica gun while on a Christmas party. A previous festive gathering had seen Fowler having to be persuaded not to go as ‘the gimp from Pulp Fiction’.

8) Scoring a hat-trick in four minutes 32 seconds against Arsenal in 1994 – just to prove that ‘The Best of Robbie Fowler’ sometimes is about the football.

9) When asked in a Loaded magazine interview about his chat-up techniques, revealed that his favourite was: “Do you like jewels? You should suck my dick – it’s a gem.”

10) Trashing the room of England Under-21 colleague Trevor Sinclair ‘for a laugh’. Funnily enough, Sinclair did not get the joke. Some people have no sense of humour…

Oooooh þetta er snilld, segir svolítið um Houllier, hvað hann er heimskur, þegar hann reynir að "covera" snortið hjá Fowler. The Toxteth Terror er snúinn heim, þeg get varla skrifað nokkuð, þetta er eins og í lygasögu, ég hefði ekki getað skrifað betra handrit sjálfur!

Fimmudagur...föstudagur á morgun

2006-01-26T09:30:00.000-08:00

Tíminn flýgur þegar nóg er að gera. Ég átti frídag í vinnunni síðastliðinn þriðjudag og fór því á kaffihús eftir skóla með Ingu og Guðbjörgu...það var mjög næs og eftir kaffihúsið fór ég í aðeins bæjarrölt....gott að geta kíkt aðeins í H&M aftur eftir mánaðar aðskilnað :) Eftir bæjarröltið fór ég aftur á kaffihús og gerði málfræðiæfingar fyrir dönskuna og drakk hvítvínsglas með..haldið að það sé lifnaður!
Það er síðan útsala í vinnunni og alveg brjálað að gera...sem er gott vegna þess að þá líður tíminn svo hratt. Ég vinn með alveg yndislegum samstarfsfélögum sem eru afskaplega skemmtilegir og þægilegir. Ég get líka haft ofan fyrir þeim daginn út og inn með því að kalla skóinn ,,han skoen'' í staðinn fyrir ,,den skoen'´ og þessháttar málfræðivillur en þeim finnst það alveg brjálæðislega fyndið (ekki alveg að skilja hvað er svona fyndið við það). Annars er ég alveg búin að hemja mig í skókaupum, annað en stelpa sem byrjaði á sama tíma og ég, en hún er búin að kaupa sér 6 pör af skóm...ekkert meira né minna...mig langar nú frekar að skella mér til Barcelona fyrir launin í staðinn fyrir að kaupa 10 pör af skóm...oh ég dreymi um sól og hita hérna í kuldanum...hlakka til sumarsins. Danirnir segja að vorið komi hérna um miðjan mars :)
Í gærkvöldi kom Gulli í mat til okkar en Palli framreiddi hið besta lasagna á meðan ég lá í sófanum með hvítvínsglas eftir erfiðan vinnudag hehe Lasagna er einmitt fullkomin máltíð fyrir fólk sem þarf að spara. Maður getur borðað það í tvö eða þrjá daga og það verður alltaf betra og betra. Við mælum með mexíkönsku lasagna..það er alveg æði. Í kvöld er semsagt aftur lasagna í matinn :)
Næsti gestur sem er væntanlegur til okkar er hún Fía, systir hans Stulla sem er giftur Herdísi systur. Hún kemur þann 19.febrúar og hlakkar okkur til að fá hana.
Hafið það gott allir saman...best að snúa sér að Freiser (Til Dedda: Það eru sýndir 2 þættir af Freiser á dag :)

Stinni Marri Hinni Nonni......

2006-01-23T03:57:00.000-08:00

......verður nýji prinsinn kallaður af vinum og kunningjum er hann vex úr grasi. Já prinsi litli var skírður á laugardaginn og í tilefni þess var haldin vegleg skírnarveisla. 22 tignir gestir mættu og voru það mikið til vinir Ingu og Júlíu auk þess sem Guðbjörg systir kom með. Við fórum á Spiseloppen í Christianiu og er alveg óhætt að segja að staðurinn hafi komið manni skemmtilega á óvart. Þegar maður gekk inn var eins og að maður væri að ganga inní yfirgefna verbúð eða pakkhús en síðan var bara flottur veitingastaður á þriðju hæðinni. Maturinn var geðveikur, Guðný fékk sér andabringu, Guðbjörg fékk sér karrý grænmetisrétt og ég fékk mér hjartarfilet með pistasíu og amarettó sósu. Mmh Mmh Mmh! Allir voru ánægðir með matinn og síðan var mikið spjallað og mikið gaman. Síðan var farið á stað sem heitir Turbinehallen og aðeins setið og spjallað. Þetta var bara allt í allt mjög skemmtilegt kvöld.

Myndir frá Spiseloppen eru komnar hér.

Vinnuhelgi

2006-01-21T07:43:00.000-08:00

Búið er að skíra litla danska prinsinn og eins og kannski flestir vita fékk hann nafnið: Kristján Valdimar Henri John. Hef ekki lesið neitt um viðbrögð Dana við þessu nafni en John þykir ekkert sérstaklega fínt nafn hjá almúganum...hvað þá kóngafjölskyldunni. Flestir eru samt örruglega ánægðir með nafnið, allavega finnst mér fínt hjá þeim að hafa John nafnið með líka...dagblöðin í næstu viku verða örruglega undirlögð í greinum um skírnina, í hverju gestirnir klæddust og þess háttar pælingum. Mjög margir Danir hittust í dag í frokost og horfðu saman á skírnina og allir voru voða spenntir :) Ég var í vinnunni en auðvitað var horft á þegar hann var skírður í tölvunni hehe.
Það er útsala í Ecco á morgun og við vorum að gera ready fyrir ósköpin í dag...það er víst búist við margmenni á morgun og mörgum hópum frá Kína, en Ecco skór eru mjög vinsælir í Kína en frekar dýrir. Þess vegna er Ecco stop inn í dagskrá farastjóra sem sjá um ferðamenn frá Kína (ekki að grínast) og oft á tíðum streyma inn í búðina 15-20 Kínverjar í einu og kaupa mörg pör hver! Það er þvílíkur bissness í þessu!
Allavega ef ykkur vantar vandaða skó: Ecco á Amagerbrogade kl 10 á morgun :)
Í gærkvöldi fór ég í afmæli til Lindu. Hún bauð nokkrum í mat og vá hvað maturinn var góður. Við fengum satay kjúklingarétt með nan brauði og góðu salati :) Linda og Palli trúlofuðu sig á afmælisdaginn hennar :) Til hamingju með það skötuhjú. Palli minn fór á körfuboltaæfingu í gær og ég held barasta að það hafi verið mjög gaman.
Í kvöld erum við að fara út að borða með fjölmörgum Íslendingum á matsölustað í Kristaníu. Guðbjörg systir hans Palli gistir hjá okkur í nótt og fer með okkur út að borða.
Hafið huggulega helgi

Ógeðslega gaman í nýju íbúðinni - myndir

2006-01-18T04:04:00.000-08:00

Jæja.......löngu kominn tími á að maður riti hér eins og einn pistil. Var í prófi 9. gott að vera búinn að ljúka því. Prófið var 5 tímar og var haldið í hátíðarsal bókasafnsins á Vor Fruer Plads. Ímyndið ykkur að taka próf í miðri Hallgrímskirkju. 15m. lofthæð og risastórmálverk á öllum veggjum og í loftinu, allt gullhúðað og voðalegt, einhvern 17. aldar bygging. Aðeins öðruvísi en að sitja í einni af litlu stofunum uppí Aðalbyggingu Háskóla Íslands, aðeins meira truflandi. En það gekk nú allt vel og nú er bara að bíða eftir einkunnum og að skólinn byrji aftur í febrúar.

Íbúðin er orðin rosa fín eins og sést á þessum myndum. Guðný er náttúrulega snillingur í að innrétta, á ekki langt að sækja það. Maður trúði varla að hægt væri að gera eitthvað af viti með þetta frímerki en þetta er mjög heimilislegt og náttúrulega draumur að vera komin með eldhús í íbúðina og geta steikt beikon á nærbuxunum, sem er svo sem ekki sérlega þægilegt en maður vill geta gert það. Það komu góðir gestir í heimsókn í gær, svona mini innflutningspartý. Inga, Júlía og Halla komu, Maggi og Guðbjörg sem eru nýflutt hingað og Anna. Við gæddum okkur á snarli og rauðu og hvítu og spjölluðum mikið, þetta var mjög gaman.

Allt er á fullu í að plana Liverpool ferðina og má segja að ég sé orðinn eins og lítill krakki á aðfangadag. Þetta verður geðveikt, þetta er mín Mekka og málið er bara að andskotast til að ákveða að fara og drífa sig, til ykkar þarna úti sem eruð eins og ég búnir að tala um það í 10 ár að skella sér á leik og ekkert gerist. Við erum sem sagt 5 sem förum, ég, Einar, Himmi, Max og Halli mágur Himma. Eins og Biggi í Maus söng um árið: "Mér hlakkar svo tel, mér hlakkar alltaf svo teeeeeel!" 26 febrúar, þá rennur þessi langþráða stund upp.

Fórum til Gulla og Laufeyjar um daginn og þar beið mín óvæntur glaðningur, var ekki Rögnvaldur æskuvinur minn mættur á svæðið. Hann og Biggi (litli bróðir Gunnars Arnar fyrir þá sem þekkja) eru fluttir hingað út og eru í tónlistarlýðháskóla rétt fyrir utan Köben. Við tókum léttann póker og supum á vini fiskimannsins. Mikið gaman að hitta Rögga aftur og verður gaman að endurnýja kynnin við þann mikla snilling.

Jamm tíminn líður hratt á gervihnattaöld, hraðar sérhvern dag, hraðar sérhvert kvöld. Varstu kannski of upptekinn af öllum gulu miðunum........
Maður bíður bara eftir að skólinn hefjist aftur en ég ætla að reyna að finna mér vinnu með skólanum, eitthvað nice job 2-3 í viku. Karfan er farin að rúlla, þ.e.a.s. körfuboltinn. Ekki laust við að ég hafi fengið ælu uppí kok á fyrstu æfingunni, alltaf í góðu formi eftir jólavertíðina. Stefni á að koma mér í fantaform núna eftir áramót, óþolandi að geta ekkert hoppað og vera búinn á því eftir einn leikhluta.

Þýðir ekkert að skrifa pistil svona nývaknaður, mundi ekki eftir neinu af öllum skemmtilegu punktunum sem ég ætlaði að skrifa, rifja það upp og skrifa fljótt aftur, hilsen!

Afmælisbarn dagsins!

2006-01-15T08:07:00.000-08:00

Afmælisbarn dagsins er Doddi frændi. Hann er orðinn 18 ára gamall, ótrúlegt en satt. Óskum honum innilega til hamingju með daginn. Kossar og knús frá Kaupmannahöfn.

Kan jeg hjælpe dig?

2006-01-10T10:32:00.000-08:00

Jæja, þá eru tveir dagar búnir í vinnunni og það gengur bara vel hingað til. Fyrsti dagurinn byrjaði aldeilis vel: Ég mátti velja mér skó að eigin vali í búðinni.....auðvitað valdi ég mér þessi fallegu og þægilegu stígvél enda er ecco ekki þekkt fyrir annað en þægindi og gæði :) Ekki slæmt!
Yfir í annað....Sören nokkur hérna í Danmörku er 37 ára gamall...en hann er sko aldeilis ekki ánægður með það. Honum líður eins og hann sé 29 ára meðal annars vegna þess að hann er í góðu líkamlegu formi og þegar hann sér konur sem eru 37-40 ára minna þær hann á mömmu hans en ekki mögulega kærustu...hann ákvað því að sækja um að breyta kennitölunni sinni og verða þannig 29 ára ,,samkvæmt lögum''. Hann fékk neitun við þessari bón hjá sveitarfélaginu en hefur sent innanríkisráðherra Dana bréf um þetta efni og bíður nú eftir svari. Sören er ákveðin í að halda upp á þrítugs afmælið sitt aftur á næsta ári....AFTUR!
Ekki er öll vitleysan eins! Ég hélt að það væri nóg fyrir fólk að vera bara ungt í anda...greinilega ekki. Hefur kannski þrýstingurinn frá t.d.Hollywood og extreme makeover um að eldast ekki eða ,,eldast vel'' þessi áhrif? Eða er Sören ekki ánægður með líf sitt hingað til og vill fá ,,second chance´´?
Palli er núna að skrúfa saman húsgögn sem við vorum enda við að kaupa í Ikea...hlakka til að sofa í nýja rúminu í kvöld!

Eldhús, skór og hundar.

2006-01-08T06:15:00.000-08:00

Þá eru jólin liðin og við Palli komin aftur til Kaupmannahafnar. Það þarf varla að taka það fram að jólin voru alveg yndisleg og það var gaman að hitta alla vini og ættingja aftur. Takk fyrir okkur allir!
Palli er að læra undir síðasta prófið sitt sem hann fer í á morgun. Ég er bara búin að vera að dingla mér um helgina....svona smá að kíkja á útsölur...þó án þess að kaupa neitt. Það er mjög gott að vera komin í nýju íbúðina og ég gleðst yfir hlutum eins og að hurðirnar eru hvítar, það eru flísar á baðherberginu og ég þarf ekki að klæða mig í útiskóna til að fá mér mjólkurglas. Já maður verður þakklátur fyrir aðra hluti hérna út hehe....ef ég er ekki búin að skrifa það áður þá ELSKA ég eldhúsið mitt!
Ég og Palli ætlum síðan að versla okkur eitt stykki rúm í byrjun vikunnar og ég hlakka mikið til að kveðja svefnsófann hehe.
Annars er ég búin að fá hlutastarf og byrja í því á morgun. Ég verð að vinna í Ecco skóbúð hérna á Amagerbrogade, við afgreiðslu og smá á skrifstofunni. Ég verð semsagt í skólanum fá kl. 8-12 á daginn og verð síðan að vinna frá 13-18 á hverjum virkum degi og síðan annan hvern laugardag. Það verður semsagt nóg að gera vegna þess kl 18 á ég auðvitað eftir að læra heima. Ætli ég þurfi nokkuð að eiga sjónvarp, held ég hafi bara ekki tíma fyrir það.
Besta við vinnuna er að ég verð að vinna með öldruðum labrador hundi (sem eigandinn á) sem er alveg eins og Bella, þessi hundur verður líklega alveg hreint yndislegur samstarfsfélagi. Það eru líka margar stelpur á aldri við mig að vinna þarna, þannig að ég fæ góðan félagsskap....versta er að tvær þeirra eru sænskar og tala bara sænsku sem mér finnst erfitt að skilja...ég verð orðin sérfræðingur í sænsku og dönsku þegar yfir líkur.
Á laugardaginn þegar ég var í skóbúðinni í smá heimsókn kom eigandinn með annan hund með sér í vinnuna...sem sagt aldraði labrador hundurinn var þarna og lítill smá hundur. Þeir voru báðir í bandi og viðskiptavinirnir máttu bara gjöra svo vel að klofa yfir böndin þegar þeir voru að skoða skóna, síðan geltu hundarnir annað slagið...sé þetta fyrir mér á Íslandi :)
Jæja það er nú ekki mikið að frétta núna...ætla bara að óska afmælisbarni dagsins honum Gulla til hamingju með afmælið! Lillý átti líka afmæli um helgina og óskum við henni einnig til hamingju með afmælið.
Hafið það gott :)

Jóla jóla jóla

2005-12-18T09:02:00.000-08:00

Þá er ég loksins búin að versla allar jólagjafirnar vei vei vei :) Ég fór með Önnu í Fields í dag og rumpaði seinustu gjöfinni af. Það voru ekkert smá margir að versla í dag, heilu stórfjölskyldurnar saman og allir með 4 poka hver hehe.
Helgin var hin rólegasta enda var ég veik alla síðustu viku. Á föstudaginn voru Júlía, Inga og Halla með jólateiti en ég missti af því vegna þess að ég var hálf slöpp ennþá og mér tókst að næla mér í áblástur á vörina (þeir sem þekkja til vita að ég er ekki beinlínis að fara í partý í svoleiðis ástandi)...leiðinlegt að missa af partýinu en það verður að hafa það.
Í gærkvöldi skelltum við hjónakornin okkur í bíó með Laufey og Gulla og sáum King Kong. Mér fannst myndin bara mjög góð, bæði fyndin og flott í alla staði.
Næst á dagskrá er að flytja....enda verðum við að vera búin að þrífa þessa íbúð og gera hana klára fyrir Sigga (sem við erum að framleigja af) áður en við förum heim. Ég er nú þegar byrjuð að setja niður í kassa.
Síðan komum við auðvitað heim á fimmtudaginn vei vei.... :)
Smá leikur svona til að vera með í bloggbrjálæðinu:

Settu nafnið þitt í commenta kerfið og:
1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4 Ég segi þér fyrstu ljósu minninguna mína af þér
5. Ég segi þér á hvaða dýr þú minnir mig á
6. Ég spyr þig að einhverju sem ég hef velt lengi fyrir mér um þig

Hafið það gott í jólaundirbúningnum,

Jólastemming

2005-12-12T06:51:00.000-08:00

Jæja jæja..þá er sko aldeilis kominn tími á nýjan pistil :)
Það var mjög mikið að gera í síðustu viku, ég var að vinna stórt verkefni í skólanum og Palli var að taka fyrsta prófið sitt. Palla gekk bara ágætlega með það próf og er byrjaður á því næsta sem er líka heimapróf!
Mamma kom til Köben á föstudaginn :) með vinnunni sinni. Á föstudeginum fórum við í búðir á Strikinu og þar í kring og auðvitað var stoppað á Langa Jóni til að fá sér einn öllara :)
Á föstudagskvöldið fórum við Palli síðan á tónleika með Franz Ferdinand. Þeir voru alveg geggjaðir, þvílíkt flott show og þeir eiga bara góð lög...þvílík stemming, allir dansandi og hoppandi :) Eftir tónleikana var bara haldið heim á leið enda ætluðum við mæðgur að taka daginn snemma í búðunum :)
Ég var síðan komin upp á hótel til mömmu kl 10 á laugardagsmorguninn, við löbbuðum niður Strikið og fórum með metro í Forum Loppemarked :) Þar gat mamma keypt sér ófáa dýrgripina :) Eftir það var rétt stoppað á Café Magasin (við styðum okkar fólk hehe) og borðað brauð með laxi og sötrað hvítvín með áður en að haldið var aftur í búðirnar. Þetta var mjög góður dagur og mamma fór síðan með vinnufélögunum sínum út að borða í Tívolíinu um kvöldið. Takk fyrir okkur mamma :)
Á laugardagskvöldið var Julefrokost hérna á ganginum hjá okkur. Dýrðin byrjaði snemma um daginn, þegar allir hjálpuðust til að skreyta eldhúsið og drukku jólaglögg og borðuðu eplaskífur. Palli var okkar fulltrúi í því. Síðan var matur kl 19, í forrétt var brauð með laxi, eggi, síld o.s.frv. Í aðallrétt var purusteik og rauðkál og bökuð lifrakæfa með sveppum og beikoni. Í eftirrétt var rjómalagaður hrísgrjónagrautur (man ekki hvað hann kallast), auðvitað var möndlugjöf en ég fékk hana ekki :(
Eftir þennan mikla mat (það eru ótrúlegir einstaklingar hérna á ganginum sem elduðu þetta allt) var farið í stórskemmtilegan pakkaleik. Í þessum pakkaleik mátti sko stela frá öðrum einstaklingum pökkum sem manni leist vel á, þannig að sumir enduðu með 3 pakka (eins og ég haha) og sumir með engan (greyið þeir). En allt var þetta meira grín en alvara af því að við keyptum bara pakka fyrir 100 kr íslenskar en ég var voða sátt með mína 3 pakka :) Um klukkan 01:00 var síðan haldið á barinn í kjallaranum þar sem ég fór á kostum í pool hehe
Á miðvikudaginn fáum við heimsókn frá Max, vini hans Palla. Hann er að fara að heimsækja bróður sinn sem býr í Þýskalandi en ætlar að stoppa hjá okkur yfir eina nótt, gaman gaman :)
Myndir komnar í Myndir 1

Fyrsta rólega helgin í Køben

2005-12-04T03:44:00.000-08:00

Internetid hefur legid nidri í íbúdinni okkar :( Núna sit ég nidri í tolvuherbergi og er ad nota tolvu sem er mjog slowww og er náttúrulega ekki med íslenskt lyklabord.

Helgin hefur verid mjog roleg, ég hef verid ad versla jolagjafir handa stórfjolskyldunni a Saudakroki og Palli hefur verid ad læra á fullu enda buinn ad fa fyrsta profid sitt sem er heimapróf. Gudbjorg (systir Palla) gisti hja okkur sl. nott og gat tekid pakkana(fyrir sína fjolskyldu) med ser til Íslands thegar hún fór heim í morgun. Í gærkvoldi hofum vid thad bara kósí, Gudbjorg baud okkur upp á pizzu (takk fyrir okkur) og sídan horfum vid bara á imbann enda var Gudbjorg threytt eftir námstornina. Hun kom audvitad med eldhúsáhold og thokkum vid henni fyrir thad.
Talandi um eldhusahold..tha forum vid og skodudum nyju íbúdina á fimmtudaginn....hún er vægast sagt lítil..hún er eins og lítid dúkkuhús hehe. En thad eru 4 hellur í íbúdinni, bakaraofn og glærnýr ískápur og badherbergid...ég elska badherbergid....flísalagt í hólf og gólf og med thessum fína skáp. Var ég ekki búin ad skrifa ad ég yrdi ánægd med íbúdina ef thessi atridi yrdu í lagi...
Allt er mun snyrtilegra heldur en á Øresundskolliginu en mun minna :) Vid eigum líklega bara eftir ad koma rúmi inn í svefniherbergid (rúmi sem vid eigum ekki hehe) og thad eru næstum engir skápar...hmm hvar á ég ad geyma fotin mín..? En thetta er allt huggulegt sem skiptir mestu máli.
Vid reiknum med ad flytja í næstu viku...en annars liggur ekkert á vegna thess ad vid erum líka med Øresundsíbúdina út des.

Allt er ordid mjog jolalegt i Koben...sérstaklega midbærinn..jólaljós út um allt og gotulistamennirnir setja svo skemmtilegan svip á mannlífid. Á Nyhavn eru jólamarkadir og allsstadar er verid ad selja heitt kakó, jólagløgg og eplaskífur. Á KongensNytorv er komid skautasvell sem er svona svakalega rómó og jólalegt.
Ég sakna samt jólaljósanna í heimahúsunum...danirnir eru ekkert mikid ad eyda peningunum í ad hafa jólaljós í gluggunum heima hja sér vegna thess ad rafmagnid er svo svakalega dýrt.

Í dag er verid ad skíra litlu frænku mína heima á Íslandi..ég bíd spennt vid símann :)

Góður dagur

2005-11-29T07:48:00.000-08:00

Kuldaboli er kominn til Kaupmannahafnar! Hérna er SVO kalt og það er eins og það sé kuldaský yfir allri borginni..kuldaþoka sem myndast af rakanum.
Kan, tælensk stelpa sem er með mér í bekk er alveg að frjósa úr kulda hérna...henni líður beinlínis illa. Hún er klædd í tvenn pör af vettlingum, tvennar buxur, dúnúlpu, trefil og húfu og er samt alveg að frjósa (það er nú ekki alveg svona kalt hérna). Hún segir að hún hafi alla ofna heima hjá sér á fullu og að maðurinn hennar sem er danskur sé alveg að steikjast úr hita :) Við sögðum henni að versla sér síða þykka dúnúlpu og ullapeysu...greyið stelpan :)
Í dag fórum við bekkurinn saman á ljósmyndasýninguna: World Press Photo 2005. Rosalega voru góðar myndir á þessari sýningu..kannski er sýningin búin að koma til Íslands? Er einhver sem hefur séð hana? Sýningin hafði þannig áhrif á okkur öll að við vorum voðalega ánægð með það sem við höfum vegna þess að margar þessara mynda voru teknar t.d. af afleiðinum náttúruharmfara og stríðs.
Myndirnar voru mjög vel teknar, þvílíkt ímyndunarafl segi ég nú bara. Við erum einmitt að læra að greina myndir í skólanum núna...auðvitað á dönsku hehe og áttum að velja myndir og segja hinum krökkunum í bekknum frá þeim á fræðilegan hátt. Gaman að fara aðeins út úr kennslustofunni :)
Um næstu helgi kemur Guðbjörg systir hans Palla í heimsókn..auðvitað þarf hún að taka með sér smá eldhúsdót eins og allir aðrir sem koma til Köben þessa dagana :) Ég er ekki alveg að tíma að kaupa mér potta, pönnur og samlokugrill o.s.frv. þegar ég á það allt til heima á Íslandi. Okkur hlakkar til að fá hana í heimsókn :)
Palli fær fyrsta prófið sitt í hendurnar á fimmtudaginn..prófið er heimapróf..næstu dagar verða því rólegir hérna í Köben.
Valý systir og Sigginn hennar voru að kaupa sér íbúð og óskum við þeim innilega til hamingju með það...okkur hlakkar til að koma í kaffi og kakó um jólin í Drápuhlíðarhöllina :)
Meira síðar

Tapas og sangría

2005-11-27T13:24:00.000-08:00

Jæja þá bara kominn sunnudagur. Ég vil óska Guðrúnu Jónu litlu frænku minni til hamingju með afmælið! Ég vildi að ég væri núna að borða súkkulaðikökuna hennar Svanhildar...með öllum hinum.
Afmælið í gær var mjög skemmtilegt...mjög spænskt. Við mættum fram í eldhús klukkan 19, vegna þess að Begónía hafði lagt svo mikla áherslu á að við yrðum að mæta á réttum tíma. Þegar við mættum var hún ennþá að elda matinn :) Við borðuðum klukkan 21.00. Ég og Mari (norsk stelpa á ganginum) vorum alveg að farast úr hungri og vorum mikið að pæla í að fara niður og fá okkur pizzu klukkan 20 hehe. En Spánverjarnir borða auðvitað miklu seinna en við þannig að þeim þótti þetta allt ósköp eðlilegt :) En biðin eftir matnum var þess virði skal ég segja ykkur! Þetta var algjört veisluborð með allskyns Tapas, ommelettum með kartöflum o.s.frv. Í eftirrétt var síðan draumakaka og ís :) Það voru um 20 manns í afmælinu en samt var alveg hellingur af mat afgangs hehe
Klukkan 22 kom skipun frá Begóníu um að slökkva ljósin vegna þess að það var komin danstími. Svo byrjuðu allir að dansa eins og brjálæðingar, svaka eggjandi samkvæmisdansa, gaman að þessu. Ég bara þorði ekki á dansgólfið og við norðurlandabúarnir stóðum bara og horfðum á danssýninguna :) Voðalega bæld öll saman. (ég fór að vísu aðeins seinna á dansgólfið hehe) Síðan var bara haldið á barinn í kjallaranum þar sem djammað var fram á nótt....:)
Í dag fórum við á markað í Forum og gerðum þar góð kaup. Við keyptum okkur bollastell á 750 krónur íslenskar :) Við erum einnig búin að versla næstum allar jólagjafirnar :)
Í kvöld er bara búið að vera kósí sjónvarpskvöld..á sunnudögum er Örninn í sjónvarpinu, ekki missir maður af því! Vá þættirnir eru svo spennandi að hjartað í mér slær á tvöföldum hraða á meðan ég horfi á Hallgrím leysa hvert vandamálið á fætur öðru.Hann gefur Jack Bauer ekkert eftir!
Annars var ég að pæla í því hver sér um að kaupa þætti fyrir RÚV, hérna eru svo miklir snilldarþættir á danska ríkissjónvarpinu (gott hjá þeim samt að hafa Örninn). Í kvöld horfðum við á þátt um gerð Panamaskurðsins. Ótrúlega vel leikinn þáttur frá BBC! Í síðasta þætti var fjallað um gerð Brooklyn brúarinnar í USA. Þættirnir eru gerðir þannig að það eru tekin viðtöl við fólkið (auðvitað leikarar hehe)sem sá um að byggja þessi mögnuðu mannvirki og allt umhverfi og leikmunir eru í takt við tímann. Svo er ég náttúrulega búin að segja ykkur frá Huskar du..! Þið sem eruð með gervinött þá er hann á miðvikudögum klukkan 22 að íslenskum tíma á DR2 :)
Er ég sjónvarpsnörd?

Mugison og spænska senjorítan

2005-11-26T08:37:00.000-08:00

Í gærkvöldi fórum við á mjög góða tónleika með Mugison. Tónleikanir voru haldnir á Vega og það var uppselt enda flykktust íslenskir námsmenn í Kaupmannahöfn á tónleikana. Mugison var alveg ótrúlegur, var með upptökugræjurnar á sviðinu og tók sig upp á staðnum (og stundum lét hann áhorfendur vera með í lögunum) og söng síðan ofan í upptökurnar og mixaði þetta allavega. Lögin sem hann tók voru flest róleg og rómantísk en hann tók líka rokkaðari lög inn á milli.Hann talaði líka inn á milli lagana, sagði okkur frá því hvar og af hverju hann hafði samið lögin og kom með gamansögur af sjálfum sér. Eins sem hægt er að setja út á tónleikana er að þeir voru allt of stuttir :) En það finnst manni alltaf þegar maður skemmtir sér vel.
Í kvöld erum við að fara í afmæli til Begóníu, spænsku senjarítunnar sem býr hérna á ganginum. Hún er að bjóða yfir 20 manns í Tapas veislu :) Hún er búin að fjarlægja öll húsgögnin úr eldhúsinu vegna þess að það á sko að dansa í afmælinu hennar! Dama að mínu skapi!
Við erum búin að fá aðra íbúð, vei vei vei. Íbúðin er ekki á kolleginu sem við búum á núna heldur á öðru kollegi sem heitir Scandis boligerne og er hérna rétt hjá. Besta er að við verðum með okkar eigin eldhús, en við eigum eftir að sakna nágrannana okkar :( Okkur hlakkar til að sjá íbúðina en við fáum ekki að sjá hana fyrr en í byrjun desember hehe.
Ef hún er með bakaraofni, hellum, ísskáp, snyrtilegu klósetti og sturtu er ég ánægð :)
Vonandi hafið þið góða helgi.

Þá er bara að bíða eftir hundunum.

2005-11-25T03:32:00.000-08:00

Hvað er bröndótt og segir MwwwwjhhaTHump! ?

Jú það er kötturinn sem hrapaði út um glugga í nótt og lenti 1,38cm frá hausnum á mér í nótt! Ég sef alltsvo mjög nálægt glugganum og vaknaði við hljóð kl. 4 í nótt sem var eins og poki með fötum að lenda á svölunum. Skellinum fylgdi síðan frekar glatað mjálm. Ég hélt að mig hlyti að hafa verið að dreyma en ég kíkti út um gluggann og sá þar eitt stykki meðvitundarlausan kött. Ég var nærri stokkinn af stað út á naríunum en dokaði við. Vildi ekki strippa fyrir fleiri ábúendur á ganginum okkar. Það var nefnilega þannig að um daginn héldum við Guðný að við heyrðum í ræningjunum mættum að dýrka upp hurðina á eldhúsinu okkar. Eins og lamadýr á fengitímanum stökk ég á fætur og reif upp hurðina fram á gang og gaf greyis Begoñu vægt hjartaáfall er hugðist fá sér miðnætursnarl. Þar sem Begoña er kona hinna miklu svipbrigða þá var heldur skondið að sjá hana þegar ég ruddist á brókinni fram á gang tilbúinn að taka lögin í mínar hendur.

Alla vega þá setti ég upp gleraugun og kíkti út um gluggann til að sannreyna aftur tilvist kattarins sem hugðist storka þyngdarlögmálinu. Hann var þá kominn á lappir og var að staulast fyrir hornið. Ég dró því þá ályktun að hann hefði nú bara flogið niður eina hæð. En núna í morgun sögð krakkarnir að iðnaðardurtarnir sem eru að vinna á svölunum hefðu fundið köttinn og hann hefði verið verið ansi krambúleraður, meira veit ég ekki um örlög hans en þessi litla dæmisaga rennir bara stoðum undir gamla kínverska málsháttinn hans Nai Nai á Happy Dolphin í auglýsingunni: "Egen hemmelighed er den eneste hemmelighed bedste venner har!"

"Sýnum þunglyndum köttum að heimurinn hefur uppá meira að bjóða"
Félag íslenskra áhugamanna um geðheilsu katta og jaðraka.

Helgarpósturinn

2005-11-23T12:40:00.000-08:00

Ég er loksins búin að jafna mig á helginni, hehe og get því skrifað hvað var gert skemmtilegt sl. helgi.
Bjarný vinkona mætti á Öresundskollegið klukkan 21.30 á fimmtudagskvöldið. Hún lenti á Kastrup flugvöllinum rúmum tveimur tímum fyrr....en hún og mágkona hennar (Kristín)sem var einmitt á leið í stelpuferð til Köben, skemmtu sér svo vel í flugvélinni (segi ekki meir) og þurftu endilega að koma við í nokkrum búðum í flughöfninni. Þegar þær ætluðu að sækja töskurnar sínar sáu þær ekkert skilti sem sýndi að töskurnar væru frá Reykjavík/Keflavík. Bjarný var svo heppin að sjá töskuna sína á beltinu ásamt töskum frá Lúxemborg og Kristín fann töskuna sína einhversstaðar út í horni haha.
Þegar að Bjarný kom loksins á kollegið náði hún rétt svo að henda töskunum inn í herbergi...við drifum okkur af stað í áttina að Norrebro. Við fengum okkur að borða hjá Frikka og félögum og fórum síðan og fengum okkur jarðaberjamargarítur á Mexí bar..nammi namm. Það var ákveðið að fara heim á skikkanlegum tíma til þess að geta vaknað ferskar daginn eftir. Föstudeginum var eytt í HogM. Við vorum mættar í búðirnar klukkan 10.30 og klukkan 13.30 þurfum við að fara heim með leigubíl til þess að afhlaða vegna þess að við gátum ekki lengur borið vörurnar sem Bjarný var að kaupa haha. Síðan fórum við aftur í HogM af því að hún átti eftir að fara í kvennadeildina.
Við komum síðan heim úr búðunum klukkan 18.30. Við drifum okkur í sturtu og í partýfötin. Anna, Ella, Linda og Gulli komu síðan til okkar og við fengum okkur Massimo pizzu og bjór með. Eftir marga bjóra, nokkrar rauðvíns- og hvítvínsflöskur héldum við stelpurnar niður í bæ og dönsuðum fram eftir öllu á Copenhagen Jazzhus. Þar hittum við Kristínu mágkonu hennar Bjarnýjar sem gisti einmitt hjá Laufey systur hennar Birnu vinkonu vegna þess að Habba systir þeirra Laufeyjar og Birnu er einmitt vinkona Kristínar...vona að allir hafi náð þessu :)
Við vöknuðum eldsnemma á laugardagsmorguninum enda biðu búðirnar eftir okkur. Við versluðum (þ.e. Bjarný verslaði) þangað til að búðirnar lokuðu. Um kvöldið fórum við síðan í jólatívolíð með Kirstínu, Höbbu og Palla. Þar var alveg æðislega fallegt og þvílíkt rómó. Ég kíkti síðan í afmælið hjá Höllu en Bjarný var aðeins lengur í Tívolíinu. Það er nú aldeilis hægt að versla jóladótið í tívolíinu!
Við tókum því bara rólega á sunnudeginum, fengum okkur brunch á kaffihúsi, kíktum á Nyhavn og auðvitað í þær búðir sem voru opnar haha. Mér þykir alls ekki leiðinlegt í búðum. Það var alveg æðislegt að hafa Bjarný í heimsókn....núna er ég að gæða mér á íslenska namminu sem hún kom með og ég á skyr og pítusósu í ískápnum sem er alls ekki leiðinlegt...svo ekki sé talað um Cherriosið :) Ég vil þakka kærlega fyrir mig og góða matinn sem hún bauð upp á í heimsókninni :) Ekki ónýtt að fá svona gesti í heimsókn. Í staðinn gat ég keypt mér smávegis klæðnað hehe TAKK TAKK

Ég og Palli áttum 3 ára afmæli í gær (já við teljum ennþá árin svona eins og unglingarnir). Ég fékk 30 rauðar rósir í gær frá yndinu og í dag fórum við á góðan indverskan stað í góða veðrinu.
Palli hélt klukkutíma fyrirlestur í skólanum í dag og gekk hann bara ljómandi vel..duglegur strákurinn.

Meira seinna..OC kallar
Guðný

Lítil prinsessa er fædd

2005-11-21T13:20:00.000-08:00

Við óskum Herdísi systur og Stulla innilega til hamingju með litlu prinsessuna. Hún fæddist aðfaranótt sunnudags og allt gekk mjög vel. Okkur Palla hlakkar alveg voðalega til að koma heim um jólin og fá að knúsa hana...erfitt að bíða þangað til. Systur mínar og foreldrar verða að vera dugleg að senda mér myndir á gudny45@gmail.com Heyrið þið það!
Hún er alveg yndisleg eins og sést á þessum myndum hérna.

My name is Mud....

2005-11-15T06:06:00.000-08:00

....not to be confused with Bill or Jack or Pete or Dennis,
my name is Mud, it's always been.

Fékk allt í einu gríðarlega löngun til að skrifa eins og eitt stykki pistil, sennilega út af því að ég er hérna heima að lesa þýska gamla grein þýdda yfir á dönsku = torskiljanlegt! Helgin að baki og var hún skemmtileg eins og alltaf. Á fimmtudeginum var allt í chilli nema hvað að ég fjárfesti í korti í líkamsræktina hér í kjallaranum og fór og skokkaði aðeins og "greip í lóðin" eins og alvöru lyftingamenn segja. Ætla að reyna að koma mér í smá form og styrkja ökklann sem er ekki alveg orðinn góður enn. Verð alltaf að vera teipaður og get ekkert hoppað. Föstudagurinn var frekar óeftirminnilegur að mig minnir, ég fór á körfuboltaæfingu um kvöldið og síðan lagðist ég bara fyrir framan sjónbartið en Guðný kíkti aðeins út með Önnu.

Á laugardaginn fór síðan Guðný á Loppumarkað í Bella Center með Laufeyju og skannaði pleisið (síðan átti ég að koma með og bera allt draslið heim á sunnudeginum). Það var leikur hjá okkur í körfunni og loksins hundskuðust menn til að mæta í leik og vorum við 10. Það var ekki að sökum að spyrja að við unnum og var Gíraffinn stigahæstur með 14 auk þessa rífa niður um 10 grip og verja 6-7 skot (þar af tvö smöss í spjaldið og eitt út í eilífðina). Helvíti gott, þykist vera orðinn voða sóknarmaður hérna úti. Eftir leikinn ákváðum við nokkrir að fagna fyrsta sigri vetrarins og skelltum okkur á vinalega vínstofu þarna í grenndinni og sötruðum 2 öllara. Síðan var ákveðið að fara heim til eins stráksins með kassa af bjór og panta pizzu og spila NBA Live fram eftir kvöldi. Það var helv. gaman og enduðum við þrír að horfa á Way of the Dragon og Pumping Iron* áður en við fórum niður í bæ og hittum Gulla sem hafði verið á skóladjammi. Kíktum á Moose (ódýrasti bjórinn í miðbænum, 15 kr. stór og 10 kr. skotið), hittum Begonu sem býr á ganginum hjá okkur. Síðan tókum ég og Gulli bara Metro heim á skikkanlegum tíma.

*fyrir þá sem ekki vita er Pumping Iron heimildarmynd um Senator Arnold Schwarzenegger, gerð í kringum það þegar hann vann mr. Olympia í 7. skiptið eða eitthvað svoleiðis. Þetta var ansi sniðug mynd. Mig langaði bara að segja eitt, Arnold er Fu**in evil gaur! Hann er svo mikið gáfaðri en allir hinir steraboltarnir og hann tekur svo rosalega mindgames á þá að það hálfa....... T.d. var hann frekar laid back í einhverjum sófa, hrikalegur töffari að segja frá því þegar einhver gaur kom til hans til að leita ráða fyrir eitthvað Berlínarmót í vaxtarrækt og var spyrja álits á einhverri nýstárlegri pósurútínu sem hann ætlaði að taka. Arnold sagði þá við gaurinn að það nýjasta í Bandaríkjunum væri að öskra í pósunum, því hærri sem hendurnar væri því hærra ætti hann að öskra og því lægra sem hann hefði hendurnar, því dýpra ætti hann að öskra. Gaurinn náttúrulega leit því líkt upp til Arnold og gerði þetta bara á mótinu og gerði sig algjörlega að fífli. Arnold var bara að losa sig við keppinaut og hló ógurlega þegar hann sagði frá þessu. Þetta var geðveikt, hann var alltaf eitthvað að skjóta á gaurana sem hann var að keppa á móti og þá sérstaklega Lou Ferrigno (The unbearable Hulk, Hlunkurinn óbærilegi). Arnold fékk Terminator og öll hlutverkin sem fylgdu í kjölfarið en Lou fékk að leika Hlunkinn í sjónvarpsþáttunum. Ahhh leiðinlegt. Arnold er illskan uppmáluð einnig gaman að sjá ríkisstjórann þegar hann var búinn að vinna keppnina laid back að dissa alla og totta feita jónu helfreðinn. Mæli með þessu.

Á sunnudaginn var síðan haldið í Bella Center og Loppumarkaðurinn tæmdur. Vorum eins og afrískar burðarkellingar á leiðinni heim, Guðný með 8 poka og ég með risa sófaborð á bakinu. Mjög gott, fundum fullt af jólagjöfum. Á sunnudagskvöldið fór Guðný út að borða með Önnu, Kristínu, Elíabetu (systir Arkar), Kristínu, Hrafnhildi og mömmu Kristínar og Hrafnhildar. Þær fór á ítalskan veitingarstað þar sem að þjónarnir þóttust vera svaka sjarmörar, Elíabet var m.a. tekin upp (dregin) í svaka dans undir lifandi tónlist Ítalanna :) En maturinn var víst góður þrátt fyrir allt.

My name is Mud,
but call me Alouishus Devadander Abercrombie
That's long for Mud so I've been told.

Huggulegheit

2005-11-12T03:06:00.000-08:00

Kristín og systir hennar Hrafnhildur lentu í Kaupmannahöfn í gærdag! Þær hentu töskunum inn á hótelherbergið og tóku síðan næsta taxa til verslunarmiðstöðvarinnar Fields. Það var nefninlega svo mikil rigning í gær og svo er Fields auðvitað opið til 20:00. Ég hitti þær stöllur í Fields og rölti með þeim milli búða þ.e. á milli H&M og skóbúða. Í Fields er ein mesta H&M í Kaupmannahöfn að mínu mati. Þar er aldrei neitt stress og það er skipulag á fötunum (sem skiptir miklu máli :) ). Fields er líka komið í jólabúninginn og það hanga risastórir fallegir englar úr loftunum og jólatréin eru á hverju strái.
Eftir að ég var búin að rölta með stelpunum til að verða hálf átta fór ég niðrí bæ og hitti hana Önnu á kaffihúsi. Við fengum okkur að borða og drukkum nokkur vínglös. Það var voða kósí hjá okkur og heilmikið slúðrað...
Dagurinn í dag er alveg óráðin, Palli er að fara að keppa í körfubolta og það tekur oftast allan liðlangan daginn.
Hafið það gott um helgina.

Tyrkneskt og danskt

2005-11-10T12:54:00.000-08:00

Jæja þá er bara komin fimmtudagur og meira að segja fimmtudagskvöld (hvað ætli ég hafi oft byrjað blogg á jæja? humm). Mikið líður tíminn hratt. Vikan er nú ekkert búin að vera sérstaklega viðburðarík, bara skóli og sjónvarp og rölt þess á milli. Ég sjónvarpssjúklingurinn er auðvitað komin með uppáhalds þátt (eða þætti) fyrir hvert einasta virka kvöld vikunnar :) Uppáhaldið mitt er samt Freiser, Grays hvide verden og Husker du...já og líka Örninn. Í Husker du er tekið eitt ár fyrir í einu, á síðasta miðvikudagskvöldi var árið 1967 tekið fyrir og fjallað um allt það merkilegasta sem gerðist það ár í Danmörku (stjórnmál, menning t.d. tíska, tónlist og margt fleira) og svo er líka fjallað smá um ástandið í heiminum á þessum tíma. Fyrir svona tveimur vikum var fjallað um komu Bítlana til Kaupmannarhafnar, sýnd viðtöl og brot af tónleikum og fleira. Þið getið rétt svo ímyndað ykkur hvað ég var kát í sófanum að syngja með Love Love me....og She loves me yeh yeh yeh
Það sem er alveg ótrúlega áberandi við þessa þætti er að á þessum tíma (sixtees) voru bara eldri menn (yfir 60 ára örruglega) sem virðast hafa stjórnað öllu, já ÖLLU. Þeir eru fréttamenn, stjórnmálamenn, þáttastjórnendur, viðmælendur, grínistar, afgreiðslumenn o.s.frv. Jafnvel þó að maður hafi vitað þetta þá er svo skrýtið að sjá þetta svona svart á hvítu (bókstaflega).
Jú á undan Huskar du.. eru sýndir alveg stórmerkilegir þættir sem heita Flygten over.... og í síðasta þætti var fjallað um og tekið viðtöl við fólk sem tókst að flýja yfir múrinn frá Austur-Þýskalandi til Vestur-Þýskalands. Sumar sögurnar voru alveg ótrúlegar og margar hverjar afskaplega sorglegar. Og í þarsíðasta þætti af Flygten over...var tekið viðtöl við nokkra aðila sem náðu að flýja úr útrýmingabúðum nasistana í seinni heimstyrjaöldinni. Já það eru margir góðir heimildarþættir sýndir hérna í Danmörku á ríkisstöðvunum fyrir sagnfræðinördin mig. (Ég sakna þess að hafa ekki Lillý eða pabba til að horfa á svona þætti með mér hehe)

Í dag var síðasti dagurinn á dönskunámskeiðinu. Ég byrja síðan á næsta námskeiði á mánudaginn, já ég náði :) Kennarinn sagði að ef að framfarirnar verði eins miklar í næsta námskeiði þá hoppa ég yfir eitt eða tvö level :) En við sjáum bara til þegar að því kemur. Í tilefni af því að þetta var síðasti dagur námskeiðsins fórum við bekkurinn og kennarinn á safn og út að borða. Við skoðuðum safn sem er tileinkað sögu Kaupmannahafnarborgar. Þetta var alveg stórskemmtilegt safn og alveg þess virði að kíkja á það. Þarna getur maður séð hvernig borgin er búin að breytast og hvað það er ótrúlega stutt síðan að þetta var bara ,,lítil'' borg. Það var líka magnað að lesa um og sjá hvað brunarnir miklu og bardaginn við Englendingana höfðu áhrif á borgarmyndina. Þeir sem eru ekki búnir að fara á þetta safn stendur það við Absolonsgade 3 í mjög fallegu eldgömlu húsi (þar er frítt inn á föstudögum). Í kjallaranum er safn tileinkað H.C.Andersen en við höfðum því miður ekki tíma til að skoða það líka. Í gjafarvörubúðinni á safninu keypti ég fyrsta jólaskrautið þetta árið, yndislegan jólasvein sem stendur á God jul :) Hann mun síðan hanga á jólatréinu mínu eftir að ég er flutt til Íslands og minna mig á yndislegu Kaupmannarhöfn.
Eftir að við vorum búin að skoða safnið fórum við á Tyrkenskan veitingarstað sem heitir Ankara. Við borguðum fyrir hlaðborð 39 danskar krónur hehe, kjöt, salat, kartöflur, brauð og margt fleira. Það var gaman að smakka þennan mat en ég verð ekkert fastagestur þarna hehe. Eftir að við vorum búin að borða röltu ég og Guðrún (íslensk stelpa sem er með mér í bekk) aðeins niðrí bæ og kíktum í nokkrar búðir og létum okkur dreyma um fallegar kápur og kjóla.
Kristín kemur á morgun og ég ætla að reyna að hitta á hana og systur hennar og kíkja með þeim í búðir :) Hlakka mikið til að sjá þær.
Annars verður ALLETIDERS STORSTE LOPPEMARKED um helgina....ætli ég reki ekki nefið þar aðeins inn...:)
Núna er ég að átta mig á að ég er bara búin að tala um sjálfan mig...Palla gengur bara vel í skólanum og er alltaf jafn duglegur að læra. Hann stillir vekjaraklukkuna á átta og rífur sig upp og fer á bókasafnið til að lesa. Núna er hann hjá Gulla að horfa á video (og örruglega í tölvunni hehe).
Þetta er nóg í bili

Helgin að baki og skyggni ágætt.

2005-11-06T05:57:00.000-08:00

Já enn ein helgin er að baki hér í Köben og hún var nú bara sérdeilis skemmtileg. Hann Anders í D213 (á myndinni) hélt upp á afmælið sitt með heljar veislu í eldhúsinu. Þetta er semsagt milli Anders , ekki stóri Anders í 205 eða litli Anders í 203. Ok? Flott! Já hann bauð okkur uppá mexikanska veislu með öllu og ég át 3 stórar pönnukökur og 3 skeljar (þessar hörðu) og Guðný hesthúsaði 2 stórar og 1 litla, þannig að við vorum vel mett. Rosa góður matur. Við slógum saman í púkk á ganginum og gáfum honum, púðursykur, kaffi, rjóma og flösku af Ballentines. Hann splæsti síðan Irish Coffee á liðið þangað til flaskan kláraðist, mmmmm (segir Palli, Guðný drekkur ekki kaffi). Það var ekki nóg með að það væri afmælið hans Anders heldur var líka J-dagurinn á föstudaginn, þ.e.a.s. jólabjórinn frá Tuborg kom í verslanir. J-dagurinn hér er svona svipaður og 17. júní heima, mikil gleði. Það var sungið og trallað fram eftir kvöldi og við enduðum á að fara niður í kjallara á barinn og spila pool og füssball.

Á laugardaginn var ég búinn að lofa Noa, strák frá Californiu, að kenna honum að meta fótbolta og sérstaklega Liverpool. Honum fannst fótbolti álíka skemmtilegur og okkur finnst hafnarbolti. En ég held að mér hafi tekist ágætlega upp og hann var nokkuð sáttur þegar mörkin komu í þetta og Gíraffinn hóf upp raust sína í trylltum fögnuði. Síðan fórum við í Field's og rápuðun þar í smá tíma áður en við fórum heim og komum við hjá Massimo (mmmm.....Massimo...slef) og kipptum dýrindis mat með heim. Noa lánaði okkur Sin City og við horfðum á hana í gær. Hún er vægast sagt mikil snilld og sannkallað augnakonfekt. Já klárlega einhver besta mynd ársins. Það var líka gaman að heyra að King Kong, næsta mynd Peter Jacksons sem verður frumsýnd í desember, verður hátt í fjórir tímar að lengd, gott til að fylla uppí tómið sem Lord of the Rings skildi eftir sig. En alla vega hægt að mæla með Sin City, mjög töff mynd.

Í dag skelltum við okkur síðan í Det Blå Pakhus, Kolaportið sem er hérna rétt hjá okkur. Það er reyndar ekki nærri eins flott og markaðarnir í Bella Center og Forum en alltaf hægt að finna eitthvað sniðugt.

Ég vil síðan hvetja vini mína til að kommenta hér á síðunni, alltaf gaman að heyra í fólki frá gamla landinu. Skamm drengir, takið ykkur á!

ps. Það eru komin ný albúm í Myndir 1 : Fótboltakvöld á Egegade, Grímuball og Afmæli hjá Anders. Einnig er nýjung að texti er við hverja mynd í nýju albúmunum.

Hilsen!

Rigningarvikan

2005-11-03T11:17:00.000-08:00

Jæja þá er bara föstudagur á morgun, tíminn líður alveg ótrúlega hratt hérna í Köben. Vikan er nú ekki búin að vera sérstaklega viðburðarík...skóli..læra...sjónvarp og hugguleg heit. Veðrið er ekki búið að vera nógu spes, rigning og aftur rigning. Þegar ég vakna á morgnana og heyri ekki hamarhögg og borhljóð veit ég að það er ekki rigning...danskir iðnaðarmenn vinna ekki í rigningu :) Það er eini kosturinn við þessa blessaða rigningu, þögn, þessi ástkæra þögn :) Ég er búin að vera rosa hörð og hjóla alltaf í skólann í rigningunni á meðan Pallinn tekur metró..hí á hann hehe.
En nóg með rigninguna...helgin nálgast. Á morgun er J-dagurinn í Danmörku=jólabjórinn kemur á barina kl 20:58 á morgun!! Ég get rétt ímyndað mér að það verði troðið allsstaðar. Við erum að fara í afmæli á morgun til Anders sem býr á ganginum hjá okkur. Það verður matur og alles og hann býður öllum á ganginum og vinum sínum. Hvar verður afmælið? Auðvitað í eldhúsinu okkar hehe.
Guðbjörg systir hans Palla kemur líklega til okkar á laugardaginn og gistir eina nótt og það verður gaman að sjá hana. Sálin hans Jóns míns er að spila í Köben á laugardagskvöldið en við förum ekki. Við ætlum ekki að fara vegna þess að við förum á Mugi og Franz..það er ekki allt hægt í þessum heimi :) Það eru víst heilu flugvélarnar að koma frá Íslandi með tónleikagesti og margar rútur koma frá Álaborg og Árósum...þetta verður örruglega eins og íslenskt sveitaball :) Hvað eruð þið annars að fara að gera um helgina? Svör óskast í komment :)
Ég vil óska Örk til hamingju með að komast inn í hönnunarnámið í Köben. Hún flytur hingað í janúar :)
Núna styttist í jólin og ég er meira að segja búin að kaupa eina jólagjöf. Ég vona að það verði jólasnjór á Íslandi yfir hátíðarnar...það er ekki beint jólalegt hérna í rigningunni :) Jólatívolíið opnar síðan 11.nóv og það verður kósí að kíkja þangað og fá sér heitt kakó (ok eða öl). Þá hlýt ég að komast í alvöru jólaskap :) hó hó hó

Helgin

2005-10-30T12:03:00.000-08:00

Föstudagur:
Ég fór í bíó á myndina Nynne sem er dönsk útgáfa af Bridget Jones. Myndin var bara mjög fyndin en var of lík BJ að mínu mati. Ég fór í bíó með Laufey og þremur vinkonum hennar. Á meðan að við vorum í bíó var Palli heima hjá Gulla. Þeir spiluðu póker fram eftir nóttu með dönskum bekkjarfélögum Gulla. Það var víst mjög skemmtilegt hjá þeim og það fyrsta sem Palli sagði þegar hann vaknaði á laugardagsmorguninn var ,,úff of mikið af Gammel dansk'' Svona var nú það.

Laugardagur:
Við hjónin vorum ekki búin að redda okkur búning fyrir grímuball kvöldsins. Ég fór út í dótabúðina í Amager Center á laugardagsmorgninum og keypti mér útbúnað í ,,norna make over''. Ég keypti síðasta strákústinn rétt fyrir framan augun á einni 7 ára. Hún var ekki glöð :) Palli var að keppa í körfubolta allan daginn þannig að klukkan 17 var hann ekki með neinn búning...hann ætlaði þá að vera bara skoppari...en datt síðan niður á það að vera ítalskur fótboltafoli. Inga og Júlía mættu síðan til okkar um sex leitið og við máluðum okkur öll saman og fórum í gervin. Við fórum síðan til Höllu og Helga þar sem við snæddum saman pizzu áður en við fórum í partýið.

Grímuballið var haldið í sal á Amager kolleginu og vorum við mætt þangað um hálf níu leitið. Ballið var mjög skemmtilegt, margir skemmtilegir búningar og við dönsuðum alveg heilmikið undir stjórn DJ Braga. Ég held að maðurinn í brúðkaupskjólnum hafi verið í flottasta búningnum.

Sunnudagur:
Úff. Næsta helgi verður róleg helgi :)

Við erum ekki búin að segja inn myndir en hérna er linkur inn á síðuna hjá cosmó, (takk cosmó)þar eru myndir frá kvöldinu. Við setjum síðan inn myndir sem fyrst...
Myndir: http://www.mmedia.is/prg/cosmopolitanklubbur/thumbnails.php?album=141&page=2

Þangað til næst...hej hej

Ef þið ætlið að hafa rólega helgi...

2005-10-28T09:07:00.000-07:00

Í gærkvöldi horfðum við á mjög góða mynd sem heitir HOTEL RWANDA. Ef þið eruð ekki búin að sjá hana..horfið þá á hana um helgina. Við mælum semsagt eindregið með henni, góðir leikarar og myndin hefur mjög mikil áhrif á mann!
Góða helgi :)

Heimsóknir :)

2005-10-27T01:35:00.000-07:00

Vei vei, í gærkvöldi bókaði Bjarný sér ferð til Kaupmannahafnar!! Hún kemur um miðjan nóvember og ætlar að vera frá fimmtudegi til sunnudags. Fínt húsmæðraorlof það ! :) Það verður svo gaman hjá okkur, VERSLA, borða, bjór og kokteilar :) Við erum búnar að þekkjast endalaust lengi en við höfum aldrei verið saman í útlöndum. Spennó.
Ekki nóg með að Bjarný sé að koma heldur talaði ég við Kristínu í gær og hún og systir hennar eru að koma til Köben í lok nóvember. Þær eru að koma til að versla jólagjafir og hitta mömmu sína. Það verður gaman að hitta þær allar :)
Þetta þykir mér vera skemmtilegar fréttir :)

Gærkvöldið var mjög fínt, fyrst spiluðum við pool á barnum í kjallaranum og síðan fórum við út á kaffihúsið á horninu með Gulla og Laufey. Núna er ég bara að fara í skólann :)
p.s. ég á svo huggulegan mann, ég fékk rósavönd þegar hann kom heim úr skólanum í gær :)

Lærdómur og ræktin

2005-10-26T07:52:00.000-07:00

Í dag er mjög gott veður, um 15 stiga hiti og sól...en undanfarna daga er búið að vera mjög kalt...bruuuu...en að vísu var einn rosalegur rigningadagur þess á milli. Ég byrja á að tala um veðrið sem þýðir að það er ekkert rosalega mikið að frétta...
Ég er búin að fara 2x í þessari viku (í gær og í dag hehe) í ræktina..ætla að vera ofboðslega dugleg núna..ég fór á viktina áðan og ég hef aldrei séð eins háa tölu :( ég held að þetta sé bjórnum og pizzunum að kenna...
Palli er í rosalegu lærdómsstuði þessa dagana enda styttist í desember prófin hjá honum. Hann vaknar snemma á morgnana til að fara á bókasafnið og hann ætlar að byrja í rætinni í þessari viku!
Er eitthvað að frétta frá Íslandi? Er ekki rosalega kalt hjá ykkur núna :)

Óvænt heimsókn

2005-10-24T12:03:00.000-07:00

Jæja þá er skólinn byrjaður á ný eftir vikufrí :) Það er nú bara ágætt að fá aftur smá rútínu á heimilislífið. Við fengum óvænta en skemmtilega heimsókn um helgina. Maj-britt frænka gisti hjá okkur s.l. nótt. Hún var í heimsókn hjá Sigrúnu vinkonu sinni í Lundi. Þær komu síðan yfir til Kaupmannahafnar snemma á sunnudaginn. Við löbbuðum aðeins í bænum og fórum síðan á geggjaðan indverskan matsölustað. Ég og Maj-britt borðuðum vægast sagt yfir okkur en maturinn var bara SVO góður, nammi namm. Hún fór síðan í dag aftur heim til Luneborgar með lestinni.
Á föstudaginn síðasta komu Ella, Laufey og Gulli í heimsókn til okkar. Við elduðum saman kjúklingabringur með piparostasósu og kartöflubátum, nammi namm. Síðan var ís í eftirrétt og fullt af nammi :) Við enduðum á því að spila saman póker með einum dönskum strák (Anders) sem býr hérna á ganginum. Anders vann 3 spil og síðan vann ég síðustu 2 spilin (Palli, Ella og Gulli voru ekki mjög ánægð í lok kvöldsins hehe). Þetta var mjög skemmtilegt kvöld.
Laugardagskvöldinu eyddum við skötuhjúin fyrir framan sjónvarpið...eða réttarasagt ég fyrir framan sjónvarpið og Palli fyrir framan tölvuskjáin. Ég horfði á Eurovision keppnina og skemmti mér bara konunglega yfir öllum búningunum og danstöktunum, já ég er Eurovision manneskja og skammast mín bara ekkert fyrir það :) Er einhver annar en ég sem horfði á 50 ára afmæliskeppni Eurovision?

Konur sameinist

2005-10-24T07:23:00.000-07:00

Konur, til hamingju með daginn. Vonandi verður þvílík stemming niðrí miðbæ Reykjavíkur á eftir.

Föstudagur eina ferðina enn

2005-10-21T04:19:00.000-07:00

Núna er pabbi farinn aftur heim til Íslands :( Í gærkvöldi fórum við út að borða á ítalskan stað með pabba, Sigurjóni og Hönnu. Maturinn var mjög góður: Í forrétt brushetta brauð, í aðalrétt pasta sem var fyllt með sveppum og ítalskur ís í eftirrétt, nammi namm :) Takk fyrir okkur pabbi :)
Þegar við komum heim í gærkvöldi voru strákarnir á ganginum að spila póker inn í eldhúsi. Auðvitað sogaðist Palli þangað inn og rataði ekki aftur heim til sín fyrr en um klukkan 4 um nóttina hehe. Það var víst rosa fjör.
Dagurinn í dag er alveg óráðinn...og helgin líka. Þetta verður að vísu róleg helgi vegna skorts á úthaldi og peningum :) Ég er allavega sátt við það.
Ætla núna að draga Palla úr bælinu og gera eitthvað af viti. Skólinn byrjar aftur á mánudaginn og auðvitað á maður eftir að læra heima...er að fara að segja samnemendum mínum frá því hvernig íslenska tungumálið er uppbyggt...auðvitað á dönsku...spurning hvernig það gengur...
Góða helgi elskurnar

The Vigilante

2005-10-19T16:01:00.000-07:00

First they took his frozen fries.

Then they took his frozen lamb chops.

Now all he has is.......Revenge!!!!

He is The Vigilante.

Já það er sko ekkert grín að vera Ghettóbarn. Fyrir tveimur vikum síðan var brotist inn í eldhúsið okkar og einhverju smálegu stolið. Það var síðan í gærkveldi sem ég var að gera mig kláran í háttinn eftir að hafa horft á meistaradeildina, sem ég heyrði eitthvað þrusk frammi, einhver að fara inn í eldhús, svosem ekkert óvanalegt. Nema hvað að það var eitthvað of mikið þrusk þannig að ég kíki fram á gang og sé eldhúshurðina opna og ljósin þar slökkt, sem er skrýtið kl. 0200. Þar var allt á rúi og stúi og þegar ég fór aftur fram á gang sá ég þrjá gaura úti á svölum að hlaupa inní næstu blokk með fangið fullt af þýfi. Ég náttúrulega rauk inn og í skóna og út á svalir og yfir í hina blokkina, þar var enginn þannig að ég fór aftur út á svalir og þá sá ég einn gaurinn úti á hjólaplani að reyna að labba ógrunsamlega með fangið fullt af illum feng sem gekk frekar illa hjá honum. Hann fann augnráðið á bakinu og sneri sér við og sá mig uppi á svölum og hljóp fyrir hornið á blokkinni. Ég hljóp af stað og fann stiga niður og þegar ég kom út á götu sá ég gaurinn hoppa uppí svartan blæju sportbíl og horfa til baka áður en þeir ruku af stað útí nóttina.

Ég veit að þetta hljómar ótrúlega en þetta er alveg dagsatt, hvert orð!
Ok núna kemur punchline-ið: Það eina sem þeir stálu voru frosnar matvörur! Hvaða töffarar á svörtum sport-blæju benz/bmw stela mat frá fátækum námsmönnum!!! Það er nýr DVD-spilari í eldhúsinu, í einum skápnum eru rándýrir hnífar og fullt af víni. Nei nei, þeir vaða bara í frystana og stela mat.

Hér er mín kenning, er ég var í hinum æsispennandi eltingaleik sá ég að ræningjarnir voru ungir strákar af arabískum uppruna. Ég held að þeir séu úti að stela á hverri nóttu og síðan skella þeir þessu í hillurnar í búðinni hans Ahmed frænda þar sem hann selur þær með vænum gróða, sem myndi útskýra hið stórfurðulega vöruúrval í sumum þessara búða.

Já það er ekkert grín að vera Ghettóbarn. En þeir eru með lykil þannig að þegar búið verður að skipta um lás verður þetta ekkert mál. Síðan verður þetta betra þegar við fáum íbúð með eldhúsi. En þangað til fer ég bara í
og kaupi baseball kylfu og sit inní eldhúsi eins og grimmur
rauðbirkinn pit-bull.

En að öðrum efni þá er efterårs ferie og letin tröllríður samfélagi trúaðra. Svahildur commentadrottning kom með vinnunni í einn dag í gær og gott ef hún náði ekki að versla eitthvað. Séra Þórsteinn kom í morgun og fórum við með honum í bæjarrölt og á kaffihús og áttum huggulegan dag.

Ég spilaði tvo leiki um helgina með IF Gudrun, körfuboltadeild og setti 18 í fyrri og um 20 í seinni leiknum en báðir töpuðust tæpt. Eftir 5 vikur frá vegna meiðsla, hvíldartíma í sekúndum talinn í leikjunum og baráttu við gaura sem voru grínlaust 10 cm stærri en ég og ca 40 kílóum þyngri var líkami minn á mánudag í versta ástandi sem hann hefur verið í síðan Portúgal 2000. Krambúleraður er ekki orð en passar vel til lýsinga hér. En við erum með fínt lið og það verður gaman að spila með þeim í vetur.

Hurru er kominn með tennisökkla, holskeflubólgu og karpaltönnelsyndróm og hætti núna.

hilsen

Eldhúspartý og margarítur

2005-10-16T07:26:00.000-07:00

Við vorum rétt svo búin að jafna okkur eftir ævintýri miðvikudagsins þegar föstudagskvöldið rann upp :) Á dagskránni var eldhúspartý með krökkunum á ganginum okkar. Kokkanemi sem býr á ganginum sá um að elda góða máltíð handa okkur öllum :) Síðan hófst hrina drykkjuleikja sem endaði auðvitað bara með ósköpum..segi ekki meir. Við spiluðum lúdó nema að lúdókarlarnir voru lítil staup, við vorum með græju þar sem sá sem fékk vægt raflost þurfti að þola mikla drykkju o.fl ofl leiki. Þetta eru alveg yndislegir krakkar og það verður leiðinlegt að þurfa flytja frá þeim um áramótin. Við skemmtum okkur öll mjög vel saman og enduðum síðan niðri á barnum (gott að þurfa ekki að fara út).
Guðbjörg og Siggi komu til okkar í gærkveldi og gistu hjá okkur í eina nótt. Þau höfðu verið í viku í Rússlandi og ferðin var að þeirra sögn hreint og beint stórkostleg. Við fengum að sjá margar skemmtilegar myndir og heyrðum margar vægast sagt góðar sögur um mannlífið í Rússlandi :)
Þrátt fyrir að þau komu til okkar um hálf ellefu um kvöldið vildu þau drífa sig í bæinn enda var Guðbjörg búin að dreyma um jarðaberja margarítu síðan hún var hérna seinast :) Við fórum auðvitað á Mexi, nammi nammi namm :) Og við borðuðum líka á írakanum, þeim yndislega stað :) Guðbjörg og Siggi flugu síðan heim til Íslands í morgun. Takk fyrir okkur kæru hjón!
Í dag fórum ég og Palli í hjólreiðatúr út í bláinn. Við skoðuðum meðal annars konungshöllina, Marmarakirkjuna og margar aðrar fallegar byggingjar. Kaupmannahöfn er svo falleg borg, sérstaklega í sólskini. Að vísu var mjög kalt út (þið sem eruð að koma til Köben, takið með ykkur hlýjan jakka) en fallegt veður. Við enduðum síðan á kaffihúsinu Zirop sem klikkar aldrei. Framundan er yndisleg frívika og góðar heimsóknir frá Íslandi.
Hafið það gott elskurnar.

Já já við kíkjum bara á leikinn og fáum okkur 1-2 bjóra

2005-10-14T02:23:00.000-07:00

Þetta var fílingurinn á miðvikudaginn, Danir að spila seinasta leikinn sinn í undankeppni HM í Þýskalandi 2006 og þurftu að vinna Kazakhstan á meðan Albanir þurftu að ná stigi af Tyrkjum. Ekki komust Danagreyin áfram því Tyrkir unnu Albani með minnsta mögulega mun. Við horfðum á leikinn á Egegade hjá Ingu og Júlíu. Aðrir áhorfendur voru, Bragi(hennar Ingu), Ella, Anna, Tinna (li'l sis hennar Önnu), Örk og Hallur (vinur Ingu og Júlíu) auk að sjálfsögðu Ghettóbarnanna frá Dalslandsgade, þ.e.a.s. ég og Guðný. Í stuttu máli þá endaði þetta í allsherjar fylleríi þegar Inga og Júlía báðu viðstadda um hjálp við að tæma vínskápinn sinn (sem var barmafullur af víni). Þó það hafi ekki tekist er óhætt að segja að gerð hafi verið heiðarleg tilraun. Talandi um tilraunir þá var einnig gerð tilraun með ný afbrigði af drykkjum, t.d. Bloody Russian Cocaine, þar sem eru notaðir tómatar í stað sítrónu. Hmm, ég veit það ekki.

Allt í allt snilldar kvöld þar sem allt fór nú vel fram og allir voða glaðir og það er alla vega alltaf stuð að fara á Egegade. Við erum þó farin að hafa áhyggjur af því að við séum of partýglöð þannig að við höfum fengið tvo presta til að koma í heimsókn til okkar og leiðbeina okkur á rétta braut í lífinu, séra Guðbjörg kemur á morgun með sínum prestsherra Sigurði Páli og á miðvikudag mætir í séra Þórsteinn. Nei nei við erum nú bara að grínast, Guðbjörg og Siggi eru að koma úr ferðalagi frá St. Pétursborg í Rússlandi og ætla að fá að gista hjá okkur og Þórsteinn kemur í viðskiptaferð að ég held.

Danir eru snillingar í að taka hlutunum með ró, þegar maður er kominn svona almennilega í skólagírinn og með góðan lestrar rythma þá skella þeir bara á efterårsferie, þ.e.a.s. það er frí í nánast öllum skólum í Danmörku alla næstu viku??? Bara svona svo fólk fari ekki að missa sig alveg í einhverju námsstressi?!?

Þrír pirr-punktar:
1. Vísindakirkjan. Hún er verkfæri djöfulsins, fyrst hélt ég að Tommi Krús væri bara vitleysingur en eftir að hafa lesið mér til um Vísindakirkjuna er ljóst að hann og félagar hans eru friggin geðsjúklingar!!!

2. Sænski strákurinn sem er með mér í skóla. Ohhh! Síðan þurfti ég endilega að lenda með honum í hóp í stóru verkefni.

3. Danir vita ekki hvað sturtubotnar eru.

Þrír ánægju-punktar:
1. Erum að fá tvær heimsóknir í sömu vikunni, rosa gaman.

2. Vikufrí og ennþá rosa fínt veður, hvað get ég sagt.

3. Good times, good times.

Myrkur í Máli kveður að sinni.

p.s. myndirnar frá Egegade eru í Myndir 2

I gotta have more cowbell!!!!

2005-10-11T14:17:00.000-07:00

Já gott kvöld góðir landsmenn nær og fjær! Það er útvarp Dalslandsgade sem talar. Hér allt í ljómandi góðum slætti og heimilisfólkinu heilsast vel. Lífið farið að verða svona ósköp venjulegt skólalíf. Myndirnar komnar sem við lofuðum, eru í Myndir 1 í möppunum Djamm á Mexi og Íslandsför. Ég fór á körfuboltaæfingu á mánudaginn, var að láta reyna á ökklann í fyrsta sinn eftir meiðslin í fyrr í sumar. Var farinn að verða ansi pirraður á að komast ekki í bolta. Var furðu seigur þrátt fyrir ryð og á eftir að fá að spila nóg með þessu liði. Gaman að því, hefur maður eitthvað að sprikla í í sumar.

Heyrðu já! Myrkur bara kominn með sítt að aftan! En það er bara cool, þið vitið hvað þeir segja:

Business in the front!

PARTY in the back!!!!

Mánudagur á morgun...

2005-10-09T13:55:00.000-07:00

Þá er helgin búin rétt eina ferðina enn...annars var þessi helgi mjög fín, djamm á föstudaginn (myndir koma inn á morgun) og svo afslöppun á laugardaginn. Anna og Ella komu til okkar á laugardaginn, við leigðum tvær spólur og borðuðum take-away mat frá ítalska vini okkar honum Maxímó. Fyrri myndin sem við horfðum á var dönsk stelpumynd sem nefnist Den store dag. Mæli með henni. Seinni myndin hét Magdalenu systurnar (minnir mig), hún var enn betri en sú fyrri..mæli eindregið með henni fyrir alla, konur og karla eldri en 18 ára.
Í dag, sunnudag, fórum við á stærsta markað allra tíma í Köben sem var haldin í Bella center. Þar var nú gaman eins og venjulega. Við erum farin að kannast við fólkið sem er að selja og á meðan ég er að skoða hlutina þá nota ég tímann til að velta fyrir mér hvaðan þetta fólk kemur...alveg stórskemmtilegt t.d. eru þarna þrír danskir menn sem eru alltaf að selja saman..... Fyrir mér eru þeir augljóslega feðgar og þetta er fjölskyldufyrirtækið þeirra frá 1983, þeir búa rétt fyrir utan Kaupmannahöfn og reka þar antík búð. Mamma strákana (ef hægt er að kalla þá stráka, þeir eru um þrítugt) er alveg komin með nóg af þessu fjölskyldufyrirtæki en þeir eru í þessu af einskærri ástríðu...hjónabönd þeirra allra hangir á bláþræði vegna þess að húsgögn og aðrir fallegir innanstokksmunir eiga hug þeirra alla.

Annars er best að mæta rétt áður en að markaðarnir loka, þá er auðveldast að prútta.

Svo er bara ný skólavika á morgun...sem er auðvitað bara spennandi. Í þarnæstu viku er haustfrí hjá dönum. Allir skólar falla niður, alltaf gott að fá fríviku :) Langar einhverjum að koma í heimsókn?

Afmælisbarn dagsins!

2005-10-08T05:12:00.000-07:00

Við viljum óska drottningu commentanna, manneskjunni sem heldur síðunni lifandi, til hamingju með daginn!

Til lykke med fødselsdagen Svansí!!!

Gul lauf og 18 stiga hiti

2005-10-07T08:47:00.000-07:00

Það er mjög skemmtilegt að labba um Kaupmannahöfn þessa dagana, út um allt liggja gul lauf sem þýðir að veturinn sé á næsta leiti... en samt er 18 stiga hiti og sól úti :) Við njótum auðvitað síðustu sumardaganna með hjólreiðatúrum og kaffihúsaferðum (við sitjum ennþá úti á kaffihúsunum, ótrúlegt en satt).
Það er mjög gaman í málaskólanum en stundum fer ég virkilega hjá mér. Í dag fórum við í sproglaboratorium, þá sitjum við öll með heyrnatól á höfðinu og með míkrafón. Kennarinn les síðan upp setningar og við endurtökum (hver fyrir sig). Síðan hlustum við á upptökuna og gerum þetta aftur og aftur. Þegar ég hlustaði á upptökuna rann betur upp fyrir mér hvað ég er með rosalegan íslenskan hreim hehehe (var samt ágætlega meðvituð um hann) Þetta er samt mjög góð æfing. Ég frétti að dönskukennarinn hennar Mary (danska prinsessan frá Ástralíu) er úr Studieskole sem er einmitt skólinn sem ég er í..það má því segja að ég fái konunglega meðferð mhuhuhuhu.
Anna kom í heimsókn í gærkveldi og borðaði með okkur piparostapasta (takk mamma fyrir piparostana) og tilheyrandi nammi namm... Í kvöld verður eitthvað sprell....það er líklega hittingur á Mexi bar sem er stórkostlegur kokteilbar, með Ingu, Júlíu, Höllu og fleiri Íslendingum. Anna er núna stödd á fredagsbar og Örk er í heimsókn þannig að þetta getur ekki klikkað :) Góða helgi allir saman.

Hávaði hefur mismunandi áhrif á fólk

2005-10-05T10:21:00.000-07:00

Vinnumennirnir farnir heim í dag

2005-10-05T07:10:00.000-07:00

Jæja þá er skapið á mér aðeins betra...vinnumennirnir eru farnir heim í dag :)
Búið er að festa kaup á tónleikamiðum með hinum íslenska Múgison sem spilar á Vega í nóvember. Það verður nú aldeilis gaman. Ég er mikill aðdáandi en hef aldrei farið á tónleika með honum :)
Annars er veðrið hérna ennþá gott sem ég er mjög ánægt með :)
Jæja, ein neikvæð færsla og ein jákvæð færsla sama daginn. Það þarf að vera eitthvað jafnvægi á þessu. Spurning um að fara niður og byrja í ræktinni...í dag eða á morgun...

Er að brjálast

2005-10-05T01:38:00.000-07:00

Ég er gjörsamlega að brjálast á hávaðanum hérna. Það er verið að gera upp svalirnar sem eru beint fyrir utan gluggann hjá okkur. Þetta eru risastórar svalir sem eru sameiginlegar fyrir allar blokkirnar og þeir verða í þessu verkefni fram að jólum. Núna er verið að nota höggbor (er ekki alveg viss um hvað borinn heitir, allavega er hann hávaðasamur og allt inni hjá mér hristist). Það er ekki hægt að vera inni í þessum hávaða þannig að ég er farin út. Er alveg brjáluð á þessu. Þeir byrja klukkan 7 á morgnana....arg....arg..arg....

Á Íslandi var gaman

2005-10-04T08:41:00.000-07:00

Núna erum við komin aftur til Kóngens Köben og erum bara ánægð með það. Það var mjög gaman að skreppa til Íslands og hitta vini og ættingja aftur.
Það sem við m.a. gerðum á Íslandi var að:
* borða mjög góðan mömmumat, nammi namm
* fara á American Style
* fara á kaffihús
* sjá litla prinsessu og lítinn prins (Evu Sóllilju og Eirík Tuma)
* fara í gott matarboð
* skoða náttúrufegurðina leiðina austur til Hafnar í Hornafirði
* fara á spilakvöld
* liggja upp í sófa heima hjá mömmu og pabba með góða flísteppið :)

Jamm það var gott að kíkja til Íslands :)

Næsta heimsókn er á laugardaginn..systir hans Palla og maðurinn hennar (Guðbjörg og Siggi) ætla að gista hjá okkur yfir eina nótt, gaman gaman.

Við erum búin að festa kaup á tónleikamiðum með hljómsveitinni Franz Ferdinand sem verða í desember, vei vei vei.

Þangað til næst....

Málaskólinn

2005-09-27T11:23:00.000-07:00

Jæja þá er ég byrjuð í málaskólanum. Hann er staðsettur alveg við Kongens Nytorv sem er alveg frábært og ég er aðeins 10 mínútur að hjóla þangað. Í bekknum eru 8 nemendur, Englendingar, Spánverjar og einn Íslendingur fyrir utan mig. Flestir eru búnir að eiga heima í Kaupmannahöfn í 6 mánuði - tvö ár og eiga danska/n kærustu/kærasta. Við vinnum allskyns verkefni, skrifleg og munnleg. Þetta leggst bara vel í mig!
Eftir skóla í dag fór ég með Önnu og Ellu í heimsókn til Möndu að sjá litlu prinsessuna hennar. Lillan var nú meiri dúllan. Manda býr á bak við Illum, hugsið ykkur..... það væri nú hættulegt fyrir mig... :)
Á morgun komum við til Íslands, vonandi næ ég að sjá sem flesta :)
Best að fara að pakka.

Pabbi á afmæli í dag

2005-09-25T05:55:00.000-07:00

Elsku pabbi, til hamingju með afmælið. Hlakka til afmælisveislunnar á miðvikudaginn :)

Móðir allra Markaða

2005-09-24T09:14:00.000-07:00

Já það er ekki laust við að systurnar hafi sett mark sitt á Guðnýju því hún er þessa dagana alveg óð í markaði. Við fórum í dag á risa markað í Forum sem er svona Laugardagshöll, bara stærri, básar vegg í vegg. Kaupsamningar voru handsalaðir og ómetanlegir munir skiptu um eigendur. Hér er mynd af markaðnum mikla.

Síðan komum við hjúin á til Íslands á miðvikudaginn og verðum fram yfir helgi. Hlökkum til að hitta alla.

Nýjar myndir

2005-09-23T07:39:00.000-07:00

Nýjar myndir frá systraheimsókninni og afmælinu hennar Ingu
Sjá undir FLEIRI MYNDIR ->

Sól og sumarylur :)

2005-09-23T03:06:00.000-07:00

Jæja þá eru systur mínar farnar heim. Það var mjög gaman hjá okkur í Köben, við borðuðum mikið og oft, þær versluðu mikið og oft og milli þess voru nokkrir öllarar drukknir :) Ég vona að þær komi fljótt aftur (ég bind vonir við að Valý komi aftur í okt) enda sakna ég þeirra strax. Já það er erfitt að kveðja :(
Í gærkveldi var smá afmælishittingur vegna 25 ára afmælis Ingu Rúnar, þar voru drukknig nokkrir öllarar og það var gaman að hitta krakkana. Inga Rún er rosa heppin, hún er búin að fá heila afmælisviku. Pant að fá svoleiðis líka (þið munið:4.mars).
Annars byrja ég í málaskóla á mánudaginn næsta. Það verður bara spennandi :)
Úti er 17 stiga hiti og heiðskýrt, frétti að það væri 1 gráða í Reykjavík. Hvernig líður ykkur með það hehe?

Vær'så god, 240!!!!

2005-09-19T05:17:00.000-07:00

Já, á laugardaginn 17. september komu systur Guðnýjar, þær Svanhildur, Herdís og Valý í heimsókn til okkar. Það er óhætt að segja að það sé búið að vera mjög gaman hjá okkur að hafa þær. Sannreynt hefur verið að íbúðin okkar, þó lítil sé, rúmar fimm manns í svefnplássi. Herdís og bumbubúinn sofa í rúminu okkar og Svanhildur og Valý skiptast á að vera uppí hjá henni eða á beddanum sem við fengum lánaðann hjá Gulla og Laufeyju. Við Guðný sofum síðan í okkar forláta svefnsófa í stofunni.

Já systurnar voru vart lentar fyrr en Guðný hélt af stað með þær á markaði sem hún var búin að komast á snoður um. Á laugardaginn var farið á tvo markaði niðrí bæ og gerðu systurnar nokkur ágætis kaup auk þess að splæsa á okkur rosa flottu tekk-borði sem hreinlega var ekki hægt að láta "ókeypt". Við borðuðum á kaffihúsinu Zyrop áður en við héldum heim og "hugguðum" okkur og fórum snemma að sofa.

Sunnudagurinn var tekinn snemma og eftir síðbúinn árbít á kaffihúsi hér í grenndinni var haldið í Det Blå Pakhus sem er gríðarstór innimarkaður hér á Amager. Þar bar margt fyrir augu systranna og fleiri góð kaup voru gerð en ég held ég ég eftirláti Guðnýju að fara nánar í saumana á þeim. Eftir að hafa baðað sig í dýrðinni sem er Illum Bolighus skunduðu systurnar í Tívolí þar sem ég beið með Gulla og Laufeyju og Eika og Hrund sem eru í heimsókn hjá þeim. Þegar hér var að komið höfðu þær náð í mannafla í formi vinkvenna Svanhildar, Heiðu og Möggu. Eftir að hafa gírað mig upp í tækjunum með Gulla og co. var ég í stuði og vildi fá sem flestar systurnar með mér í Dæmonen rússibanann og Det Gyldne Tårn fallturninn. Herdís gat ekki farið í nein tæki en lét þess getið að ef hún væri ekki með barni hefði sko ekki staðið á henni, Valý þurfti litla hvatningu og skellti sér í tækin með bros á vör, þó smá efasemdir hafi læðst að henni á leiðinni upp í Gyllta Turninum en þær hurfu í hlátrasköllum á niðurleiðinni. Guðný var búin að fara svo eftirminnilega í Dæmoninn og búinn með sinn skammt af þyngdarlögmálstilraunum á Rimini og ákvað að sitja hjá. En það verður sennilega aldrei komist til botns í því hvaða vírum sló saman í höfði Svanhildar sem urðu til þess að hún lét mig tala sig uppí, ekki bara Dæmonen, heldur einnig hina 60 metra háu martröð lofthræðsluþolenda: Det Gyldne Tårn. Um leið og sætin fóru af stað upp fór Svanhildur að viðra efasemdir um ágæti sæta og öryggisbúnaðar og er sætin stöðvuðust í 60 metra hæð var nú ákveðið að hafa augun bara lokuð. Á niðurleiðinni var ekki hægt að greina neitt frá Svanhildi þar sem ópin frá Möggu vinkonu hennar yfirgnæfðu allt og alla. En hún sigraði þetta og mega Svanhildur og Magga bara vera montnar því það sáust fílefldir karlmenn snúa við í röðinni og hlaupa burt með tárin í augunum bara af því að horfa á turninn.

Eftir að hafa snætt ítalskt í Tívolí hittum við Sören og Bettine vinafólk Svanhildar og Gests og fórum með þeim á Oscar sem er rosa flottur og skemmtilegur bar. Þar sátum við frameftir kvöldi og spjölluðum. Valý og Svanhildur létu þjónana vinna fyrir kaupinu sínu með Mojito rannsóknum sínum. Sören og Bettine voru aldeilis frábær félagsskapur og virkilega gaman að spjalla við þau. Um miðnætti var haldið í strætó og þreyttar en ánægðar héldu systurnar inní draumalandið með von í hjarta um gott veður og góð kaup á þeim tíma sem þeir eiga eftir hér í Kóngsins Köbenhavn.

Framhald síðar...........
og myndir innan skamms

Undirbúningur hafinn

2005-09-16T06:04:00.000-07:00

Eins og sést á þessari mynd er undirbúningur fyrir komu systranna, eða Hurricane Grænahlíð eins og ég kýs að kalla það, í fulllum gangi.

Einnig eru komnar nýjar myndir á myndasíðurnar, albúm: Pimps n Hoes á myndasíðu 1 og Partý hjá Önnu og Ellu á myndasíðu 2.

Pimps and hoes

2005-09-15T03:31:00.000-07:00

Það er alltaf nóg að gera í skóladjamminu, það er nú meiri lætin í þessum Dönum. Þeim er alveg sama hvort það er miðvikudagur eða laugardagur, allir dagar eru djammdagar. Í gær var grímudansleikur og allir áttu að vera klæddir eins og melludólgar eða mellur...Það voru margar mjög skemmtilegar útfærslur sem verða birtar á myndasíðunni. Ballið byrjaði klukkan 18 með mat og fínerí. Það á vel við mig að byrja fyrr og vera þá komin í bólið fyrr (sérstaklega svona á virkum dögum). Svo er hittingur hjá bekknum í dag, svona til að vera öll saman í þynnkunni...ég held að ég segi pass við það :) Allir eru yndislegir í hófi :) Í dag er bara almennur lærdómur og skemmtilegheit.
Það er eitthvað húllumhæ hjá skólanum hans Palla í kvöld. Ég hlakka til að horfa á videospólu :)

Lyktin af haustinu

2005-09-13T12:19:00.000-07:00

Núna er elsku Lillý farin :( Ég og Ella fylgdum henni upp á flugvöll rétt áðan. Ég vona að hún hafi skemmt sér vel. Á föstudagskvöldið elduðum við Íslendingarnir saman dýrindismáltíð heima hjá Ellu og Önnu. Lillý kom nefninlega með PIPAROST frá Íslandi. Við gerðum piparostasósu með kjúlla...nammi nammi namm :) Síðan var aðuvitað farið út á lífið...
Á laugardaginn vöknuðum ég og Lillý snemma (algjörar hetjur) og fórum í rosalegan hjólreiðatúr um Köben. Markmiðið var að skoða markaðina í Köben. Við komumst að því að þeir eru frekar litlir en skemmtilegir. Við vorum líka rosalega stoltar af okkur að hafa sjálfar ratað út um allt hehe. Við vorum náttúrulega alveg búnar á því um kvöldið og fórum bara í bíó. Síðan eyddum við stelpurnar ómældum tíma á kaffihúsum og í görðunum...svo kósí :)

Annars er ég farin að finna lyktina af haustinu, þið vitið hvað ég á við...hitastigið er búið að falla um nokkrar gráður (er samt enn um 17 gráður) og vindurinn er einhvernveginn ferskari. Ég er ekki alveg tilbúin fyrir veturinn og ætla rétt að vona að sólin láti sjá sig út september.

Það er alveg brjálað að gera í skólanum, hópavinnan er gjörsamlega að gera út af við mig, þarf oft að draga djúpt andann en þetta venst ótrúlega fljótt. Ég er með 4 strákum og einni stelpu í hóp og þau eru öll yndisleg. Á morgun er ball í skólanum, alltaf nóg að gera :)

Núna styttist óðum í næstu heimsókn :) Eins og lesendur www.gudnyogpalli.blogspot.com hafa áreiðanlega tekið eftir koma systur mínar í heimsókn næsta laugardag. Vei vei vei :)

Sumar/haust kveðja frá Köben

Lillý er komin í heimsókn

2005-09-08T13:05:00.000-07:00

Núna er fyrsti alvöru skóladagurinn búinn...ég fór í fyrsta þýskutímann. Þar talaði kennarinn um efnahagsástandið í Þýskalandi..á þýsku náttúrulega og viti menn danirnir spurðu spurninga á þýsku eins og ekkert sé :) Ég sat nú bara aftast og lét lítið fyrir mér fara hehehe.
Við þurftum líka að vinna hópaverkefni í viðskiptafræði sem tók nokkra klukkutíma þannig að þetta fer mjög hratt af stað.
En ég er nú búin að gera margt annað en að kíkja í bækurnar. Lillý er í heimsókn!
Í gær kíktum við aðeins í búðir niðrí bæ og fórum síðan í stóru verslunarmiðstöðina sem heitir Fields (þar er sko opið til 20 hehe). Eftir það sóttum við pizzu til ítalska pizzusalans á horninu hjá okkur. Þetta eru bestu pizzur í heimi ef ég var ekki búin að segja ykkur það :) Síðan var bara kósí kvöld.
Í dag var ekkert slakað á. Við kíktum í búðirnar í Norrebro hverfinu. Þar sáum við eina geggjaða barnafataverslun. Ég hef aldrei séð flottari barnaföt en þau voru frekar dýr t.d. var þarna lítill Marimekko barnabakpoki, ferlega sætur :) Einnig voru æðislega flottir kjólar og gallar. Við fórum síðan á kaffihús sem er í eigu Íslendinga, held það heiti Laundromat café, mæli með hamborgaranum þar. Eftir það hittum við Önnu og norska kærastan hennar sem heitir Ari. Við fórum í sætan garð og spiluðum fram á kvöld.
Ég er núna eiginlega búin á því eftir að hafa hjólað svona mikið í dag, þannig að það verður skrifað meira seinna.
Ást Guðný

Ekki úr vegi að henda inn einni mynd frá helginni þegar Guðbjörg systir Palla var í heimsókn, myndin er tekin á hverfis-inderska staðnum okkar.

Veikindi

2005-09-06T06:46:00.000-07:00

Já ég er veik :( Það er ekkert jafn leiðinlegt og að vera veik í yfir 20 stiga hita og sól (ég hef bara gluggatjöldin dregin fyrir og reyni að ímynda mér að það sé rigning úti). Það er líka leiðinlegt að missa af fyrstu skóladögunum. En það allra leiðinlegast er að ég missi af fyrsta deginum hennar Lillýjar í Köben og kvöldverðinum í kvöld heima hjá Ellu og Önnu :(
Já það má segja að það sé smá sjálfsvorkun í gangi hérna á Amager :)
Palli stendur sig samt eins og hetja að reyna að hressa mig við. Núna er hann að kaupa fyrir mig melónur og vínber út í búð :)
Annars ætla ég að reyna að fara út á morgun. Þrír dagar heima við er miklu meira en nóg fyrir mig...
Palli er allur að koma til í fætinum. Það lítur allt út fyrir það að hann geti borið fatapokana fyrir systur mínar. Þá sleppa þær við að leigja sér atvinnupokaberara :)
Fyrsti skóladagurinn hans Palla var í gær. Kúrsarnir hans eru á dönsku og í fyrsta tímanum sem hann fór í skildi hann svona 1/3 af því sem kennarinn sagði en seinni tíminn var skárri. En þetta verður bara til þess að Palli á eftir að ná dönskunni mjög fljótt. Allir kúrsarnir eru á ensku hjá mér nema náttúrulega þýsku tímarnir en þeir eru á þýsku hahahaha. En ég stefni á að fara í kvöldskóla í dönsku en hann byrjar 24 september.

Ég gjörsamlega elska veraldarvefinn. Það er gott að geta horft á íslenska fréttatímann.

Ég veit ekki hvað er að gerast með Danina. Þeir eru gjörsamlega að sleppa sér í raunveruleikaþáttargerð. Hérna er þáttur um versta iðnaðarmanninn, versta ökumanninn, þáttur um fólk sem ætlar að léttast um 50 kíló eða meira. Síðan sýna þeir bandaríska raunveruleikaþætti hægri vinstri (já miklu meira heldur en við). Þeir eru með raunveruleikaþátt um bandarískar stelpur sem keppa um titilinn ameríska prinsessan. Þær fara til Bretlands og læra þar að verða dömur. Síðan er þáttur sem heitir : Hver vill giftast pabba mínum? Í þessum þætti eru fjögur börn milljónamærings að finna handa honum konu. Börnin reka eina konu heim í hverjum þætti þangað til ein stendur eftir sem nýja stjúpmóðir þeirra :)

Já og auðvitað horfi ég á alla þessa þætti...nema þáttinn um versta bílstjórann, hann er svo hallærislegur hahaha
Annars erum við bara með 4 sjónvarpsstöðvar en það er kapall inn í eldhúsi með öllum stöðvunum. Annars sá ég mér til mikillrar gleði að nýja serían af OC verður sýnd á stöð sem við erum með. Vei vei

Jæja eins og þið hafið tekið eftir er ekki mikið að frétta af veiku konunni.
Þangað til næst bæó

Myndir Myndir Myndir!!!

2005-09-04T12:05:00.000-07:00

Jæja þá eru myndirnar komnar á netið og hægt er að nálgast þær hér og hér

Magnað magnað, Guðbjörg systir kom í gær og við fórum á indverskan veitingastað hérna rétt hjá okkur og reyndist maturinn hreint afbragð og síðan fórum við á Mexibar og fengum okkur nokkra kokkteila áður en haldið var heim. Hún fór síðan heim í morgun.

Brillí brill hilsen allir saman.

Sorry Himmi ég hef engar röntgenmyndir en ég get sýnt þér hvernig ökklinn leit út daginn eftir:

Out for the season!

Smá fréttir

2005-09-03T02:02:00.000-07:00

Hæ hæ allir saman.
Síðustu dagar í Köben eru búnir að vera mjög skemmtilegir enda góðir gestir í heimsókn. Pabbi kom til Köben sl þriðjudag en hann var hérna í vinnuferð. Við hittum hann á þriðjudagskvöldið og skelltum okkur á Hereford steikhús sem er við Tívólíið. Maturinn var alveg æðislega góður, takk fyrir okkur pabbi :) Í gærkvöldi fórum við síðan með pabba inn í Tívolíid, löbbuðum þar um, hlustuðum á Fredagstónleikana en hin frækna hljómsveit Shu-Bi-Dua var að spila (Stuðmenn Dana). Við borðuðum síðan góðan mat á Páfuglinum. Pabbi flýgur síðan heim í dag :(
Systir hans Palla, hún Guðbjörg er líka á svæðinu. Hún er að byrja í meistaranámi í Köben og kemur hingað einu sinni í mánuði í vetur. Ég tók smá búðarráp með Guðbjörgu á fimmtudaginn og dressuðum hana upp fyrir skólann :) Hún kemur síðan aftur til okkar í dag og gistir hjá okkur eina nótt. Þið takið kannski eftir því að aðeins ég var með Guðbjörgu í búðarrápi, en það er vegna þess að Palli var í 7 tíma upp á slysavarðsstofu. Honum tókst að snúa á sér öklann í fótbolta á miðvikudagskvöldið. Þegar hann vaknaði á fimmtudagsmorguninn var fóturinn á honum þrefaldur. Hann fór síðan á slysó og læknarnir héldu að fóturinn gæti verið brotinn, en eftir nokkrar myndartökur og mikla bið úrskurðu læknarnir að hann væri ekki brotinn. Palli labbar því (eða skoppar )með hækjur. Ég og pabbi keyrðum honum um allan Tívolígarðinn í hjólastól. Palli var nú ekkert að kvarta, sat bara með ís og brosti út að eyrum meðan við ýttum honum upp brekkurnar :) Palli er samt allur að koma til.
Við erum einnig búin að elda 2x með krökkunum á ganginum. Þetta eru alveg æðislegir krakkar, danir, strákur frá USA (sem er algjör dúlla) og ein spænsk stelpa sem getur varla talað ensku og hlakkar alveg rosalega til að Valý komi í heimsókn :) Hún er samt algjört æði líka, rosalega spænsk :) Við erum svo heppinn að einn danin á ganginum er að læra að vera kokkur þannig að hann eldaði fyrir okkur geggjaðan tælenskan rétt. Í hitt skiptið grilluðum við öll saman út á svölum og drukkum auðvitað öl með :)
Það er líka nóg að gera í félagslífinu í skólanum, ég fór auðvitað í 5 daga ferð út á land með bekknum mínum....við skulum bara segja að það hafi verið mjög mikið fjör...eiginlega of mikið fjör hehehe. Á miðvikudagskvöldið síðasta hittist bekkurinn minn og einn annar bekkur í Fællesparken sem er stór gardur í Köben og drukkum bjór frá 19-23 (já úti), síðan var haldið á skemmtistað sem heitir Park en þar var partý fyrir alla nýnemana. Rosa stuð semsagt.
Alvara lífsins hefst síðan á mánudaginn, þá byrjar skólinn með öllu sem því fylgir... En Lillý kemur á þriðjudaginn og verður í Köben í tvær vikur :) Vei vei vei.
Herdís, já Tívolíið verður enn opið þegar þið komið og auðvitað skellum við okkur þangað. Það er eitt heitasta markmið Palla að ná Svanhildi í stóra rússibanan :) ´
Núna tekur við ferð í þvottahúsið þannig að ég ætla að kveðja ykkur að sinni. Síðan kemur Guðbjörg seinnipartinn í dag og þá verður eitthvað húlum hæ :)
Stuðkveðja úr Köben
Guðný og Palli

Sirkus Geira Smart og Tívolí DAUðANS

2005-08-29T05:12:00.000-07:00

Bara einn stuttur hérna. Jájá vid skelltum okkur í Tívolí í gær med Gulla og Laufey og Önnu Maríu systur hans Gulla og Edda manninum hennar. Thad var alveg grídarlegt fjör og vid fórum í alls kyns tæki og ég vann bangsa í tugatali fyrir Gudnýju, reyndar ekki fyrr en ég fann básinn thar sem madur átti ad skjóta bolta ofan í körfu. Fyrir thad var ég búinn ad eyda formúgu fjár í ad reyna ad skjóta í mark med loftriffli og grýta nidur dósir med thar til gerdum boltum. Thad var reyndar ansi fyndid thegar ég og Gulli vorum ad skjóta med rifflunum hlid vid hlid, átta skot á mann, sídan fengum vid spjöldin sem vid skutum á í hendurnar og fórum ad metast. Sídan fór ég einhverra hluta vegna ad telja götin á mínu spjaldi 1, 2, 3, 4, 5, 6, 7, 8, 9! Eftir talningu kom í ljós ad adeins voru 7 göt á hans og fékk Gulli væna hlátur-roku fyrir vikid, hann hafdi skotid á vitlaust spjald, ég verd reyndar ad taka thad fram ad hann hitti oftar í midjuna en ég. Heyrdu áfram hélt gamanid og ég skellti mér einn í free-fall turninn thar sem madur er hífdur uppí 60 metra hæd í einhverjum stól sem hangir utan á turninum og sídan látinn gossa nidur í frjálsu falli, ansi scary en ansi gaman, ad labba burt frá thví líka.
En sídan skelltum vid okkur í adal rússíbanann, The Demon (Dæmonen), sem er all svakalegur, alla vega er fyrir mig sem hef aldrei farid í rússíbana ádur. Hann er kannski ekki langur en thvílík gedveiki á medan ferdinni stendur. Og viti menn, Gudný, thessa litla snót sem ekki hefur verid thekkt fyrir ad vera med stærsta hjartad, skellti sér med. Ég er mjög stoltur af henni. Hún stód sig eins og hetja thó ad hún hafi öskrad alla leidina og skolfid eins og hrísla thegar hún steig út. En thad var tekin mynd á leidinni og af thessi mynd sínir bara eitt, The Face of Pure Terror. Vid fáum sennilega tölvu á morgun og thá skal ég skella myndinni inn. Thetta er bara mesti hryllingssvipur sem ég hef séd.

En allt í allt rosa gaman og upplifun fyrir mig sem hef aldrei komid í tívolí. Á morgun fer ég ad hitta mentorinn minn, manneskja sem hefur fengid thad verkefni ad hjálpe mér med jah, allt. Og ég bad ekki einu sinni um thad, snilld. Sídan kemur Þórsteinn pabbi hennar Gudnýjar í bæinn á morgun. Fyrsta heimsóknin okkar, jibbí. Sídan kemur Gudbjörg systir á midvikudaginn held ég, hún verdur fram yfir helgi og verdur fyrst til ad prófa nýja svefnsófann okkar, en samt ekki thar sem hann var keyptur notadur, en engu ad sídur fyrst eftir ad vid eignudumst hann. Sídan er von á Lillý vinkonu hennar Gudnýjar og systraheimsóknin mikla vomir yfir eins og.........eitthvad sem vomir en er samt ekki slæmt, meira svona gledivom, eda eitthvad ég ætla ad hætta ad tala.

Ef einhver kannast vid ad tenglarnir og draslid hérna til hlidar , í "sidebarinu" sé ekki á sínum stad, láta mig vita, thá tharf ad fixa thetta, ef ekki thá tharf ad fixa Garon.

Mvh. Palli, madurinn sem dansadi vid daudann í Tívolí.

Sælir eru hellisbúar, thví their munu jördina erfa.

2005-08-25T08:42:00.000-07:00

Já gódann daginn, til hvers ad vera med bloggsídu ef ekki á ad skrifa á hana annad slagid. Hér er allt ágætt ad frétta, Gudný er búin ad vera í ferdalagi med ödrum nýnemum sídan á mánudag og thad hefur bara verid fínt segir hún thó ad henni finnist thetta nú í lengra lagi, en hún kemur heim á morgun. Á medan er ég búinn ad vera heima veikur alla vikuna, algjör hellisbúi, kominn med svaka Playstation-sigg á thumalputtana. Ég virdist vera búinn ad ná mér og fór í skólann í morgun og tók lokaprófid í dönskunámskeidinu mínu sem er búid ad vera mjög skemmtilegt. Eftir hádegi fór ég svo á danska tölvuteiknimynd sem var sýnd á námskeidinu, thad er alltaf Cultural activities (ísl. Menningarleg athæfi) eftir hádegi. Myndin hét Terkel i knibe (Terkel í klípu) og er algjör snilld, einskonar danskt South Park, mæli hiklaust med henni, mjög fyndnir karakterar eins og t.d. mamman sem vill ekki ad Terkel leiki sér á hjólabrettarampinum thví hann gæti: "fengid miltisbrand og visnad upp eins og sveskja". Mjög fyndid. Í kvöld ætla ég svo ad kíkja á kaffihús med bekkjarfélögum mínum. Já alveg rétt, ég spiladi í seinustu viku minn fyrsta leik fyrir FC Island, thetta var bikarleikur gegn sterku lidi og vid unnum 2-1 og kom sigurmarkid thegar 2 mínútur voru eftir af seinni hálfleik framlengingar. Vid fögnudum grídarlega og erum komnir ad ég held í 8 lida úrslit, ég komst vel frá mínu í leiknum, mikid stud.

Um sídustu helgi kíkti ég á ströndina med Laufeyju og Gulla medan Gudný var á einhverjum nýnemadegi. Ég fjárfesti í einskonar Boccia kúlum en ekki alveg Boccia, vid köllum thad Pikachu en thad heitir eitthvad annad og thad er ljóst ad ég og Gulli verdum adalkallarnir á elliheimilinu ef Pikachu hæfileikarnir yfirfærast á Bocciad, alvöru Jocks! Vid fengum okkur Pizzu hjá Massimo, our friendly neighbourhood italian pizza guy, og Gudny hitti okkur sidan thegar vid fórum nidur í bæ. Thar var nú allt á rólegu nótunum og haldid heim um 1 leytid. Á laugardaginn hjóludum vid nidrá strönd og my-o-my!!! Thvílik blída mar! Thar vorum vid ásamt Laufeyju og Gulla og einhverjum vinkonum hennar Laufeyjar. Gulli sá um ad skaffa aktivitet thann daginn og kom med forláta Frisbee disk. Ég var frekar skeptískur til ad byrja med og efadist stórlega um skemmtanagildi disksins at arna. En ég skal segja ykkur thad ad vid hlupum á eftir Frisbee-num eins og 2 Golden Retrieverar á lódaríi med amfetamínstera í æd!!! Mjög gaman og mæli ég med Frisbee diskum hér med - Good Clean Fun Kids!

Um kvöldid fórum ég og Gudny út ad borda á Inderskum stad sem hét Indian Taj og heitir enn. Vid fengum okkur Hot coconut chicken og Garlic Chicken, butter og garlic naan, jógúrtsósu, hrísgrjón og hálfa hvítvín. Thetta var alveg ljómandi, kraumandi, sizzlandi gott, thjónustan til fyrirmyndar og stadurinn flottur (mjög indverskt inréttad). Vid sammæltumst um ad reyna ad fara med Systurnar thangad(thid vitid hverjar thid erud) thegar thær koma í heimsókn, thid getid byrjad ad slefa. Eftir matinnfórum vid á Mexibar og slöfrudum í okkur Frozen Strawberry Margharita, ég er ekki mikill kokteilamadur en, yum yum! Thar hittum vid Gudrúnu og Höllu og kærastann hennar sem heitir nafnisemégmanekkinúnaenhanner gedveiktfínngaurthannigad égermedsamvikubityfirthví. Vid trítludum med theim út og hittum Ingu og skelltum okkur á tvo bari ádur en vid duttum inn á bar nidri hjá Striki sem ég man ekki hvad heitir en hann var rosa fínn, svona pínu rokkadur og spiladi snilldarmúsík og vid sungum med í öllum lögum. Seint og sídar meir fórum vid heim og ákvadum ad kippa smá Mickey D med. Vid skelltum okkur í rödina og thvílík stybba!!! Gudný horfdi náttúrulega beint á mig en ég flissa venjulega alltaf thegar ég prumpa, thannig ad hún áttadi sig á ad ekki kom thetta frá mér. Nei nei viti menn, vid vorum einmitt ad spá í af hverju einhverjum sendibíl var lagt thétt upp vid MacDonald's, ég las á hlidina á bílnum: "Gregersen's KloakRensing". Vid vorum búin ad leggja inn pöntun og máttum thví standa í skíta(bókstaflega)fýlunni í dágóda stund. Sídan heim og daginn eftir svarid ad aldrei yrdi innbyrt áfengi framar, thetta venjulega og voila, helgin í hnotskurn. Hey ég er ad komast upp á lagid med thessi bloggskrif.

Mig langar hérna í lokin ad bidja Gest Hreinsson afsökunar á ad hafa oft gert lítid úr reidhjólum og notagildi theirra. Thau eru algjör snilld og bara naudsynleg hérna úti. Ég mun thó aldrei gúddera hjólabuxur, thær eru og verda alltaf lame.

Einnig langar mig ad benda fólki á tengilinn Vatnajökull hérna til hlidar, en pabbi er búinn ad stofna fyrirtæki og opna thessa glæsilegu heimasídu sem er vel thess virdi ad skoda. Gott ad sjá kallinn nota thennann ferdatjónustutalent sem hann hefur.

Til hamingju pabbi.

Kvedja frá Køben, Pallinn sem saknar Skruddunnar sinnar

Feeling hot hot hot

2005-08-18T09:00:00.000-07:00

Jæja thá er ég í fyrsta sinn ordin stoltur hjólaeigandi :) Ég og Palli keyptum okkur glæsileg hjól í vikunni. Mitt er alvøru Kaupmannahafnarhjól med háu stýri og kørfu :) Palli keypti sér strákagerdina í sama merki. Vid erum semsagt á næstum thví alveg eins hjólum, ædislega sætt allt saman. Vid erum audvitad búin ad hjóla svolítid og thad var svolítid skondid í byrjun, umferdin er svo hrod hérna og thad eru svo margir ad hjóla ad madur var alveg rugladur en thetta kemur fljótt.
Undafarna daga er búid ad vera alvoru sumarvedur herna í Koben, milli 20-25 og sól :) Vid hjóludum út á Amager Strandpark í gær med Laufey og Gulla. Strandgardurinn opnadi opinberlega í dag thannig ad adstædurnar eru mjog gódar tharna. Hrein strond og líka grænt svædi. Einnig er á svædinu sólbadsadstada og falleg smábátahofn rétt hjá. Vid erum bara 10 mín ad hjóla thangad (verst ad sumarid er ad verda búid).
Ég byrjadi í undirbúningsnámskeidinu í skólanum á midvikudaginn. Thad var tekid mjog vel á móti okkur og allt var mjog vel skipulagt. Thad var byrjad á ad fara í nafnaleiki og thid getid rett ímyndad ykkur hvernig mér gekk...ég hafdi aldrei heyrt sum nofnin á ævinni t.d. Elmet, Ríne, Síne, Rusk, Zhíd o.fl o.fl Thetta eru semsagt 95% danir sem eru á thessari námsbraut. Allir voru mjog almennilegir. Thessa tvo daga hofum vid verid í ice breaking leikjum og kynningum á kúrsunum sem vid forum í. Thad ætla allir í bekknum í ferdina á mánudaginn thannig ad ég fer audvitad líka. Skólinn er mjog flottur, nýtískulegur og risastór. Skólinn er med útibú á 3 stodum og thad eru 3 sérhæfd bóksofn o.s.frv. Thad eru 4 gerdir af heitum mat í hádeginu á 22 dk. Eitthvad sem Háskóli Íslands mætti taka sér til fyrirmyndar (burt med Júmbó samlokurnar)!!
Thad er audvitad mjog erfitt ad geta ekki talad vid danina í pásunum, thegar their fara á flug skilur madur ekkert í theim. Audvitad voru alltaf einhverjir inn á milli sem aumkudu sig yfir vesalings Íslendingin og toludu annad hvort ensku eda mjog hæga donsku hehehe
Í gærkvoldi var landsleikur á milli Englands og Danmerkur og ef thid vitid thad ekki nú thegar thá vann Danmork 4-1. Vid horfdum audvitad á leikinn og héldum med okkar monnum (ad vísu hélt Palli med Englandi, en adeins til ad byrja med hehehe). Thid getid rétt svo ímyndad ykkur hvort ad danirnir hafi ekki fengid sér nokkra ollara til ad fagna thessu :)
Ég prófadi ádan ad labba nidur í midbæ. Ég var 30 mín ad Tívolíinu, ekki málid.
Planid fyrir kvoldid er ad splæsa á sig út ad borda á einhver Indverskan..Gott plan!
Kv.Gudný og Palli